1 Tawarikh 27:24 - Eipomek

²⁴ Tonda, ninye si Zeruya, elce deiamuknye Yoab birye, Israel nang sik ninye si seken pil deiyok koubuka, dolamuk bukni, adiparyuk obuka sirya dakuk. Deiyok ara, ‘Allah arye, sik tam nang si sekna meme. ‘Aning ara na like,’ akunum nyapdeibukba, Yoab birye akunum kel bikamuka anya arye, ‘Nun Israel nang deice, Allah arye ikin ning deipsilyakʼ tenen, ninye si kum sekuka sirya dakuk. Ara asi sekmanya deice, Allah arye yu kiplirye, wenebuka ikin ning deipsilyakʼ tenen ati, apil batakuk. Ati ara, aning-aning nirya winina ati sekamik buku, ninye deiyoknye Raja Daud, el ulamuk ning sekamik buku noutam ara, ‘Israel nang yata wiribuka unyak do?’ tenen, sekuka deibik ning ara, abuku sekna deiyok nang arye, aning kum sekik.

1 Tawarikh 27:24 ပူးပေါင်းရင်းမြစ်များ

1 Tawarikh 27:25

Ninye deiyoknye Raja Daud, el amu tam mitik deiyok kibuka, yuk pil talibuka ulamik nang ara, sik si sekik ning ara, anyapce ubuka utam sekupu. Raja Daud, el aik noutam dekna weik bona delinak ap, talina ap ati, tonoknye el si Asmawet wipdeibukba, apil talibuka ulamuk. Asmawet, el li koprop ara, Adiel ulamuk. Aning atouk ton, yuk dekna weik ning uamukak nirya ara, yuknye el si Yonatan wipdeibukba, apil talibuka ulamuk. Yonatan el li koprop ara, Uzia ulamuk. Yonatan birye, kaliklamuk bona ara, weik asik noutam kum bukni, bai tam noutam ‘Naʼ tenen, delilamikak ap, tonda weik asik yuk-yuk bukni, mambul weik asik dolamik noutam, ‘Naʼ tenen, delilamik ning ap, mitik asik dolamik, noutam arye, ‘Naʼ tenen, delilamik ning ap, tonda, ‘Yu nang arye olyanamsiyak talak ara, eipnamap,’ tenelamik ning ap tonda, ‘Nun wa win dam arye libuka, ‘Naʼ tenen, delilamikak,’ eipsikcak,’ tenelamikce, weik cang aik dolamikce, bona delilamika nirya ara, Yonatan birye deiyok kibukba, el tam nang arye aning nirya ati kaliklamik.