1 Tawarikh 26:22 - Eipomek

²² Tonda, ayo bok dongolamik marikna kalikna deiyok nang ton ani. Ara, Yehiel elce deiamuk nang bitinye ara, Zetam ap, tonda Yoel ap, sikce Allah el si eren aik bukni, bona yuk-yuk ning delina ati wilibuka dobik aik ap, tonda Allah Yahweh el arelamik yo bok dongon marikna ap ara, ‘Sikce kalekinamrakʼ tenen, wipdeibik.

1 Tawarikh 26:22 ပူးပေါင်းရင်းမြစ်များ

1 Tawarikh 23:8

Ladan elce deiamuk mapu ara, sal winilye deiamuk. Ara, min yuma deiamuknye Yihel deiamukce, bitinanye bira, Zetam deibuk. Winilinye bira, Yoel deiamuk.

1 Tawarikh 26:20

Sik Israel yala nang nirya arye, atalak ton, atalak ton, sik ni koproba Allah Yahweh ati, El si erebuka, el kina ati, yo bok bulubuka deibupu ning ara, el tibuk arenamabeʼ tenen, Allah el si eren aik dam arelyangalamik. Ayo bok ap, keil uang logam ap arelyangalamikba, sik Lewi yala nang aryuk aning dobuka, teleb marikna pum tam dongolamikce, pia kaliklamik.

1 Tawarikh 26:21

Tonoknye el si Ladan, ayo bok areamikba, boyanuka amarikna dongolamik ning ara, elce ton kaliklamuk. Ladan elda, el li koproba Gerson birye deiamukba, ulamuk. Ladan, elda yata barye yala nang yupa ara, sik apu koproba ulamuk. Tonye bira, el si Yehiel, elce deiyok kibuka, deiyok kounanye kibukce, amarikna kaliklamik nang, tonok yupa ati ara, sik deiyoknye ulamuk.

1 Tawarikh 26:23

Ninye si ton Amram ap, Yizhar ap, Hebron ap, tonda Uziel ap, sikce deiamikba, dadeipdanin yangalamika ani, yanuka deibik nang ara, sikce apil dona deiyok nang una ati, wipdeibikba apiluk talibuka dolamik.

1 Tawarikh 29:8

Tonda, amutuku noutam yupu nyana deiyok nang sik urasin pia teleb keil, el si permata keil ara, tonoknye el si Yehiel, elti, boyanuka arelyayik. Ara Allah Yahweh el aik noutam ara, ninye arye talin ning delin aik pum tam, ‘Naʼ tenen delina ap, kalikna ap ati, ‘Wininamlume-wininamlume,’ nyana deiyoknye ulamuk. (Yehiel bira, Lewi yalanye bukni, Gerson birye deiamukba, deipdanin yangalamika ani, yanuka deiamiknye ulamuk.)

Nehemia 10:38

Nun kele, nun apu koprop Harun birye deibukba, dadeipdanin balamika ani, deibik yala nang nirya, deipkirikdop nang arye, sik Lewi yala nang ap, arup nyanmap pil donamak talak ara, anang melibuka donamake. Ara, sik Lewi yala nang arye nun arenamap ning, arelyangalamap talak nirya ara, Harun el yala nang arye delilamik nang, Lewi yala nang ap melibuka, apil donamake. Nun arenamap ning, sik Lewi yala nang arye doprobikcopura, aning nirya bulubuka deibikirye, noutam bokuka, tagu barye ton deibicopura, tonok ning ara seper sepuluh (10%) dobuka, Allah an si eren aik boyanamake. Ara, an si eren aik pum tam, mambul ning dokola deilin aik dongobuka deipnamaka atia.