1 Tawarikh 24:7 - Eipomek

⁷ Sikce undi donmek talak ara, tonok ning arye lak sukum ubukba, doprobikce sekikopura, anerye dipdongobuka, yuk ning ton seknin bana uk unmeka ani, winibuka sirya sekikopura, pia weik dua puluh empat (24) yala deiyok nang wipdeibik. Sik kel bikna ati lak kin ning, el si undi deice arye wipdeibuknye, min yumanye bira, Yoyarib wipdeibikba, elce deiyok kibuk. Undi bitinye deice arye dobik ning ara, Yedaya wipdeibuk.

1 Tawarikh 24:7 ပူးပေါင်းရင်းမြစ်များ

1 Tawarikh 24:6

Bokdeibikopura, adiparyuk sik winilamik ning ap, ninye si yuk-yuk sekna ap, apil dona deiyoknye birye sekdeibuk. Anye bira, Lewi yalanye el si ara Netanel, elce deiamuknye Semaya birye, seken pil dolamuka anya arye, elce anang sik si sekdeibuk. Undi winibika deice arye, Itamar el tam nang noutam arye, tonok yala deiyoknye doprobikopura, Eleasar biti ara, el yala deiyok nang bitinye doprobik. Asi seknanye birye, anang sik si sekenmok talak nirya ara, ninye deiyoknye Raja Daud ap, el amu tam deiyok nang ap, tonda imamnye el si Zadok ap, Abyatar elce deiamuknye Ahimelek ap, tonda sik imam-imam nang, sik yala deiyok nang ap, sik Lewi yala deiyok nang ap, sik nirya arye dinmek.

1 Tawarikh 24:8

Undi winilinye ning dobik ning ara, Harim wipdeibik. Undi dumu ning dobik ara Seorim wipdeibik.

1 Tawarikh 9:10

Allah el si eren aik pum tam pil don nang, sik imam-imam tamubuka Yerusalem mutuku yayik arye ulamik nang, sik si ara ani. Yedaya ap, Yoyarib ap, Yakhin ap, tonda Hilkia el mi Asarya ap ulamik. Anang sik apu yapu si ara, ani. Ara, Hilkia el li koproba ara, Mesulam ulamuk. Mesulam el li koproba ara, Zadok ulamuk. Zadok el li koproba ara, Merayot ulamuk. Merayot el li koproba ara, Ahitub ulamuk. (Ahitub bira Allah el si eren aik kalikna pil ati talibuka dolamik nang, nirya sik deiyoknye ulamuk). Anang nirya ara, Babel mutuku arye batakuka, Yehuda tam tamubuka yayikce, Yerusalem asik yanuka daulamik.

Esra 2:36

Ara, Babel mutuku arye tamubuka, Yehuda tam yangalamik imam-imam nang ara, ani. Sik apu koproba Yedaya, elce deiamuknye bira, Yesua birye deiamukba, dadeipdanin yangalamik nang, el tam nang ara, sembilan ratus tujuhpuluh tiga (973) nang yayik.

Nehemia 11:10

Anang winibuka taleamika noutam arye, Allah el aik noutam pil melibuka don nang imam nang ara, Yoyarib el mi Yedaya ap, Yakin ap, tonda Hilkia el mi Seraya ap, Zadok el mi Mesulam ap, Ahitub el mi Merayoy ap, sik nirya ara, weik nang ulamikce, Allah el yupu aik noutam talibuka pil dolamik.

Nehemia 12:19

Yoyarib el mapu silip sik deiyoknye bira, Matnai ulamuk. Yedaya el mapu silip sik deiyoknye bira, Uzi ulamuk.

Nehemia 7:39

Asekeipnun nang si ara Babel mutuku bobinamikba daulamikani tuba tamubuka yayik talak ara, Allah el si eren aik pum tam pil dona deiyok nang imam-iman nang ulamik. Yedaya birye Yesua deibukba dadeipdanin biyik ninye yupa ara, 973 nang Yerusalem mutuku tamubuka yayik.