1 Tawarikh 22:4 - Eipomek

⁴ Tonda, sik pera mutuku, ara eitam Tirus mutuku nang ap, Sidon mutuku nang ap arye, urasin teleb kat yo el si ara, cemara yo pia weik tonun boyanuka Daud dam boyanamik. Aning ati, Daud birye, cemara yo deiyok kum nukmanto ubuka, kintinip deibuk.

1 Tawarikh 22:4 ပူးပေါင်းရင်းမြစ်များ

2 Samuel 5:11

Tirus mutuku sik ninye deiyoknye, Raja Hiram birye, Daud el aik dona ati, aik don yo teleb ning, el si kayu besi, yo weik ap, aik dona kel nang ap, yo cakna nang ap, tonda keil memen nang ap, aik dona yo ap, dopdeibukce, anang nirya dopdeibukba, sik nirya Daud dam yayikopura, Daud el weik aik dobik.

2 Tawarikh 2:3

Ninye deiyoknye Raja Salomo birye ayupu dobuka, Tirus mutuku nang deiyok kibuka ulamuknye, el si Hiram biti, el dam nyapdeibuk. “Diba na kwit, teleb aik dona ati, ance na ni koproba Daud, el ap yupu taleamdumce winilamlum touk, urasin teleb kat yo, el si ara kipyal yo kintinibuka dopdeipminba, narye urasin pia teleb aik dopnamne. Ara, ance na ni koproba ati melilamlum touk, na babye melipnamnilamʼ tenen, moropkine,” nyabuk.

Esra 3:7

Israel ninye nirya arye, aik pil melibuka don nang arena ati, yo bok uang moubuka deibik. Ara, keil deibuka puturun nang ap, yo cakukabikirye, aik nong dopnamika deiyok nang ap ati arebik. Tonda din ap, mek ap, zaitun yo duk mek minyak mek ap ara, bubukabikce, sik Sidon mutuku nang ap, Tirus mutuku nang ap ati arebik. Arebik ning deiyok ara, ‘Amutuku nang arye, aning doprobikirye, Libanon mutuku bikirye, weik kepyal yo deiyok tapu kobikirye, bobuka laut mekwen deice, Libanon mutuku arye, Yafo mutuku boyanamak’ tenen, arebik. Awinibik ning nirya ara, Persia mutuku talibuka, ninye deiyoknye ulamukce, el si Raja Kores birye, “Winipnamlume,” nyapdeibuk touk, winilamik.

Bilangan 24:6

Israel ninye nirya ara, sik yupa pia weika arye, unyake ati ara, sikda weik lyu mutuku lo weikak, pia telebak unamake. Ninye weik unyaka ati ara, doltakna aik weik delinyake. Tonda mek balamle mek kup-kup, ninye arye wa wibuka koubikiba, pia teleb ubuka moulamle touk, sik Israel ninye babye weik upre banamake. Sik kounamak ning nirya ara, telebuk kounamake. Allah arye mek kup-kup nintong teleb yo, el si ara gaharu yo atonun koupdeipliba, pia teleb moulamle touk pia telebuk unamake. Aning atonun, kat yo, el si ara aras yo, mek kup-kup koubikiba, pia teleb tiklamle atonun, Allah arye mikip arepliba, Israel ninye weik upre banamake. Winibikirye, mikip ap, teleb ap, unamake.