Tirus mutuku sik ninye deiyoknye, Raja Hiram birye, Daud el aik dona ati, aik don yo teleb ning, el si kayu besi, yo weik ap, aik dona kel nang ap, yo cakna nang ap, tonda keil memen nang ap, aik dona yo ap, dopdeibukce, anang nirya dopdeibukba, sik nirya Daud dam yayikopura, Daud el weik aik dobik.
1 Tawarikh 22:2 - Eipomek2 Ati ara, ninye deiyoknye Raja Daud birye, “Sik yuk mutuku nang, ninye asik nang ululum bukni, Israel mutuku noutam umunye nang ara, bulupnulume,” nyabuk. Nyabukopura, “Pil donamlume,” nyabuka, pil arebuk. Winibuka pil dibukce, ton nang ara, ‘Gat ning besi arye, urasin teleb keil sekikceba, urasin pia teleb uplyopura, Allah Yahweh el si eren aik dopnamakʼ tenen, yuk nang ton wipdeibuk. အခန်းကိုကြည့်ပါ။ |
1 Tawarikh 22:2
16 ပူးပေါင်းရင်းမြစ်များ
Anyaik weik aik nong dona ati ara, deiyok koubuka dolamuk talak ara weik keil aryuk deibuka dopnin balamuk. Bukni, aurasin teleb keil nirya ara, buru tam keil dolamik sukumuk urasin teleb ubuka puturupna arye, anyaik dopnamna ati boyangalamik. Deiyok ara, ‘Palu ap, betel ap yuk aik don ning perkakas do, aning dobuka pil dobikceba, anirya arye nun mambul aik ara, lelim ton nyapsilyak’ tenen, anyaik dam ara, kat ning arye pil kum dolamika ati, besi ning lelim ton kum kekelamik. Yukak arye keil bulubukabikce, puturubuka kintinibik diparyuk, aminyan talak anyaik dopnamna ati boyangalamikba dopnin balamik.
Tonda, aning nirya, sik imam-imam nang, sik ninye deiyoknye ap, Raja melina ati, surat sekna deiyok nang sekretaris ap arye, ayo bok nirya nukuka sekdopneura, sik anyaik dona ati, yo cakuka deiamik ning ap, urasin teleb keil memebuka deiamik ning ati, dekamdik. Tonda, anyaik pum tam, malye upnukce ati, yate pil lipsisikuka dona ati do nirya, abitinye nang arye, abulubuka delilamik yo bok bokukaprikce, Allah si eren aik, lipsisikuka don pil dekna ati, apil-apil deiyok nang ati, arelamdik.
Ara, anyaik moubuka don nang ara, sik yo cakne nang ap, aik nong dona deiyok nang ap, keil deibikiba, urasin teleb kina ati memena deiyok nang ap, arepnamake. Ara, sik pil dolamica dekna ati, ayo bok arepnamake. Tonda, ayo bok noutam arye, bokuka, ton tam ning ara, wini teleb yo ap, urasin teleb keil ap, dekikiba, aning arye, anyaik lipsisikuka donamake.
Tirus mutuku noutam, sik ninye deiyoknye, Raja Hiram birye, Daud el aik koproba dona ati, ninye wibuka dopdeibuk. Ara, aik don yo el si cemara yo, weik yo ap, aik dona kel nang ap, yo cakne nang ap, tonda keil aik dona ati, keil teleb uka dona nang ap, dobuka deibukce, sik anang nirya dopkwetebukba, sik nirya Daud el dam yayikopura, Daud el weik aik bulubuka dolamik.
Israel mutuku noutam ulamik nang, sik ninye deiyok kibuka ulamuknye, Raja Daud birye, el dam bulubuka yanmek nang nirya ati, nyabuk. “Ura, na kayapo. Na mi Salomo bira, Allah arye, ‘Anye bira Raja unamleʼ tenen, akunum wipdeipmasile. Anye wipdeipmal bukni, elda welnye tuba unmal talak wipdeipmala anya arye, el pil dona ara, kabula. Elda winiryuk biknin banmale. Tonda, nun ni koproba Allah Yahweh, el si eren aik dona ati ara, pia ikin pil ulule. Deiyok ara, aweik aik ara, talye tukwak nang, dipnamak nang arye wekenamak aik kume. Ninye talye nang sik weken aik kum bukni, anyaik ara, Allah el si Yahweh, aning-aning deice tam ululnye, el aik ulul ati nyapne.
Winipsiminyopura, Libanon mutuku iknapnye tam arye, keipyal yo ap, yuk yala yo ap webuka deibipyeura, nun deiyoknye an patanmakil touk webibirye, boyanuka perahu memebuka adeice ayo koubuka deibipyeura, weik laut mekwen deice arye boyanuka Yope mutuku boyanamabe. Yope mutuku akunum delilyapyoura, na ni ance ayo nirya boyanuka, Yerusalem mutuku bobinamlyame. “Raja Huram birye Raja Salomo biti nyabuk.
Ninye deiyoknye Raja Salomo birye, yuk mutuku nang bukni, Israel mutuku noutam ansinibuka neika ulamik nang ati, sik si sekena deiyok koubuk. Aning ara, minop talak el li koproba Raja Daud birye winyamuk touk winibuk. Winibuka si sekuk bukni, yuk mutuku ninye asik nang yupa ara, seratus lima puluh tiga ribu, enam ratus (153.600) nang kibuk.
Israel ninye nirya arye, aik pil melibuka don nang arena ati, yo bok uang moubuka deibik. Ara, keil deibuka puturun nang ap, yo cakukabikirye, aik nong dopnamika deiyok nang ap ati arebik. Tonda din ap, mek ap, zaitun yo duk mek minyak mek ap ara, bubukabikce, sik Sidon mutuku nang ap, Tirus mutuku nang ap ati arebik. Arebik ning deiyok ara, ‘Amutuku nang arye, aning doprobikirye, Libanon mutuku bikirye, weik kepyal yo deiyok tapu kobikirye, bobuka laut mekwen deice, Libanon mutuku arye, Yafo mutuku boyanamak’ tenen, arebik. Awinibik ning nirya ara, Persia mutuku talibuka, ninye deiyoknye ulamukce, el si Raja Kores birye, “Winipnamlume,” nyapdeibuk touk, winilamik.
Tonda, minop talak ara, anggun ap, Kristus ap, talima dukdongobuka min kum ulalume. Anggun apu yapu ara, Israel yala ninye kum ulamika ati, Israel yala ninye ap, ansinibuka neika kum ulalume. Allah arye, Israel ninye ati, “Wininamsine, winibuka, winibuka arenamsine,” nyapdeiyamuk bukni, anggun Efesus mutuku nang ara, bai tam ninye asik nang atonun ulaluma ati ara, aning nirya ara, kum dopropmanto ulalume. Anggunda, Allah el si bikna ap, elti, dib tenebuka neiktoto una ap, pia kum ulaluma ati, ‘Allah arye, lyepnamsila ati, kintinibuka dinamabe,’ kum tenyamlume. Talye demuk ulalume.
ကြော်ငြာတွေ