Ura, Allah Yahweh arye, sik anang ati, kel weik bikna deiyok ning areamuka deice arye, apil don ning, aning-aning nirya, pia teleb kibuka dolamdik. Ara, yo boyanuka puturun pil dona ap, tonda, ‘Aning ara wininamak, winipnamak,’ tenenyak ning ap, namin kain warna biru ap, kain warna unggu tua ap, tonda kain lenan halusnye kam ning warna merah ap, tonda yuk yala kain ap, ‘Winibuka wipnarye, kintinibuka pil dopnanane,’ tenelamdike. Sik anang arye, ‘Aning ara, winibuka-winibuka dopnaname,’ tenena deiyok ning, kel bikdika deice arye, aning nirya pil dorurake. Dipkoprob, Bezaleel ap, Aholiab ap, yuk nang ap, sikti, Allah Yahweh arye, pil dona ati, kel weik bikna deiyok ning areamuk. Winyamuk deice arye, Allah Yahweh el si eren aik dona ati winin ning, aning-aning nirya pil dolamdike. Sik anang nirya ara, dipkoprob kel weik bikamik nang ati, anang ara, peterena deiyok nang unyake. Musa birye sik Israel ninye ati lak nyabuk.
1 Tawarikh 22:15 - Eipomek15 Tonda, anyaik pil dona ati kel weik nang ara, pia weik unyake. Ara, keil urasin teleb una ati, besi arye keil sekna kel nang ap, tonda keil aik dona kel nang ap, yo deice deibuka aik dona kel weik nang ap, tonda yuk urasin teleb ning kintinibuka delina kel weik nang ap, apil yuk-yuk ning nirya ara, kel weik nang unyake. အခန်းကိုကြည့်ပါ။ |
1 Tawarikh 22:15
10 ပူးပေါင်းရင်းမြစ်များ
Allah arye Musa biti nyabuk. Allah si eren aik pum tam, pil dona deiyoknye, el taram deice ongonamle ning, el si Efod ati, winibuka wibuka kintinipnamlume. Pia namin teleb kain, el si lenan dobuka, Efod wipnamlume. El urasin teleb una ati, baju win tapu, el si wol tapu, el urasin ara, mirin koprop ning ap, mirin ning unggu ap, ining bi ning ap arye, dobuka wipnamake. Tonda, urasin teleb ning, emas deice arye memepmace baju win tapu arye, dobuka wipnamake. Aning nirya ara, baju wina kel weik nang arye, abaju winamake.
Tirus mutuku sik ninye deiyoknye, Raja Hiram birye, Daud el aik dona ati, aik don yo teleb ning, el si kayu besi, yo weik ap, aik dona kel nang ap, yo cakna nang ap, tonda keil memen nang ap, aik dona yo ap, dopdeibukce, anang nirya dopdeibukba, sik nirya Daud dam yayikopura, Daud el weik aik dobik.
Allah Yahweh el aik dona ap, anyaik noutam delinamlum ning ap ati ara, ikin upnuka babye, na Daud birye pia dipkoprob uk deibuka, teleb ning weik kintinip deipse. Ara, emas el ikin ara, yupa pia weik, tiga ribu empat ratus ton (3.4000) bulubuka deiamse. Tonda, dekna weik kat ning el si perak, el ikin ara yupa pia weik, tiga puluh empat ribu (34.000) ton akunum kintinip deiamse. Ton yuk kat ning ara, perunggu ap, besi ap ara, aning ikin ara yupa pia weik, nukmanto kum weik tonun kintinip deiamse. Tonda, pia urasin teleb kat yo ap, urasin teleb keil ap nirya ara, narye akunum weik tonun kintinip deiamse. Bukni, ance ton ap tabakuka deilinamlame. Aning nirya ara, Allah el si eren aik dona ati, kintinip deipnalame.
Tonda, apil-apil nirya kel weik kiamik nang arye, dekna weik kat ning emas ap, perak ap, tembaga ap, tonda kat ning el si besi ap, aning nirya deice arye urasin pia teleb ning kintinibuka deipmanto kel weik nang ara, pia kum nukmanto weike akunum aunyake. Ati ara, Allah el si eren aik pil dona ara, minopce pil deiyok koubuka donamlume. Apil donamlum talak nirya ara, Allah Yahweh elcuk melipkilirye, neika unamlume. Raja Daud birye, el mi Solomo biti nyabuk.
Anyaik dopnamne ati ara, wini talak Hiram ance aik dona ati weik kel nang ton, dopdeipnutumba, sikce melinamsiyake. Ara, dekena weik ning emas ap, perak ap, tembaka ap, tonda kat ning besi ap, tonda urasin pia teleb baju bol kain lelan warna unggu ap, baju bi bol ning ap, wina pia kel weiknye ton dopdeipnunilyame. El anye bira keil ap, yo ap ati pia urasin teleb ubuka delinanye dopdeipnilyame. Apil winibuka donamle talak ara, Yerusalem mutuku noutam ap, Yudea tam noutam ap, na ni koproba Daud elce akunum wipdeiamuk nang ara, na ap, neika pil dopra unamake.
Elda pia mikip weik ulula ati, dipkoprob ning ara, yata tonye birye elti, teleb aik dopting do? Kume, ninye tonoknye birye Allah el si eren aik ati kum doptue. Na babye kum winiptinye. Aning deiyok ara im tam nirya babye, pia im deice ulul ning babye, el ulul ning nirya ara, wekuka kum uptue. Tukwak mutuku noutam nirya ap, im deice noutam nirya ap, asukumuk kum ulule. Ati ara, nara yata tonye ubtinirye, Allah ati, el aik doptinye do? Kume na Salomo biryuk, aning kum winiptinye. Tonok ning ara, Allah Yahweh el si erena ati, kambing ato ning obibirye, uku dongopnamabak ap, tonda, siltong teleb ning uku dongobibiba, uku diplirye, siltong teleb ning weleplyopura, Allah arye kekeplirye kanye deipnamsile. Ati, Allah el aren sukum ara, narye dopnamne.