1 Tawarikh 20:4 - Eipomek

⁴ Aning nirya akunum winibikopura, ouku weik to ulamika ani, sik Israel nang ap, Pilistin nang ap ara, mutuku si Gezer mutuku noutam olalamik. Aolalamik talak ara, Husa mutukunye el si Sibkai, el nong cang pia weiknye ap, tonda el si Sipai, oplobuk. Oplobukba dibuk. Sipai bira, minop talak ulamik nang, sik nong pia cang weik nang arye deiamikba, dadeipdanin yangalamik nang arye, anye ton deiamik. Sik nirya olanmeka ani, Israel nang arye oltakana uk ubikopura, sik Pilistin yala nang nirya ara, Raja Daud el amu tamuk ulamik.

1 Tawarikh 20:4 ပူးပေါင်းရင်းမြစ်များ

Kejadian 14:5

Keting tamun tiga belas (13) ning noutamak arye, Kedolamer ap, el tam kiprobuk nang ap, Asterot-Karnaim mutuku neika bulubukabikce, anyaka uk, sik Erefaim nang ati, obuka sirya dakik. Tonda, Ham mutuku noutamak arye, sik Susit nang ak, obuka sirya dakik. Tonda, Syawe-Kiryataim mutuku noutamak arye, sik Emit nang ton obisibikce, sirya dakik. Aning atonun, sik Harit ninye babye, obuka sirya dakik. Ara, mutuku kon uamuk mutuku, Seir mutuku arye, deiyok koubuka, opnin banmeka ani, mok pia kum mutuku, el si ara, El-Paran mutuku obikce, sirya dakik.

2 Samuel 21:15

Ura, sik Pilistin yala nang arye, Israel yala nang ati, ‘Mal olbinamabe,’ nyabuka bulubuka, olalamik. Winilamik talak ara, Raja Daud, el yin talin nang ap, Pilistin nang olbana ati biyik. Aolalbiyik talak ara, ninye deiyoknye Raja Daud bira, mitang kipnin balamuk.

2 Samuel 21:16

Winibuk talak ara, weik cang ap, mikip weik ap, ulamik nang, anang arye deibikba, dadeipdanin yangalamik nang kankan noutam arye, tonoknye deiyok tonok, el si ara, Yisbi-Benob yayuk. Ayayuknye, el ninye ona ati, cang taica yo atonun ning, el si tembok tembaga deice arye, deibuka domuk, el ikin ara winilye ap, ton noutam dam ning ap, 3.5 kilo gram atonun uamuk. Atalak ara, Yisbi-Benob babye, winiryuk ya yu pia weik ning ap, bobuka yayuk. Ara, ‘Ninye deiyoknye Raja Daud opnamneʼ tenen, yu ya ton, winiryuk ning bobuka yayuk.

1 Tawarikh 11:29

Husa mutukunye arye deibukba, dadeipdanin yangalamik nang arye deibiknye, el si Sibkai ulamuk. Ahohi mutukunye arye deibukba, dadeipdanin yangalamik nang arye deibiknye, el si Ilai ulamuk.

1 Tawarikh 14:16

Aning-aning nirya ara, Allah arye, el Daud biti, “Winipnamalyame,’ nyapdeipmok touk, Daud bira winibukce, sik Filistin nang nirya ati olbiyik. Olbiyikce, anang nirya ati, obuka malye kibik. Ara, Gibea mutuku arye bulubuka, anyapce dipdongobuka, Geser mutuku dam, Pilistin yala yin talen nang nirya ara, obuka sirya dakuk.

1 Tawarikh 27:11

Keting tamun nirya, wala pinbarye ning ara, Zerah yala nang arye deiamikba, dadeipdanin yangalamika ani, yanuka deiamiknye, el si Sibkai bira, weik asik si ara, Husa mutuku noutam ulamuk. Sibkai birye el yala kong ati, deiyok kibuka taleamukba, sikce apiluk dolamik. Sik yala kong ara, ninye yupa weik dua puluh empat ribu (24.000) nang ulamik.

Yosua 12:12

Eglon mutuku taleamuk ninye deiyoknye, Raja babye, tonoknye dem aryuk taleamuk. El ap, Geser mutuku ap ara, tonok ninye deiyoknye, Raja elcuk taleamuk. Aninye deiyok nang nirya ara, oltakana uk ulamik.

Yosua 16:3

Tonda, Arki yala nang ulamik sukum arye, koulukuka balamika ani, keting kumulban tam, Yaflet yala nang, sik ulamik mutuku ara, Bet-Horon-Hilir mutuku binamikce, dipdukdongobuka, Gezer mutuku binuka, sirya ara, weik laut mekwen deiamuk dam binuka doprobik.