1 Tawarikh 2:7 - Eipomek

⁷ Tonda, Zerah birye tonoknye ton deibuk mi el si ara, Karmi deiamukba, elce, Akan deibuk. Sik adeipdanin yayik nang noutamak ara, Akan ulamuk. Anye Akan birye, Allah ati kintinibuka arelyangalamik ning, Allah el tenen ning uamuk bukni, Akan birye, aning upula doprobuk deice arye, malye ulamukba, Allah arye Israel nang, sik dam weik kanye imun ning areamukba, ikin weik ulamik.

1 Tawarikh 2:7 ပူးပေါင်းရင်းမြစ်များ

1 Tawarikh 2:6

Tonda, Yehuda el mi Zerah birye mapu ara, pamubarye deiamuk. Sik si ara ani. Zimri ap, Etan ap, Heman ap, Kalkol ap, tonda Dara ap deiamuk. Elce deiamuk mapu ara, pamubarye ulamik.

1 Tawarikh 2:8

Etan birye, sal mi ton deiamuk. El si ara, Asyarya nyamuk.

1 Tawarikh 4:1

Yehuda birye deiamuk nang ara, ton tam nang, sik si ara, ani. Peres ap, Hesron ap, Karmi ap, Hur ap, tonda Syobal ap, ulamik.

Ulangan 13:17

Amalye ning nirya ara, anggunce ton, ‘Naʼ tenen bobinuka deipnuyabe,’ kum tenenamlum, bukni, aning nirya ara, adiparyuk kum kilinamlume. Winipmunyopura, Allah arye anggunti, yu upnamsil ning nirya ara, elce namin kipnamsile. Namin kipsilirye, tamubuka anggunti, Allah arye bico tenepnamsile. Elce anggunti bico uplyopura, anggun yala nang nirya ara, tonap tabakdeipsiliba, weik tonun upnin banamsile. Ara, Allah elce anggun apu yapu ati, ‘Wininamsine,’ nyapdeiamuk yupu atouk, winipnamsile.

Ulangan 7:26

Aning atonun ton, yata ning do nirya, Allah ning ara, ‘Aning ara, na like,’ tenelul ning nirya ara, isa si eren ning babye, yuk malye ning babye, anggun aik pum tam, pia kum deilinamlulume. Aning ara, Allah el kanye ara, ‘Na like,’ tenelula ati ara, aning ati wenebuka, kum kipdeipnamle. Aning atonun, anggunce, ‘Nun babye wenebuka opsilyak,’ tenena ati, amalye ning nirya dobuka, anggun aik pum dekana meme. Adiparyuk, uku dongopmunba, uku dipropnamle. Musa birye Israel ninye ati, nyabuk.

Yosua 22:20

Tonda, aning ton akunum luba kiplum do? Minop talak, Zerah el mi Akan, malye weik ubuk ning ara, tuba kum bikilulum do? Ara, Allah arye, “Yuk mutuku nang opmunce, malye kipmunyopura, sikce talinyak bukni, batakmace ning, bona utotoa nirya ara, dolona meme. Aning nirya ara, na ning koproba ati, anggunce dolona pia meme,” nyapdeibuk. Winibuka nyapdeiamuk bukni, Akan birye, abona ton ubula doprobukce, dukunubuka deibuka arye, anye el dam ara, ikin pia weik ning yayukba, doprobuk do, kum do? Tonda, el dem kum dibuk bukni, nun Israel nang nirya, nun nong deice, kanye ikin weik ning yayukba, ikin weik ulamupu. Aning ton biknamlulume. Ara, Akan el tonoknye birye, malye uamuk bukni, el dam ton, ikin ning yayukba doprobuk. Tonda, el anye birye, Allah nyapdeiamuk ning, akunum yanibukopura, Israel yala nang nirya, sik dam ikin ning areamukba, dopropmik. Akan biti ara, yuk Israel nang nirya, ikin ning deiamuk.” Israel yala nang, sik deiyok nang arye, nyabik.

Yosua 6:18

Bataknamlum bukni, amutuku teleb ning nirya ara, Allah ati arenamabe. Ati, ‘Allah arye wenepsilyak’ tenen, amutuku ninye talibik ning ara, tonok babye, ton pia kum dopropnamlulume. Tonok ning babye dobuka, anggun aik delilbimunyopura, Allah arye nun Israel ninye nirya ati, wenebuka opnamsil ati nyapsine. Ati, aning nirya ara, uku dongobuka, sirya daknamlulume.

Yosua 7:25

Aning nirya delilbiyikura, Yosua birye Akan biti nyabuk, “Anda yata deiyok ati, kanye ikin ning nun Israel nang, dam boyanmaselam do? Winipmalama ati, wini talak Allah Yahweh arye ikin weik ning dobuka, an nong deice deipkile!” nyabuk. Winibuka nyabukura, adiparyuk Akan ap, el mapu silip nirya ap ati, Israel ninye arye keil donokuka, mikip arye sik nong deice onmekba sik nirya dibik.