1 Tawarikh 2:13 - Eipomek

^13-15 Isai bira, mapu tekbarye nang deiamuk. Sik si ara, ani. Min deiamuknye, el si ara Eliab, bitinye anye, el si ara, Aminadad, winilye anye el si ara, Simei, dumbarye anye el si ara, Netaniel, pamubarye anye el si ara, Radai, nakubnye el si ara, Osem, teknye el si ara, Daud deibuk. Ati, winibuka nang deiamuk.

1 Tawarikh 2:13 ပူးပေါင်းရင်းမြစ်များ

2 Samuel 13:3

Bukni, Amnon el kwit koproba, tonok weik kelnye ulamuka anya arye, dukunubuka malye ulamne ning ton, bikilinanye ulamuk. Anye, el si ara Yonadab, e li koproba, el si ara, Simea ulamuk. Simea bira, Daud el du ulamuk.

2 Samuel 2:32

Akunum bikikura, Zeruya el mi Asael, el nong tomobuka, el li wiamikak, Betlehem mutuku uk binuka, asukumuk weibik. Winibik bukni, asum lukunyan aryuk, Yoab ap, el yin talin nang ap, sik nirya ara, tamubuka bisikuk banmika ani, berekel dongon talak ara, Hebron mutuku uk tamubuka biyik.

1 Tawarikh 2:12

Boas birye, Obed deibuk. Deibukura, daulamuka ani, Obed birye, Isai deibuk.

1 Tawarikh 20:7

Anye, elda pia cang weiknye, el Kat yalanye birye sik Israel nang ati nalinmok. Nalinmoka anya arye, ninye deiyoknye Raja Daud, el du koproba, el si Simea, elce deiamuknye Yonatan birye, pia cang weiknye bira oplobuk.

1 Tawarikh 27:18

Yehuda yala nang ati, deiyok kibuka taleamukce, yupu nyalamuknye, el si ara Elihu ulamuk. Tonda el, Raja Daud, el du ulamuk. Isakar yala nang ati, deiyok kibuka taleamukce, yupu nyalamuknye, el si ara Omri. Eli koprop ara, Mikhael ulamuk.

1 Samuel 17:12

Efrata yalanye, el si ara Isai, elce deiamuk mi ara, Daud ulamuk. Isai bira, Yehuda noutam bukni, mutuku si ara, Betlehem mutuku noutam ulamuk. Isai elce deiamuk mapu ara, pinbarye (8) mapu deiamuk. Atalak ara, ninye deiyoknye, Raja Saul akunum tikamukce, yupu nyalamuk talak, Isai bira, el akunum pia wisi danamuk.

1 Samuel 17:13

Isai el mapu, min yuma deiamuk nang winilye ara, sik nirya ara, ninye deiyoknye Raja Saul ap, neika melibukabikce, mal olan dam binmek. Isai el mi min yuma deiamuknye, el si ara Eliab, tonye el si ara Aminadab, winilinye el si ara Syama, deiamuk. Isai el mapu du nang ara, winibuka winilye akunum deiamukce, aminyan sirya deibuk mi ara, Daud ulamuk.

1 Samuel 17:28

Daud el du Eliab bira, Daud ap, sik yin talen nang nirya ap arye, yupu neika talipmekce, nyanmek yupu nirya ara, moubuka kekenmok. Kekebukce, Eliab bira, el weit Daud biti, wenebukce nyabuk. “Anda yata deiyok ati, amutuku yanmalam do? Tonda, an yatanyebak moropmomba, nun domba weik tonun dobuka, pata mutuku noutam deiamlumba, yuknye birye kalikinmal do? Na kele, an ikin kum asa, malye tenepmalam ning ara, bikmane. Anda, ilil kum deice aryuk, asukum yanmalamce, an talima noutam arye, ‘Winipnamne,’ tenepmalam ning babye, na kele. Na kanye ara, an amutuku noutam yanmalama deiyok ara, ‘Ninye olanmakcak ton, narye eipnamneʼ tenen, an akunum yanmalame.