Apil don nang nirya, imam Yoyada dam boyayikopura, el minopce, sik kalekin nang nirya ati, ninye on ning yu parang ap, kama ap, tonda, ‘Mal olpipsilyakʼ tenen, sik nong taram dam lelina ati, kat ning, el si perisai ton, dokuka arebukba doprobik. Aning ara, min talak ninye deiyoknye, Raja Daud birye memamuk ning winilamuk. Aoldan ning ara, min talak arye, Allah Yahweh si eren aik pum tam moubuka deiamika arye, imam Yoyada birye dobuka, akalikin nang ati arebuk.
1 Tawarikh 18:7 - Eipomek7 Ura, Daud birye aning winibukopura, Raja Hadadezer oplobuk talak ara, Hadadezer el tam yin talin nang, sik taram dam lelilongolamik kat ning, el si perisai, ara dekna pia weik ning, el si emas arye kintinip deiamik ning ara, adiparyuk bobuka Yerusalem mutuku uk bobiyuk. အခန်းကိုကြည့်ပါ။ |
1 Tawarikh 18:7
7 ပူးပေါင်းရင်းမြစ်များ
Adiparyuk ninye deiyoknye Raja Daud birye, Siria tam noutam bukni, weik asik Damsyik mutuku noutam arye, el yin talin nang sik auna ati, anyaik pum tam wipdeibukba daulamike. Winilamika ati ara, sik amutuku nang ara, ninye asik nang atonun ulamik. Amutuku tuku deice auna ati, yo bok ap, teleb arena ning ap, sikce bulubukabikce, apajak yo bok boyanuka, Daud el damuk arelyangalamik. Tonda, Raja Daud birye, ‘Ninye yuk mutuku nang olbinamana ati, binuka olan talak nirya ap ara, Allah Yahweh el mikip ara, Daud deice deiamukce melilamukba, yuk mutuku nang ati oltakana uk ulamuk. Yuk mutuku nang arye el Daud biti, yanibuka malye kum kipmanto ulamik.
Winibuka bobiyuk bukni, ton bokuka el Daud birye weik tonun ton doprobuk ning, urasin pia teleb kat ning, el si ara perunggu, alubuka doprobukce, Yerusalem mutuku tamubuka bobiyuk. Aning perunggu ara, Hadadezer birye taleamuk mutuku bitinye, Tibhat mutuku ap, Kun mutuku noutam arye, aning-aning nirya doprobuk. Dobuka Yerusalem mutuku deiamuka ani, aminyan talak ara, elce deiamuk mi, Raja Salomo, elce akat ning, urasin pia teleb ning perunggu nirya ara, taleamukce imam nang arye, sik taruk mek likna ati, pala weik mek kwen deilinamukak ati memepdeiamuk. Tonda, Allah el si eren aik, weik keil arye domuk aik ara, ‘Anyaik dopnunaʼ ati, iklamak ning ayukumna yo ati ara, akat ning perunggu deice arye kintinip deiamuk. Tonda aning atouk, sik imam-imam nang arye, Allah Yahweh el si eren aik koproba, pil don ning ton, akat ning perunggu deice arye memepdeiamuk.
ကြော်ငြာတွေ