Na nie, nara mambul kum, malye ninguk wininuna anya arye, ance bico tenyamnulumce, weika arye meliamnulum ning ap, tonda ance, ‘Winipnamkine,’ nyapdeipnulum touk, batakna kum, pia tuba pil melibuka dolamnulum ning ara, kum doproptinye bukni, urdemuk arenilyame. Minop talak amek koubuka, otam mutuku binamse talak ara, na kamauk taleamse bukni, wini talak ara, aning-aning weik upmanilba, bokuka yupa bitinye kipdeipmane.
1 Tawarikh 17:16 - Eipomek16 Nabi Natan birye Daud biti, Allah arye nyapdeibuk yupu akunum nyabukura, Daud kekebukopura, Allah arye nyapdeiamukce sekuka arebukba, sikce deiamik yupu dobuka, Peti Perjanjian marikna dongamik dam binuka bukukce, Daud birye Allah ati morobukce nyabuk. “Na ni Allah, anda Yahweh Ulyame. An ap, an si ap atibuk, kibuka si erekunune. Bukni, na kele, na ap, na kilapu ap, na mapu ap, na mapu silip ap nirya ara, mambul weik nang pia kum unyabe. Nunda talye nang anya arye, nunda yata ning deice arye, Allah Yahweh ance adiparyuk weik tonun melipnamsilam do? Tonda, nara pia mambul kumnye ulamse talak arye, pia teleb kibuka bok yangalamsuluma ani, wini talak babye pia teleb sukumak boyanmasilamce, nati pia teleb kipdeipmanilam do? အခန်းကိုကြည့်ပါ။ |
1 Tawarikh 17:16
15 ပူးပေါင်းရင်းမြစ်များ
Nabi Natan birye, Daud biti, Allah nyapdeibuk yupu akunum laka nyabukba, kekebukopura, Allah dam biyukce, bukuka, Allah morobukce, nyabuk. “Na ni Allah, anda Yahweh ulyame. Aning-aning deice tam umince, aning nirya talibuka, Weik Erena Deiyoknye umince, an tenelyam touk, aning nirya ninye winipmanto kum pil dolyame. Pia weiknye ulyam bukni, na ap, na kilapu ap, na mapu ap, nun nirya ara, mambul kum ninye unyabe. Nunda talye ninye anya arye, yata deice arye, nun weik arye meilyamsulumce, weik arye erepdeipmasilam do?
Asyur mutuku weik deiyoknye birye, ayupu nyabukce surat sekdeibukba, elce nyapdeibuk yupu nyapdeibikura, yuk nang arye, Raja Hizkia dam bobiyik. Surat bobanmek nang arye, asurat taruk deice bopmekce, Raja Hizkia dam binuka erebikba, Hizkia birye dobukabukce yinibukopura, adiparyuk asurat bobukabukce Allah el si Yahweh, el si eren aik dam bowekelbiyuk. Bowekelbiyukce, Allah el dam asurat dobuka tukwak binuka deibukce, Allah ati morobuk.
Aninguk kum bukni, wini talak ara weik tonun akunum melisilyama anya arye, anda mambul weik ap, mikipnye ap ulyamnye arye, ‘Aning nirya ara, mitik tonun ulula anya arye, akunuma nyabuka bataksutume. Bukni, na yala nang ati aminyan talak noutam babye, narye deipniba, dadeipdanin binamak nang, na yala nang ati teleb kipdeipnamsilam ning ton lak nyapdeipmanilame. Se, na ni Allah, an si Yahweh ulyamnye birye, aminyan talak teleb kipdeipnamnilam ning ati, lak nyapdeipnilama ati ara, na weik tonun ilil kanye bopne. Nara an amu tam, talye pil donanye unun bukni, ance, ‘Anye bira, pia mambul weiknye atonun ululeʼ tenen, pia teleb yupu nyapdeipmanilama ati, ‘Seʼ tenen, na kanye deipne.
Nyabukopura, ayupu ton dukdongobuka nyabuk. “Bukni, na kanye se, na ap, narye talipseba, amutuku noutam unyap nang nirya ara, nunda yatato nang ubibirye, aning winipmap do? Ara, nun kanye aryuk, yata wiribuka anti, teleb aren ning atonun ning, weik tonun bulubuka arepkitibye do? Deiyok ara, dipkoprob aning-aning nirya ara, nun ni koproba ancuk aresilyame. An taruk deice aryuk arepsiminyeba, aning talinyabe. Ati, nunce anti boyabirye, arekinyap ning nirya babye, Allah Yahweh an ninguk ulul bukni, nunce aning boyanuka arekinyabe.
Nyabukura, Raja Salomo birye Allah ati nyabuk. Na ni Allah, ance na ni koproba Raja Daud biti bico tenelamlumce, batakna pia kum aryuk, pia teleb ubuka melilamlumba, an amu tamuk ulamuk. Tonda, na ni Daud, el mi koproba ununa ati, el pununa ati ara, ance akunum wibuka ereipnulumba, nara Israel nang talebuka unune.
Se, na ni Allah Yahweh, tukwak mutuku unyap nang ara, dipkoprob mambul kum nang unyabe. Bukni, anda yata deiyok ati, ‘Anang melinamne’ tenen, nunti, disilyamce, melisilyam do? Atonun, nun tukwak nang arye, deipmabye mapu nirya ara, yata ati, ‘Anang moubuka kalikinamne’ tenen, tuba tenesimince, melisilyam do?
Bukni, minop talak danyapce, ubuka wini talak babye, Allah melilamnukba, ulamsa ani, wini talak babye tuba wininune. Wininuna ati ara, arup uk ara, atikman akarye, talye bona utotoa talina kum ninye babye, sisinanye babye, sik kekena ati, ayupu dipkoprop yupu uk lak nyanmasine. Ara, Allah el yupu ap, aminyan winipnamuk ning ap, ati lak nyalamik nang Nabi nang ap, Musa ap arye, “Dipkoprop winipnamle,” nyalamik yupu uk peterelamse. Narye tenepse yupu uk tabakuka kum nyanmasine. Na nyanmasin yupu ara, sik minop talak ulamik nang arye nyalamik yupu atonun yupu nyanmane.
Na kanye ara, Allah el mapu nirya ara, ilil weik asa unyak bukni, na Paulus ara, ilil pia kumnye unune. Nara, ilil pia kumnye ununa babye, Allah el kanye deipnukce, ‘Paulus ara, Ninye Lyena Yupu, Kristus el pia teleb yupu bobuka, Yahudi yala kum ninye peterelbinamle,’ tenepnukce, wipdeipnuke. Allah arye, Kristus deice kintinipdeipsukce, el ap kanye dukdongobuka upyopura, arenamsil ning nirya ara, nukmanto kum ati, nunce kum biktibye.
Nyabukopura, Gideon birye tamubuka nyabuk. “Naie, nyapnilam bukni, yata mikip deice arye Israel ninye lyeproptinye do? Manasye yala nang noutam ara, mikip nang weik unyak bukni, na yala nang ara, Manasye tam nang unyap bukni, nun mikip ara mitik tonunuk usulule. Ara, na apu koproba arye deiamukba dadeipdanin yangalamik nang ara, nunda mikip nang kum unyabe. Tonda na ni koproba arye deiamuk nang, nun yala nang noutamak ara, nara pia kum winipmantonye unune. Na mikip kum upmanile. Pia mikip mitik touk upnuknye bira na uka,” Gideon birye nyabuk.
Batakikba biyikopura, Samuel birye, keil tonok doprobukce, Misba mutuku ap, Yesana mutuku ap, amutuku wiliba noutamak binuka ikdeibukce, akeil deibuk ning ati, si dobuk. “Akeil si ara, Ebenhaser nyanamabe. Deiyok ara, amutuku asukum ara, Yahweh arye melipsuk atia,” nyabuk. Asisibuk ning ara, sik Ibrani yupu deice ara, ayupu deiyok ara, ‘Allah arye melipsuk ati, keil deibabe,’ nyanyake. Aning ati, asi sibuk.
Nyabukura, Saul birye tamubuka nyabuk, “Se na nie, nara, Benyamin yalanye bitia. Ura, an kele, Israel mutuku noutam ara, ninye yala weik ton aunyak bukni, nun Benyamin yala ara, ninye mitik tonunuk unyabe. Nunda, weik mambul kume. Tonda, nun mapu silip ara, Benyamin yala ninye arye, tenesinyaka ara, ‘Sikda talye bona ton kum ninye mambul kume,’ tenesinyake. Ati na nie, aning ara, yata deiyok ati nyapnilam do?” Saul birye nyabuk.
ကြော်ငြာတွေ