Wininmeka ati, Yakub birye Simeon ap, Lewi ap ati nyabuk. “Se, anggun bitinye arye, malye winipmaruma deice arye, amutuku noutamak unyak ninye, sik Kanaan tam ninye nirya ap, sik Peres tam unyak ninye nirya ap arye, nati ara, ‘Tong welelamle ning atonun kipdeipniyake. Nun like,’ tenepnikirye, ‘Nun like,’ nyanamniyake. Ati, na nong deice ikin ning weik deipmanurume. Nun yala ninye ara, mitik anunuk unyap bukni, sikda pia weik unyaka anya arye, sik nirya bulubuka, neika olyasicopura, na ap, na mapu silip nirya ap, obuka malye kipsitinge,” nyabuka wenebuk.
1 Tawarikh 16:19 - Eipomek19 Minop talak, Allah el mapu Israel nang nirya, Mesir mutuku ulamik talak, ninye asik nang atonun kibuka ulamik. Sik Mesir mutuku ulamik talak ara, Israel yala nang nirya ara, sik ninye yupa mitik tonun diamuk ulamik. Ninye yupa weik kum ulamika anya arye, Mesir mutuku nang ap, sik dana-dana tam ulamik nang nirya ap arye, sikti, ‘Israel yala nang ara, daupmalye. Sikda dipkoprob weik nang kuma,’ tenelamik. အခန်းကိုကြည့်ပါ။ |
1 Tawarikh 16:19
5 ပူးပေါင်းရင်းမြစ်များ
Tonda, sik Israel nang nirya ara, Mesir mutuku batakuka, pia pata mutuku balamik talak ara, tonok mutuku uk kum ulamik bukni, amutuku-amutuku nirya ara, sikcuk langdamikce, ton mutuku unmana batakuka, ton yuk mutuku binuka unmana ani batakuka, amutuku arye batakuka, yukak babye, balkiriklamik. Winilamika anya arye, tonok mutuku dem darapdongobuka kum ulamik, talye balsusulamik.
Amutuku akunum yayukopura, Allah el talyamuk ning bokuka, Abraham el unamuk mutuku ati, tonok babye, pia ton kum aribuk. Tuku mitik anun kum aribuk bukni, Allah arye Abraham ati, ayupu nyabuk talak ara, Abraham el mi tonok babye, kum deiamuk bukni, Allah arye Abraham ati nyabuk. “Ance amutuku talyaminya ani, dipminyopura, ance deipnamlam mapu ap, dadeipdanin binamak mapu ap, amutuku talipnamake,” Allah arye Abraham ati nyabuk.
Musa birye, Israel ninye ati nyabuk. “Anggun nirya kekepnululume. Allah arye anggunti, tenebuka wiamsuka deiyok ara, ‘E Israel ninye ara, sikda mutuku-mutuku nirya weik yala unyake’ tenen, kum wipdeipsuke. Aning kum bukni, ‘Ninye ayala-yala nirya ara, weik daunyak bukni, Israel ninye ara, dipkoproba, ninye mitik tonun unyake ati, wipnamne,’ tenyamsuka anya arye, bico tenyamsukce, wipdeipsuke.”
Ura, anyapmasin ninye nirya ara, pia diba tenenauk ulamik ani, aminyan talak diamik. Allah arye, “Wininamsine, winibuka aning arenamsine,” nyabuka, sikti, nyalilamuk ning ara, min kum areamukba, kum dolamik. Nong kum dolamik bukni, ‘Kume, Allah arye nyalilamsuk ning ara, dipkoprop arenamsile’ tenen, kanye deibuka peratoto arye, kintinibuka dinauk ulamik. Tonda, sikce nyalamik. “Kume, nunda, yuk pera mutuku ninye, asik nang atonun kibuka unyabe. Nunda, tukwak mutuku unyap bukni, asukum ara nun mutuku kopropa kume,” nyalamik.
ကြော်ငြာတွေ