1 Tawarikh 12:9 - Eipomek

⁹ Raja Daud dam yanmek nang ara, sik anang si lilibuka seknuyap ara, ani. Tonoknye, sik deiyoknye bira, Ezer ulamuk. El amu tam deiyoknye, bitinye anye bira, Obaja ulamuk. Obaja el amu tam ulamuk winilinye bira, Eliab ulamuk.

1 Tawarikh 12:9 ပူးပေါင်းရင်းမြစ်များ

Kejadian 49:19

Gad, an yala ninye ara, yuk yu nang arye, ‘Anang obibirye sik ning ubula dopropnamap’ tenen, olyanamsiyake. Winipnamak bukni, Gad el yala ninye arye ayu nang ati, tuba tamubuka sik aminyan tam dobolbikirye, obisipnamake.

2 Samuel 2:18

Atalakuk, tonoknye el si Zeruya, el mapu winilye nang ara, Gibeon mutuku mekwen dam olanmek talak ara, sik babye asukum unmek. Zeruya elce deiamuk nang, sik si ara, ani. Ara, Yoab ap, Abisai ap, tonda Asael ap, aunmek. Asael elda, rusa basam sebuka balamla atouk, pia minpola sebuka balamuknye ulamuka ati, pia bikbik abuka banmok.

1 Tawarikh 12:10

Dumbarye anye bira, Mismana ulamuk. Pamubarye anye bira, Yeremia ulamuk.

1 Tawarikh 12:8

Min talak ara, Daud el mikip kina ap, nimalyap arye, dakeiyam asa una ap ati, tonok mutuku pia tukwak mutuku noutam bukni, el mal olan nang arye, kum wekmanto sukum binuka ulamuk. Atalak ara, ninye Kat yala nang ton ninye deiyoknye, Raja Saul batakikce, Daud tam yanuka melibik. Sik Kat yala nang ara, weik kel yin talin nang ulamikce, mikip weik nang ap, ilil tenena pia kum nang apuk, yayik. Tonda, sik yuk arye bulubuka, ninye olban ning nirya weik arye, kel kiamik. Ara, sik bidamang aryuk, taram dam lelin ati melin ning ap, ninye lukna mal tombak ap ara, sikda kel weik nanguk yayik. Sikda, singa yu kus ninye opnulya ati, yu deibuka bikbik abuka bilirye, adiparyuk ninye olbalamak touk ulamaik. Sikda, ninye ona yu nang ulamika atia. Tonda, rusa basam, mutuku lu bikbik abuka balamle touk nanguk, ulamika ati, pia bibik abuka binmanto nang ulamik. Anang nirya ara, ‘Daud melipnamapʼ tenen, Daud el dam yayik.

Ulangan 33:20

Nyabukopura, Musa birye, Gad el yala nang ati, Allah nyabuk. “Nun ni Allah ati, an si weik arye erekinyabe. Deiyok ara, ance Gad yala nang ati, sik unamak mutuku tabakuka weik tonap, arepminyopura, Allah ance teleb kipdeipnamsilyame. Gad yala nang ara, weik singa kus arye, yu weik ulirye, ninye taruk do, kisok do, obuka dilamle touk, Gad yala nang babye, yuk mutuku nang ati, ona mikip weik nang unyake.