1 Tawarikh 12:22 - Eipomek

²² Atalak noutamak ara, asum-asum nirya, batakna kumce, yuk nang ton, kong kibuka, ninye deiyoknye Daud, el damuk yangalamikce, el ap ansinibuka melilamik. Winilamik ati, Daud el yin talin nang nirya ara, weik arye tabaknin balamikce, pia weik ulamik. Sik yupa, pia weik upnin balamika ati, Allah el im deice yin talin malaikat yupa utonun kibuka ulamik.

1 Tawarikh 12:22 ပူးပေါင်းရင်းမြစ်များ

Kejadian 32:2

Epdayikura, Yakub eibukce, “Se, amutuku ara, Allah el tia ulyak atia,” nyabukce, amutuku si ati, Mahanaim mutuku nyabuka sisibuk.

2 Samuel 3:1

Raja Saul el mapu silip ap, el tam kiamik nang ap, Raja Daud el mapu silip ap, el tam kiamik nang ap nirya ara, keting tamun weik tonun ton, olana uk ulamik. Winilamik bukni, Daud el tam ara, mikip weik upnin balamuk. Bukni, Saul el tam nang ara, pia mikip kum upnin balamuk.

Ayub 17:9

Malye nang arye, malye winin ning wininyaka babye, yata nang do nirya, dipkoprob kibuka, teleb unyak nang ara, teleb bisik kum batakanyake. Pia dobuka, tuba teleb unyake. Atonun, yatanye do nirya, el malye kum winilulnye bira, el mikip ap, nong ap, kanye tenenin ning ap, ton tabakuka mikip unamle!

Mazmur 148:2

Se, sik im deice talye daunyak malaikat ap, tonda im deice yin talibuka unyak malaikat nirya ap, tonda im noutamak Allah elti, melibuka unyak nang nirya ap arye, Allah ati, “Anda pia telebuk ulyame,” nyabuka, el siuk erepmunce, elti, si erebuka donamlulume.

Yosua 5:13

Ara Yosua ap, Israel nang ap, Yeriko mutuku dam binuka unmek talak ara, tonok sum Yosua birye, Yeriko mutuku tam binuka dinmokba, ninye tonok, el urasin tam tikmokce, ninye on ning parang ya talipmokba, Yosua birye eibuk. Eibukce, anye dam biyukce, asipdeyuk. “Anda nun melina ati yalam do, nun ona ati, nun oldan nangak, melipnamsilamnye do?” nyabuka asibuk.

Yosua 5:14

Nyabuka asibukura, anye birye tamubuka nyabuk. “Kume, ance nyapnilam ning ara, kum wininune. Nara, an kwit kume. Tonda, nara an oldananye kum bukni, nara Allah el si Yahweh, el im deice mal olan ninye, el yin talin nang, sik deiyoknye yanmane,” nyabuk. Nyabukopura, Yosua kekebukce, minopce anye dam biyukce, ‘Anye bira weik mambulnye’ tenen, kanupdongobukce kibuk. Winibukopura, Yosua birye, anye biti asipdeyuk. “Nara, Allah el pil donanye unirye. El yupu kekebuka dobolbanune. Ati, na ni Allah arye, yata yupu nyapdeipkuk ati, yanuka nyapnamanilam do?” Yosua birye nyabuk.

1 Samuel 29:10

Nyabukce, ayupu ton dukdongobuka nyabuk. “Ati ara, anggun Raja Saul dam arye, batakuka yalumba, na ap neika ulamupu nang, anda Daud ap, an mapu sik yin talen nang ap, anggun nirya ara, adiparyuk ambusum beren tam, keting panabuka, tikilyangalamle talak aryuk, narye areamkise mutuku, tamubuka binamlyame. Tonda, sik yuk deiyok nang arye, anti malye nyapmakiyak yupu ati ara, malye kanye bobuka, tenina kume. Aning ara, daupmalye. Dipkoprop na dam ara, an pia teleb ubuka winilamnulume. Ati, mapmaminya, bereklyopura, beren tam arye, amutuku batakuka binulyame,” nyabuk.

1 Samuel 30:1

Like winilye deice arye, Daud ap, el melina yin talin nang ap, mutuku si Ziklak mutuku biyik. Atalak ara, Negeb mutuku nang ap, Ziklak mutuku nang ap nirya ara, sik Amalek yala nang arye, akunum olyangalamik. Olyangalamik ani, sik Ziklak mutuku ulamik ninye ara, obuka sirya dakamikce, sik aik nirya, uku dongobikba dibuka, sirya dakrobuk.