1 Tawarikh 11:24 - Eipomek

²⁴ Aning atouk Yoyada el mi Benaya ulamukba, amutuku noutam ulamik nang nirya arye, el si kel kiamik. Sik Israel nang arye, sik yin talin nang 30 ulamik nang kel kiamik bukni, sik noutamak ara, el Benaya biti, weik arye si erebuka kilamikce el si kel kiamik. Bukni, sik yin talina kel weik kiamik nang, sik winilye nang ara, sik atouk kum ulamuka ati, Benya bira sik amu tamto ulamuk.

1 Tawarikh 11:24 ပူးပေါင်းရင်းမြစ်များ

2 Samuel 8:18

Tonda, Yoyada birye deiamuknye, el si Benaya bira, Daud birye wipdeibukba, anye birye, Daud el koproba kalikuka melina ati, yin talin nang, sik deiyoknye ulamuk. Ara, sik kong si ara, Kereti nang ap, Peleti nang ap, ayin talin nang, sik deiyoknye ulamuk. Tonda, sik imam-imam nang pil dona ati ara, Israel nang ninye deiyoknye Raja Daud, el mapu koproba wipdeibukba, imam pil talibuka dolamik.

1 Tawarikh 11:23

Tonda, minop talak ara, Benaya birye Mesir mutukunye, weik nong cangnye ton omuk. Mesir mutukunye, el nong cang ara, pia weik kiklina ara, dua setengah meter (2.5 meter) arye nemuk. Aobuknye babye, el ninye on ning el si cang weik tombak, weik cang ap, ikin ning ap ton bomuk. Bukni, Benaya birye, Mesirnye dam, talye kama dem bobuka yayuk. Yayukopura, Mesirnye bopmuk ninye on ning, tombak alubuka, Benaya adiparyuk anye el mining tombak arye, Mesir mutukunye oplobuk.

1 Tawarikh 11:25

Atiga puluh (30) yupa tonok arye kepdopnye pamubarye yin talina weik kel nang, el Benaya bira, sik yupa noutam ton ulamuk. Ilil kum diparyuk, mikip weik ulamuka ati, amutuku nang arye el si kel kiamikce, si erebuka kilamik. Bukni, Benya bira, weik kel kin ning kong winilye ara, sikce weik kanye imun ning ulamik touk, el ton kum winilamuk. Bukni, mikip weiknye ulamuka ati, Raja Daud birye, ‘Yu nang arye opnicakʼ tenen, el nong kalikna ati, yin nang ton wibuka deibukce, Benaya erepdeibukce, sik deiyoknye kibukba, apil talibuka ulamuk. Raja Daud el nong kalikna deiyoknye kipdeibuk.

1 Tawarikh 12:1

Raja Daud bira, tonoknye el si ara Kisy, elce deiamuknye Raja Saul dam arye leibuka Ziklak mutuku noutam duknulbinmok. Deiyok ara, Raja Saul birye, ‘Anye opnunʼ tenen, epra yanganmoka ati, Daud bira duknulbinmok. Winilamuk talak ara, Daud el tam yin talin nang, ilil tenena pia kum nang arye, Daud el dam Ziklak mutuku yanuka melibik. Ayin nang ara, Daud el mal olan nang ati, olbinamuk talak, sikce yanuka Daud ati melilamik.

1 Tawarikh 12:28

Aning atouk, tonoknye ton, el si Zadok, elda ilil tenena kum, welnye ulamuk bukni, ninye ona ati, kel kiamuk. El ap, sik Lewi yala nang ap ansinibuka yayik. Zadok ap, el yala nang ap, yayik yin talin deiyok nang ara, duapuluh dua (22) deiyok nang, Zadok ap neika yayik.