1 Tawarikh 1:39 - Eipomek

³⁹ Tonda, Seir birye deiamuknye, Lotan birye deiamuk mapu ara, ani. Hori ap, Honam ap, deiamuk. Tonda, Lotan el makal kil tonok ton, akil el si ara, Timna nyalamik.

1 Tawarikh 1:39 ပူးပေါင်းရင်းမြစ်များ

Kejadian 36:22

Lotan birye delilamuk mapu si ara, ani. Hori ap, Heman ap, ulamdik. Lotan el makal kil si ara, Timna ulamuk.

1 Tawarikh 1:38

Esau birye deiamuknye ton, el si ara, Seir ulamuk. Seir birye deiamukba, dadeipdanin yangalamik nang ara, Edom mutuku noutam tuku talibuka ulamik. Seir birye deiamuk nang arye, amutuku tuku taleamik. Sik si ara, ani. Lotan ap, Syobal ap, Zibeon ap, Ana ap, Disyon ap, Ezer ap, tonda Disyan ap, sik winibuka nang ulamik.

1 Tawarikh 1:40

Tonda, Seir birye deiamuknye, Syobal birye deiamuk mapu sik si ara ani. Alyan ap, Manahat ap, Ebal ap, Syefi ap, tonda Onam ap, deiamukak ulamik. Tonda, Seir birye deiamuknye, Zibeon birye deiamuk mapu ara, ani. Aya ap, Ana ap, ulamdik.

Ulangan 2:12

Minop talak ara, Edom mutuku noutam ara, Hori yala nang ton amutuku noutam ulamik. Bukni, Esau birye deiamukba, dadeipdanin yangalamik nang arye, sik Hori yala nang ati, obuka yakdonokikce, sik anang aryuk amutuku talibuka aulamik. Winibikopura, sik ulamik mutuku nirya ara, binuka, alabuka talibikce ulamik. Winilamikopura, Allah Yahweh arye, Israel nang ati, teleb mutuku arebukba, amutuku ulamik nang ati, obuka sirya dakikce, sik amutuku talibuka ulamik nang arye, bataklamik ning ap, asik ap, doprobik touk, sik Esau yala nang babye, atonun ulamik.

Ulangan 2:22

Aning unibuk touk, Allah arye, sik Esau yala nang ati, melilamuk. Ara, minop talak ara, Edom mutuku noutam ara, Hori yala nang ton amutuku noutam ulamik bukni, Esau birye deiamukba, dadeipdanin yangalamik nang, sik Hori yala nang ati, obuka yakdonokikce, sik anang aryuk amutuku talibuka aulamik. Winibikopura, sik ulamik mutuku nirya ara, binuka alabuka doprobikce, ulamik. Winilamikopura, Allah Yahweh arye, sik Esau yala nang ati, amutuku ulamik nang, sik Hori nang ati obukabukce, sirya dakuk. Ati, sik amutuku talibuka ulamik nang arye, bataklamik ning ap, asik dolamik ning ap, doprobik touk, sik Esau yala nang aryuk, aning nirya talibuka ulamik. Abuku sekik talak ara, sik Esau yala nang ara, amutuku noutam tuba ulamik.