1 Tawarikh 1:34 - Eipomek

³⁴ Abraham el mi Isak deibuk. Deibukura, daulamuka ani, Isak birye mapu bitinye deiamuk nang, sik si ara, ani. Esau ap, Yakub ap, deiamukak ulamdik. (Allah arye Yakub ati, yuk si dobukce, elti winiryuk si, ‘Israel’ nyamuk.)

1 Tawarikh 1:34 ပူးပေါင်းရင်းမြစ်များ

Kejadian 25:19

Ura, anyapnusin yupu ara, Abraham birye deibuk mi Isak, elce deibuk mapu ati lilipnamsine.

Kejadian 32:28

Nyabukura, malaikat arye, Yakub biti nyabuk. “Wini talak ara, winiryuk si arepnukine. Wini talak arye dipdongobuka, doryanamle talak ara, an si ati ‘Israel,’ nyanamkiake. Deiyok ara, ance Allah ap, yuk ning ap ati, pia pi dobuka piripdenmalamce, an mikip arye akunum malye kibuka bisipmalama ati, an winiryuk si ara, ‘Israel’ arepmakina ati ara, dorunamle talak ara, asiuk nyanamkiake,” malaikat arye, Yakub biti nyabuk.

Kejadian 32:29

Nyabukura, Yakub birye amalaikat ati, asipdeyuk. “Amio, an si ton laka nyapnilyame,” nyabuka morobuk. Morobuk buk, amalaikat arye, “Kume, anda yata deiyok ati, na si asipdenmanilam do? Lake kum nyapnukine,” nyabuk. Nyabukce, ‘Aminyan dorunamle talak nirya, Allah arye Yakub biti, teleb kibuka winipnamle’ tenen, Yakub deice teleb yupu nyapdeibuk.

1 Tawarikh 1:28

Abraham birye, sal mapu bitinye nang deiamuk. Sik si ara, ani. Isak ap, Ismael ap, deiamukak ulamdik.

1 Tawarikh 1:33

Tonda, Abraham elce deiamuknye, Midian birye deiamuk nang, sik si ara, ani. Ara, Efa ap, Efer ap, Hanok ap, Abida ap, tonda Elada ap, sik winibuka nang deiamukak ulamik. Anang nirya ara, sik nin si ara, Ketura ulamuk.

Matius 1:2

Abraham el mi ara, Isak. Isak el mi ara, Yakup. Yakup el mapu ara, Yehuda ap, el du yapu ap, deiyamuk.

Lukas 3:34

Yehuda el li si ara, Yakup. Yakup el li si ara, Isak. Isak el li si ara, Abraham. Abraham el li si ara, Terah. Terah el li si ara, Nahor.

Rasul 7:8

Stefanus nyabukopura, ayupu ton nyabuk. Ara, Allah arye Abraham ati nyabuk. “An ap ance deipnamlam mapu ap, dadeipdanin binamak mapu ap ati, pia teleb kibuka melipsinirye teleb ning delinamsine. Winipnamne ati, ‘Anda wininamlame’ tenen, bata delilamak touk, Na mapu ati, den bam bol mouse ning sekenamlulume,” nyabuk. Nyabuka, den bam bola mouse ning sekna pil, Allah arye Abraham ati aribuk. Amenyan talak Abraham arye Isak deibukba like pin barye sum mabukopura, el mi den bol mouse ning sekuk. Sekukopura, ulamuka ani, amenyan talak, Isak birye el mi Yakup deibukce, el den bol mouse ning sekuk. Tonda, Yakup birye Israel ninye nun apu yapu, weik mambul nang 12 nang deibukce, sik den bol mouse ning babye sekamuk.