1 Tawarikh 1:32 - Eipomek

³² Abraham bira, kil bitinye domuk. Aminyan dobuk kil el si ara, Ketura ulamuk. Atalakuk, akil arye deibuk mapu sik si ara, ani. Zimram ap, Yoksan ap, Medan ap, Midian ap, Isybak ap, tonda Suah ap, deiamukak ulamik. Tonda, Yoksan bira, mapu bitinye deiamuk. Sik si ara, ani. Syeba ap, Dedan ap, deiamukak ulamdik.

1 Tawarikh 1:32 ပူးပေါင်းရင်းမြစ်များ

Kejadian 37:28

Nyabikopura, sik Midian mutuku dekna ninye, Ismael yala ninye, Yusup el du yapu unmik dam yayikura, el du yapu arye, tuku pum bisik dopkwetepmekak anerye, Yusup dobuka, sik Ismael ninye ati dekik. Dekikura, el du yapu arye, dekna weik ning, el si ara, perak seperempat kilo doprobik. Ismael ninye arye, Yusup bobuka, Mesir mutuku bobiyik.

1 Raja-Raja 10:1

Ninye arye, “Raja Salomo birye Allah el si Yahweh, el siuk erelule. Salomo ap, Allah el si Yahweh ap, teleb ubuka neika urudake,” nyalamikba, Syeba mutuku taleamuk kil arye tuba kekelamuka ati, el dam biyuk. Biyukce, ‘Dib ulul do, kum do?’ tenen, ‘Ikin yupu arye asipdenirye, winipdenamne,’ tenebukce, el dam binuka asipdeyuk.

1 Tawarikh 1:33

Tonda, Abraham elce deiamuknye, Midian birye deiamuk nang, sik si ara, ani. Ara, Efa ap, Efer ap, Hanok ap, Abida ap, tonda Elada ap, sik winibuka nang deiamukak ulamik. Anang nirya ara, sik nin si ara, Ketura ulamuk.

Ayub 6:19

Aning atonun, sik Syeba mutuku unyak nang ap, Tema mutuku unyak nang ap arye, ‘Dengna weik ning dobuka, otam dekelbinamapʼ tenen, sik keledai basam deice bukuka banmalyeba, ‘Mek dan sukum arye kwebuka diptibye do?’ tenen, enmakirye, ‘Amek ara, ton diptibye,’ tenen, kanye deibuka banyake.

Mazmur 72:10

Winibuka, elce amutuku nirya talinamle talak noutamak ara, keting wekelban tam, mutuku si Tarsis mutuku noutamak, ninye deiyok talibuka unyak ninye ap, laut mekwen noutamak bukni, mekwen deibuka, sekdongobuk mutuku unyak ninye nirya, el dam yakirye, elda ninye deiyoknye Raja unamla ati, sik talibuka unyak teleb ning nirya dobuka, el dam yanuka arelyanganamake. Tonda, keting yangan tam, Arab mutuku ap, Etiopia mutuku ap, ninye deiyok kibuka, Raja talilamik nang nirya arye, nun mutuku talipnamsil Raja atibuk, si erekirye, teleb ning bobuka, el dam arelyanganamake.

Mazmur 72:15

Elda, nun ninye deiyoknye kina ati, yanamlanye bira, pia kamuk unamle. Winipliba, arin ning ati, bobuka yanganamak nang arye nyanamake. “Nun deiyoknye, anda teleb uka. Pia kam unamlame. Ati ara, Arab mutuku si ara, Syeba mutuku arye, pia dekna weik kat ning, el si emas, boyanganamkiabe,” nyabuka, arelyanganamake. Tonda, ninye nirya arye, ‘Allah arye anye biti, pia melilamliba, telebuk unamle’ tenen, elti, tuba-tuba moronamake. Asum-asum nirya ara, el si erena ati, teleb yupu uk nyanamake.

Yesaya 21:13

Arab mutuku tam ululum nang ati, Allah arye, ‘Winipnamne,’ nyabuka, na Yesaya dam yanuka nyapnuk. Ayupu ara ani. Se, anggun Dedan yala ululum nang ara, anggun bona dekna ati, Unta basam balye deice bukuka yangalulum nango. Anggunce sik dukunubuka mapnamluma ati, Arab mutuku tam noutam ara, talye palamle taica ning ap, bai tam mutmuta kan-kan ap, asukumuk yanuka dukunubuka unamlume.

Yesaya 60:6

Aning atonun, Midian mutuku ap, Efa mutuku ap arye, boyanganamak unta basam nirya, arebikiba, dopropmunce, anggun mutuku nirya ara, sikcuk yanuka langdipnamake. Tonda Syeba tam unyak ninye nirya arye, pia dekna teleb ning emas ap, pia nintong teleb un ning, el si ara kemenyan ap, anggun dam boyanganamake. Aning-aning boyanganamak talak ara, Allah arye weik mambul pil dobuk ning ati, sik aninye nirya arye, ‘Allah elda pia mambul ulule. Elda telebe,’ nyabuka, si erebikirye sik dam anyuk aning boyanamsiake.

Yeremia 25:23

Tonda, Dedan mutuku ap, Tema mutuku ap, Bus mutuku ap unyak nang nirya babye, yuk-yuk mutuku noutam, sik amul deice tam, sik kisok potong bumang arye, konyak nang babye dibik.

Yeremia 49:8

Se, anggun Edom tam bukni, iknapye tam (arah selatan) Dedan mutuku noutam ululum nang ara, anggun adiparyuk tamubukamunce, bibik abuka binululume! Anggunce, ‘Se, weik ikin ning nun dam yasilyeba, kanye imun unamapʼ tenen, bikbik abuka bimunyeura, pia moubuka duknupnamlulume. Deiyok ara ani. Ura, na Allah arye, anggun deipkirikdop anye, Esau birye deibukba, dadeipdanin yangalamika ani, wini talak delisinyak nang nirya ara, obukapnirye, atu kiplopnamne. Deiyok ara, narye sik wenen sum akunum dam upmale.

Yehezkiel 25:13

Sik Edom yala nang arye, aning winibika ati, na Allah Yahweh arye, aning-aning deice tam erebuka, Pia Mikip Weik Deiyoknye ununye birye, ayupu ton nyapsine. Na taruk arye, Edom mutuku nang ara, obuka wenepnamne. Narye amutuku unyak nang ap, sikce weinyak ning nirya ara, obuka kum kipdeipnirye, sirya daknamne. Narye amutuku unyak nang ap, sikce talibuka weinyak kam ning ap nirya ara, kum kipdeipyeba, aik oldemuk upnamle. Ara, narye Moab noutam mutuku si, Teman mutuku noutam ap, anyapce dipdongobuka, Moab mutuku bukni, (arah selatan) mutuku si, Dedan mutuku ap nirya ara, anang babye, sikce weinyak ning babye, parang ya ap, mal ap arye opnyeba, dibice deice arye, kum danamle.

Yehezkiel 27:20

Aning atonun, Dedan mutuku noutam ulamik nang babye, deibuka deklamlum bona dekna ati, kuda basam deice bana ati, kain pelana boyanarye dekelamsike.

Bilangan 25:6

Nyabuka ati, atalak ara, Musa ap, sik yuk Israel nang nirya ap, Allah Yahweh el ap, ninye ap eldana ati, tonda el si erena ap ati, tenda arye doltakan aik domik ning, anyaik bublan dam tikilyayikce, engebik. Aengemik talak ara, Israelnye tonok ton, ‘Aning ara mambul kume,’ tenebukce, amutuku kilapu tonok, ara Midian mutuku kilapu talibukce, Musa ap, Israel nang ap, malye kanye bobuka, engenmekakuk boyayuk. Ara, Allah el si erena ati, domik doltakan aik bublan dam boyayuk.

Bilangan 31:2

“Midian mutuku nang arye anggun Israel nang obuka sirya dakamsik ati, kwang danamap ati anggun Israel nang arye, Midian mutuku nang opnamlulume. Aning nirya ance akunum winipminye ura, an apu yapu diamikce, binamik touk, Musa an babye adiparyuk dipnamlyame,” Allah arye nyabuk.