1 Tawarikh 1:28 - Eipomek

²⁸ Abraham birye, sal mapu bitinye nang deiamuk. Sik si ara, ani. Isak ap, Ismael ap, deiamukak ulamdik.

1 Tawarikh 1:28 ပူးပေါင်းရင်းမြစ်များ

Kejadian 21:12

Lik kanye bobuk bukni, Allah arye, Abraham biti nyabuk. “Abrahamo, an pil melin kil Hagar ap, anggunce deiprum mi Ismael ati, lik kanye bona kume. Sarah arye nyapmakil yupu ara, kekepnulyame. Ara, an mi Isak arye deipliba, dadeipdanin balamica ani, unamak ninye ara, “Aninye sik apu koproba Abraham” nyanamake. Ismael arye deipnamle nang ati, aning kum nyanamaka ati nyapkine.

Kejadian 25:12

Ura, ayupu ara, Sarah el melibuka pil don kil, Mesir mutuku kil, el si ara Hagar birye deibuk mi, Ismael biti nyapne. Ara, Abraham ap, Hagar ap arye, deiprik mi atia.

Kejadian 25:19

Ura, anyapnusin yupu ara, Abraham birye deibuk mi Isak, elce deibuk mapu ati lilipnamsine.

1 Tawarikh 1:27

Abram ap deibuk. Abram aminyan talak ara, Allah arye, el si ton ‘Abraham,’ nyabuka si domuk. Sik anang nirya ara, sik deipkirikropnye bira, Yoktan ulamuk.

1 Tawarikh 1:29

Anang arye deipdikba, dadeipdanin yangalamik nang si ara, ani. Ismael elce deiamuk nang, sik si ara ani. Min ara, dunye birye deiamuknye bira, Neboyat ulamuk. Aminyan talak deiamuk nang ara, Kedar ap, Adbeel ap, Mibsam ap,

1 Tawarikh 1:34

Abraham el mi Isak deibuk. Deibukura, daulamuka ani, Isak birye mapu bitinye deiamuk nang, sik si ara, ani. Esau ap, Yakub ap, deiamukak ulamdik. (Allah arye Yakub ati, yuk si dobukce, elti winiryuk si, ‘Israel’ nyamuk.)