1 Samuel 9:13 - Eipomek

¹³ Nun aik dam birumunyopura, asukumuk epdanamalume. Elda, kam ning opnuyakak, omutuku deice aik koproba dilbinul bukni, kum binaplye talak aryuk, minopce el epdanululume. Omutuku deice weleplirye, kam ning arepnuce ning ara, elce Allah moropliba, teleb kipdeipnamala atia. El moroplyopura, sik nirya dipnamak bukni, el min kum yanmalye talak ara, kum dipnamake. El kum yanmalye talak ara, talye unamake ati ara, elce Allah moropliba, dipnamake. Ati welebirurume. Welebirurumunyopura, el ap epdanamalulume,” nyabik.

1 Samuel 9:13 ပူးပေါင်းရင်းမြစ်များ

2 Samuel 15:11

Tonda, Yerusalem mutuku arye, ninye yupa weik dua ratus nang melibuka, Absalom ap, Hebron mutuku biyik. Anang ara, Absalom birye tenebuk ning, kum bikik. Sikda, ‘Kwalya neika dipnuyaba ati yukupmasile,’ tenebikce, mangkau kanye bobuka biyik. Absalom birye, Hebron mutuku winipnamuk ning ara, sik walwal anya arye, sikda talye melibuka biyik.

Matius 14:19

Nyabukopura, Yesus arye nyapdeibukba, el mapu arye yupa weik wekmek ninye ati nyabik. “Anggun yupa yuk-yuk, maning deice yuk-yuk bokuka buklulume,” nyabik. Akunum bukikopura, Yesus arye el mapu, aroti pamubarye ap, amekin bal bitinye ap, arepnamek ning ara dobuka, im deice dipdeyuk. Dipdeyukce, Allah ati, “Telebe,” nyabukce, aroti ara tobukabukce, ‘Na mapu 12 nang arye, abukmak ninye ati arepnuyaka’ tenen, aribuk. Tonda, amekin bal bitinye kalibuka el mapu aribukba, abukmek ninye ati, aroti ap, amekin bal ap, bokuka arepra banmek.

Matius 26:26

Yesus ap, el mapu 12 nang ap, din dinmek bukni, nena kum roti dipnuyik talak ara, Yesus arye aroti dobuka, Allah ati, “Telebe” nyabukopura, aroti tobuka, el mapu ati bokuka arinmokce, ayupu nyanmok. “Aroti ara, na nong atonun ulula ati dobuka diplulume,” nyanmok.

Markus 6:41

Akunum bukikopura, Yesus el mapu arye, roti pamubarye ap, mekin bal bitinye ap, arepnamek ning, dobuka, im deice dipdeyukce, Allah ati “Telebe,” nyabukce, aroti, tobukabukce, el mapu 12 nang arye, ‘Abukmek nang arepnamnyaka’ tenen, aribuk. Tonda, amekin bal bitinye sekuka, el mapu aribukura, abukmek nang ati, aroti ap, amekin bal ap, bokuka arinmek.

Lukas 24:30

Aik unmekce din ning dipnuyik talak ara, Yesus arye roti doprobukce, Allah ati, “Telebe,” nyabukopura, tobukabukce anang ati arinmok.

Lukas 9:16

Akunum bukikopura, Yesus el mapu arye, roti pamubarye ap, mekin bal bitinye ap, arepnamek ning ara dobuka im deice dipdeyukce, Allah ati, “Telebe,” nyabuk akarye, aroti ara toptalibukce, el mapu obarye 12 nang arye, ‘Abukmek nang arepnamak’ tenen, aribuk. Tonda, amekin bal bitinye sekuka el mapu aribukura, abukmek nang ati, aroti ap, amekin bal ap bokuka arinmek.

Yohanes 6:11

Akunum bukikopura, Yesus arye aroti kwaning pamubarye dobuka ereptalibukce, el li Allah ati, “Telebe,” nyabukura, el mapu ati aribukba, sikce bukmek ninye nirya ati bokuka arebik. Arinmekura, aninye sik patanmok touk, dobuka dinmek. Aning atonun, Yesus arye amekin bal bitinye babye bokuka aribukba, sik nirya arye dobuka dibik.

Yohanes 6:23

Betsaida mutuku unmeka ani, aminyan talak mekwen otam, Yesus binmok mutuku uk, Tiberias mutuku arye banmeka ani, mekwen atam Betsaida mutuku biyik. Mek lia yo perahu yanuka lukeibuk opura, Yesus arye, “Telebe,” nyabuka, dina bokuka aribukba, ninye yupa weik arye din dinmek mutuku, Betsaida mutuku uk biyik.

1 Korintus 10:30

Sik dib tenena kum ninye arye, din ning aning-aning nirya arepsikibuk, nun Ni Koprop Allah ati, “Telebe,” nyabibyopura, yuk ninye yata ning deiyok ati, “Anggunda, malye ning dipmalum,” nyabuka, malye yupu nun nong deice deipsiting do? Kume, aning atonun nyapsitingopura, malye kum wininyabe. Malye kum wininyap bukni, ‘Yuk ninye sik kanye ikin uplyak’ tenen, sik tenenyak ning ton moubuka tenenamabe.

1 Timotius 4:4

Ara, Allah arye kwepdeiamuk ning nirya, yata yala ning do nirya, Allah tenebibirye, aning ati, “Telebe,” nyabuka, kanye deibuka dopropbibyopura, telebuk ulule. Aning nirya tonok ning babye, ‘Malye do?’ tenen, batakna kume.

1 Samuel 2:35

Winipyopura, na aik pil dona deiyoknye bira, yuknye ton wibuka erepdeipniba, nati moubuka pil donamnile. Na kanye talima noutamak tenenye touk, awinipnamnanye birye, aninguk moubuka wininamle. Tonok ning babye, kum bataknamle. Winiplyeopura, narye el yala nang ati, kalikuka melipnyopura, el deipkiridop nang nirya, telebuk unamake. Ereipnamnanye birye, na si eren aik pum tam, pil tuba donamlak ara, narye wipdeipniba, ninye deiyoknye dam unamle.

1 Samuel 9:14

Nyabikba, adiparyuk Saul ap, el melinanye ap, anyaik dam birik talak ara, Samuel ap epdayik. Ara, amutuku nang arye, Allah el si erena ati, kam ning obuka arepnuyikak, Samuel bayukbuk, abisik noutamak epdayik.