1 Samuel 9:10 - Eipomek

¹⁰ Ura, Saul birye, el melinanye ati nyabuk. “An tenepmalam ning ara, teleb ning anya arye, Allah el yupu laka nyana deiyoknye dam binuname,” nyabukura, el ulamukak birik.

1 Samuel 9:10 ပူးပေါင်းရင်းမြစ်များ

1 Samuel 10:14

Saul el mam birye, Saul el melinanye ap, Saul ap ati dinmok ani, el mam birye, sik nang bitinye ati asipdeyuk. Elce, “Anggunda, dan mutuku binmarumce, asukum tamubuka yanmarum do?” nyabuka, asipdeyukura, Saul birye tamubuka nyabuk. “Nunda na ni, el keledai basam wangabuk ning ati, enmaname. Enmanam bukni, nunda pia kum eipmanume. Kum eipmanuma ati, ‘Anye melipsutu do?’ tenen, minopce Allah yupu lak nyalulnye, nabi Samuel, el dam binmanume,” nyabuk.

1 Samuel 9:11

Birikopura, adiparyuk bisik banmarika ani, anye el asik ara, mutuku taram deice dolamika noutam welebuka banmarik talak ara, wel kilapu mek kwelyanganmekba, bisik noutamak epdayik. Epdayikce, akilapu ati asipderik. “Allah el yupu lak lena deiyoknye bira, amutuku aunmal do?” nyapdik.

1 Samuel 9:9

Ura, minop talak, Israel ninye, sik patanman ning ati, ‘Allah arye laka nyapsutue,’ tenepne talak nirya ara, Allah el yupu laka nyana deiyok nang damuk, binuka asilelamik. Winilamikba, tonoknye, elda laka nyalin deiyoknye, sik asipden ning ara, laka nyalamuk. Minop talak ara, laka nyalamik nang ati, asing eibikirye, laka nyana deiyok nang, tonda eipna arye, laka nyananye ‘pelihat’ nyalamik. Bukni, wini talak ara, Allah el yupu laka nyana deiyok nang ati, ‘nabi nang,’ nyanyake.