1 Samuel 8:9 - Eipomek

⁹ Ati ara, sik nyapmace yupu ara, kekepnulyame. Bukni, dipkoprob ance tamubuka sikti, ‘Ikin ning yanamsile,’ nyabuka, mikip asa arye wenepnulyame. Tonda, sik deiyok talipnamlanye birye, aminyan talak winipnamle ninguk, laka nyapnamlyame,” Allah arye nyabuk.

1 Samuel 8:9 ပူးပေါင်းရင်းမြစ်များ

Yeremia 11:7

Min talak anggun apu yapu, Mesir mutuku noutam ikin weik ulamikba, boyanuse talak arye dipdongobuka, ayupu nyapnin yangalamse ani, wini talak babye, narye anggunti, ayupu tuba nyasunune. Ara, narye anggunti, ‘Aning ara wininamlume. Aning ara, pia kum wininamlume,’ nyabuka, yupu mikip weik arye nyasunun yupu ara, moubuka kekepmunce, wininamlume. Ati, min arye anyamse yupu uk, arup babye, na mapu, asukum unmalum nang ati, tuba tonap, ayupu yanuka nyapdeipsine.

Yehezkiel 3:18

Mambul yupu nyanalama anya arye, winipmanto ara, narye malye ulamice ninye ati ara, narye sikti, “Malye tuba winiminyopura, wenebuka opsiniba, dipkoprob dipnamlumca,” nyabuka, wenena yupu deice arye nyanamne. Bukni, ayupu nyapnyopura, ance amalye un ninye ara, ‘Sik malye unyak ning bataktinge’ tenen, sikti, kum nyapminyopura, sik malye unmace diparyuk dibikiba, sik malye una ati wenepnamne. Bukni ance, ‘Allah arye sik malye unyak ninye oplyak’ tenen, ayupu kum nyapminyopura, an babye wenepnamkine. Sik malye unyak ninye, malye kanye bobuka dipnamaka deiyok ara, an nong deiceuk deipnamkine. “Sik dipnamaka deiyok ara, an uka,” nyabuka wenepnamkine.

Yehezkiel 46:18

Aning atonun, Israel nang, sik ninye deiyoknye birye, yuk nang, sik talinyak wa tuku noutam arye, mitik tonun babye aulubuka kum dopropnamle. Na Allah arye, amutuku noutam unyak nang nirya ati, wa tuku bokuka, akunum arepsise ning ara, Raja birye, ‘Atuku talinyak nang yakniba bindobiceura, narye atuku dobuka bokukapnirye, na deiamse mapu koproba ati, arepnamne,’ tenepturye, pia kum winiptue. ‘Aning ara, meme,’ nyapsine. Ninye deiyoknye, el amu tam unyak nang arye talinyak mutuku tuku noutam, tonok tam babye, ton pia bokuka, kum dopropnamle. Akum bukni, Allah arye arebukba, el mutuku noutam awamlye tuku uk ara, urda doproplirye, el mapu koprop ati, bokuka arepnamlule. Winiplyeura, Allah el mapu koprop, sik Israel nang nirya arye talebuka, unyak mutuku noutam nirya ara, pia ati talinamnyake. Raja nang arye ton, sik wa tuku aulubuka doproplirye, kum boknamake.

1 Samuel 10:25

Ura, atalak ara, Samuel birye, Israel nang nirya kekenmekakuk, laka nyabuk. “Ninye deiyoknye, Raja unamle ning ara, ani. Elce winipnamle ning ara, ani. Elce kum winipnamle ning ara, ani. Anggunce elti, wininamlum ning ara ani,” nyabukabukce, ayupu nirya sekuka kintinibukce, Yahweh el dam deibuk. Winibukopura, Samuel birye, Israel nang nirya ati, “Telebe anggun asik koproba, yuk-yuk tamubuka dabilulume,” nyabukba, bindobik.

1 Samuel 12:1

Samuel birye, Israel ninye nirya ati nyabuk. “Anggunce, na dam nyalyanganululum ning ara, kekepsirye, moropnulum touk, akunum winipsise. Ara, narye, anggun ninye weik deiyoknye, kibuka talipnamsilanye, Raja Saul akunum wipdeipsise.

1 Samuel 14:52

Ninye deiyoknye Raja Saul kam tuba ulamuk talak ara, el mikip aryuk, Pilistin nang dam olbalamuk. Ati ara, ninye deiyoknye, Raja Saul birye dinmana ani, mikip weik nang ap, ilil tenena kum nang ap, eipnopura, adiparyuk, el amu tam yin telen nang wipdeibukba, el tam yin talen nang ulamik.

1 Samuel 2:13

Atalak ara, Israel ninye arye, ‘Nun ni Allah, el si erena ati, kam ning obuka arepnuyabe,’ tenelamikce, arelbalamik. Atalak nirya ara, aning dobuka, Allah el aik pil dona deiyok nang ati arelalamikba, anang arye abasam tup dobuka, uku dongolamik. Ton ning ara, bokna arye makau pum bisik yulamik. Abasam tup ap, yuk ning ap, yun makau arye yupman talak ara, Allah el aik pil dona deiyok nang, sik melina nang arye, yanuka cang karpu atonun ning bukni, el kwa ara, winilye leklamle ning arye, amakau pum bisik noutamak arye, lukuka tup ning potokuka dolamik.

1 Samuel 8:8

Nyabukce, ayupu ton nyabuk. “Aning ara, sik Mesir mutuku arye boyanamsibuk, sikce natibuk talibuka, nati kum si erelamnikce, na batakuka, talye Isa Mutuku Dongonye siuk erelamik touk, tuba wininyake. Ati, sikce na bataklamnik touk, wini talak ara, anti batakmakiyake.