1 Samuel 8:13 - Eipomek

¹³ Nyabukabukce, ayupu ton nyabuk. “Ura, sik kilmapu ara, dopropliba, el pil melina ati, donamake. Ara, ton kilapu ara, nong bol liknaba, nintong teleb lelamle mek memenamake. Ton nang ara, el din ning yupla dapmana kinamake. Ton nang ara, el roti memebuka danamake.

1 Samuel 8:13 ပူးပေါင်းရင်းမြစ်များ

1 Samuel 8:12

Nyabukce, ayupu ton nyabuk. “Anggun mapu ton nang ara, sik deiyoknye, el yin talin nang deiyok nang kibikirye, yuk talye yin nang, yupa seribu (1.000) nang talipnamake. Ton nang ara, yupa lima puluh nang (50) talipnamake. Anggun mapu ton nang ara, anggun deiyok kibuka talipnamsilanye, Raja arye, pil pia aruklamliba, el wa winamake. Ton nang ara, el din ning min yuma libikce ning ara, aminyan talak, el din ning ati delilbinamake. Ton nang ara, el ninye ona ati mal ap, yin ap, topnong ap, parang ya ap, memen nang upnamake. Ton nang ara, el kuda libuka, tuku deice balamle kereta ati, memen nang ap upnamake. Sik ninye deiyoknye, Raja arye el amu tam bikikirye, ikin ning, sik nong deice deipnamle ati nyapsine.”

1 Samuel 8:14

Aninguk kum bukni, anggun wa tuku ap, talye tuku ap ton, Raja birye dopropnamsile. Ara, anggun kwaning wa ap ara, yo duk wa ap, anggur tapu duk wilamlumak weinye ning ara, pia teleb ning wibuka doproplirye, Raja el aik pil don nang ati arenamle. Raja arye, anggun mapu ara, pil dilamsiliba, pil donamake nyapsine.