1 Samuel 7:15 - Eipomek

¹⁵ Atalak arye dipdongobuka, Samuel kam ulamuk talak nirya ara, Israel ninye sik yupu lipsisikuka bokolina deiyoknye ulamukce, Israel ninye pia taleamuk.

1 Samuel 7:15 ပူးပေါင်းရင်းမြစ်များ

Hakim-Hakim 2:16

Winibuka daulamika ani, aminyan talak ara, Allah el si Yahweh arye tamubuka yayukce, sikti, melibukabukce, sik lyena ati, yupu lipsisikuka bokolina deiyok nang, mikip nang ton wipdeibukopura, anang arye Israel ninye melibikce, sik mal olan nang ap, sik bona dalubuka dololamik nang ap ati, sik babye tamubuka obikba, amalye nang ara batakuka bai sakuka bindobik.

1 Samuel 12:1

Samuel birye, Israel ninye nirya ati nyabuk. “Anggunce, na dam nyalyanganululum ning ara, kekepsirye, moropnulum touk, akunum winipsise. Ara, narye, anggun ninye weik deiyoknye, kibuka talipnamsilanye, Raja Saul akunum wipdeipsise.

1 Samuel 12:11

Morolamikba, Yahweh kekebukce, sik melina ati, ninye deiyok nang ton wipdeibuk. Anang sik si ara, Yerubaal ap, Barak ap, Jepta ap, Samuel ap, dopdeibukopura, anang arye, Israel ninye lyeprobik. Sik mal olan nang dana-dana tam, weik daulamik bukni, Allah wipdeiamuk nang, meliamuka deice arye, anang arye, Israel ninye lyepdomikba, tuba tonap amutuku noutamak, talye kanye bobuka, telebuk ulamik. Anggun wini talak ululum nang babye, kanye lamapdongobuka, teleb asa arye, ulalume.

1 Samuel 25:1

Samuel dibukba, Israel ninye nirya, bulubuka yanamikce, yanuka engelamik ani, Samuel el nong weibikak ara, el mutuku koproba, Rama mutuku weibik. Akunum weibikopura, aminyan talak Daud adiparyuk mek kum ati, ninye kum ulamik mutuku, mutuku si Paran mutuku biyuk.

1 Samuel 7:16

Aketing tamun, aketing tamun nirya ara, Gilgal mutuku ap, Misba mutuku ap, Betel mutuku ap, amutuku nirya, Samuel dipdongobuka welepna arye, sik malye ulamik ning nirya ati, yupu bokdeipna arye, lipsisikuka, telebuk kililamuk.

1 Samuel 7:6

Israel ninye nirya, Misba mutuku bulubuka, wekik talak ara, mek kwebuka kintinibikce, Allah el si Yahweh, el si erena ati, tukwak dikdeibik. Tonda asum ara, din dina kumce, bulang asa unmekce, ‘Allah namin kipnamsil’ tenen, sik malye winilamik ning ati, “Kume, nunce nun ni Allah, el si Yahweh yaniptabuka, dipkoprob pia malye winilamupu ning ara, aning ton, aning ton,” nyabuka, laka nyabikce, aning nirya batakik. Israel ninye nirya arye, Allah ati si erenmekce, nyanmek talak ara, Samuel birye, sik yupu lipsisikuka bokolina deiyoknye kina ati, deiyok kibukce, Allah morobuk.