1 Samuel 7:12 - Eipomek

¹² Batakikba biyikopura, Samuel birye, keil tonok doprobukce, Misba mutuku ap, Yesana mutuku ap, amutuku wiliba noutamak binuka ikdeibukce, akeil deibuk ning ati, si dobuk. “Akeil si ara, Ebenhaser nyanamabe. Deiyok ara, amutuku asukum ara, Yahweh arye melipsuk atia,” nyabuk. Asisibuk ning ara, sik Ibrani yupu deice ara, ayupu deiyok ara, ‘Allah arye melipsuk ati, keil deibabe,’ nyanyake. Aning ati, asi sibuk.

1 Samuel 7:12 ပူးပေါင်းရင်းမြစ်များ

Kejadian 22:14

Aning nirya winibuka ati, Abraham birye, amutuku si ara, “Allah el si Yahweh arye, nun patasulul ning aresulule,” nyabuka si dobuk. Abraham birye nyapdeibuk touk, wini talak babye ninye nirya arye tuba nyanyake. Ara, “Nun ni koproba Allah, el si Yahweh, el mutuku ara, nun patasulul ning aresulule,” tuba nyanyake.

Kejadian 35:14

Welebuka biyukba, Yakub birye, weik cang keil dobuka deibukce, dinmek anggur ap, minyak ap, akeil deice dikeibuk. Ara, sik yupu talipmareka ani, Allah el si erena ati, aning dikeibuk. Dikeibukce, el Yakub ap, Allah ap, yupu talipdarik mutuku si ati ara, Betel mutuku nyabuka sisibuk.

Mazmur 71:17

Se na ni Allah, na mitik mi tuba ulamse talak arye, dipdongobuka wini talak nirya ara, ance, ‘Winipnamlyame,’ nyabuka, peteranauk winilamnulumba, bikamse. Tonda, yuk nang kekena ati, wini talak babye, ance pia teleb kibuka pil dominye ning ara, tuba laka nyanune.

Mazmur 71:6

Na nin birye deipnuk talak arye, dipdongobuka, na kam tuba unun talak nirya ara, ‘Allah aryuk nati, melibuka lyelonamnil’ tenen, antibuk diba tenekunune. Diba, an mikip deice arye, na ni koproba arye, deipnukba, ancuk nati, pia kalikinilyame. Tonda, an pia teleb ulyam ning ap, mikip weik ulamuk ning ap ati, antibuk, an si pia erenamkine. Aning ati ara, na kam unamne talak nirya ara, antibuk, “Anda pia teleb ulyame,” nyabuka, an siuk erenamkine!

Keluaran 17:15

Nyabukopura, Musa birye asukumuk keil pala dobukabukce, keil taplakra pipdeibik. Deiyok ara, ‘Aning deice Allah el si Yahweh, el si kina ati, kam ning obuka uku sekuka dapnamap’ tenen deibuk. Tonda amutuku si sidobuk. Amutuku si ati, Allah arye na erepdeipnuk mutuku nyabuk. Asi deiyok ara, ‘Allah arye melipnukba, malye nang sirya dakuka obupu’ tenen, asi nyabuk.

Yesaya 19:19

Atalak ara, Mesir mutuku noutam koproba ara, Allah Yahweh el si erena ap, el si erekirye kam ning obuka arena ap ati, pala keil taplakuka deibikirye, weik mesba dobuka deipnamake. Tonda, Allah Yahweh el si tuba tenena ap, erena ap ati lakakilina ara, Mesir mutuku tuku ara atam, yuk mutuku tuku ara otam wililamik dam ara, weik cang keil arye dobuka iknamake.

Rasul 26:22

Bukni, minop talak danyapce, ubuka wini talak babye, Allah melilamnukba, ulamsa ani, wini talak babye tuba wininune. Wininuna ati ara, arup uk ara, atikman akarye, talye bona utotoa talina kum ninye babye, sisinanye babye, sik kekena ati, ayupu dipkoprop yupu uk lak nyanmasine. Ara, Allah el yupu ap, aminyan winipnamuk ning ap, ati lak nyalamik nang Nabi nang ap, Musa ap arye, “Dipkoprop winipnamle,” nyalamik yupu uk peterelamse. Narye tenepse yupu uk tabakuka kum nyanmasine. Na nyanmasin yupu ara, sik minop talak ulamik nang arye nyalamik yupu atonun yupu nyanmane.

2 Korintus 1:10

Ara, nun ikin weik ulamsukba, dipmanto wamnumu bukni, Allah arye lyebuka lopdeipsukce, teleb kipdeipsuke. Tonda, aminyan talak babye ara, pia lyepnamsile. ‘Allah aryuk pia lyepnamsil’ tenen, nun kanye ara, el deiceuk deibuka, elti, dib tenebuka dinyame.

Yosua 4:9

Deibikba, Yosua birye, ton akeiluk dobukabukce, tabuka bulupdeibuk. Ara, Allah el si eren aik pum tam pil don nang, Allah nyamuk yupu liamik marikna bobuka, Yordan mek duk-duk noutamak tikmekak anyuk, Israel ninye arye, mek pum bisik obarye (12) keil dobukabikce, sik doltakna aik dam, bobinuka deibik ning ara, Yosua birye, akeil obarye nirya dobuka, tonok sukumuk tabuka bulupdeibuk. Akeil nirya ara, ayupu sekuk talak babye, tuba aubuke.

1 Samuel 14:35

Tonda, ninye deiyoknye, Raja Saul akunum winibukopura, asukum adiparyuk Allah Yahweh el arena ap, si erebuka kina ara, pala weik keil deibukce, uku dongonak ati, mesba memebuk. Amesba ara, ninye deiyoknye, Raja Saul birye, minop talak memamikakuk memebuk.

1 Samuel 4:1

Atalak ara, Pilistin sik yin talin nang nirya mikip dobukabikce, Israel ninye sik olyangana ati kintinibuk. Kintinibikce, sik baju bol aik ara, Afek mutuku noutamak yanuka dobik. Aning atonun, sik Israel yin talin nang nirya arye, ‘Pilistin nang olbinamap’ tenen, mikip dobikce, sik baju bol aik ara, Eben-Haeser mutuku noutamakuk binuka dobik.

1 Samuel 5:1

Pilistin nang arye, Allah el nyalin yupu dongobuka deiamik marikna, el si ara Peti Perjanjian, Haezer mutuku arye alubuka doprobikce, sik mutuku koproba Asdod mutuku binuka deibik.

1 Samuel 7:11

Israel yin nang Misba mutuku unmikak arye, Pilistin nang dam bikbik abuka banmekbuk, sik bikbik abuka banmek bisik noutamak nirya, Israel nang arye, Pilistin nang weika arye, opnin banmeka ani, yuk mutuku Bet-Kar mutuku dam binuka batakik. Pilistin nang pia weika arye, obuka sirya dakik.