1 Samuel 6:8 - Eipomek

⁸ Winipmunyopura, Allah Yahweh arye, “Aning ara, wininamlume, aning ara, pia kum wininamlume,” nyapdeiamukce, sekdeiamukba, sik Israel imam nang arye, ayupu bobuka, Nyalin Yupu Marikna pum deiamik ning, apeti dobuka, asapi lipdongopniba, tuku deice ban ning, kereta deice deipnamlume. Tonda, apeti dam dana-dana ara, Allah el arena ati, dekena weik ning, emas deice kub mana ap, suse ap, urasin ato ning puturubuka deipmamunye ning ton, akereta deice deipnamlume. Aning ara, ‘Nun malye wininyap ning, namin kipsutueʼ tenen, kintinip deipnamlum ning ati nyapmabe. Aning nirya dobuka, kereta deice deipmunyeba, asapi basam kil bitinye arye, akereta libuka bobinamdake. Sik yuk, otam Israel ninye unyak mutuku noutam, libuka bobinamdake.

1 Samuel 6:8 ပူးပေါင်းရင်းမြစ်များ

Imamat 5:7

Bukni winipmanto, amalye upmalinye bira, pia talye kan-kan nye ulirye, el domba basam do, kambing basam do, dipkoprob kum uplya ati, kum deklyopura, aning ara, pia kumnye bira, el anye malye winipmalye ning kum danalina ati, pununa ning bobuka, arelyangana ati ara, yalma maka bitinye bobuka arena telebe. Akumopura, tekukur maka bitinye arena babye, telebe. Ara, ayala maka bitinye tomobukaplirye, bobuka el malye winin ning kilina ati, Allah Yahweh ati, arelyanganamlule. Ara, tonok ning ara, imamnye elcuk, ‘Aning ara, el malye winibuk ning kilina ati, kintinipneʼ tenen, minopce Allah ati arepnamlule. Aning atouk, ton ning ara obuka, mesba deice uku dongopnamlule.