1 Samuel 4:1 - Eipomek

¹ Atalak ara, Pilistin sik yin talin nang nirya mikip dobukabikce, Israel ninye sik olyangana ati kintinibuk. Kintinibikce, sik baju bol aik ara, Afek mutuku noutamak yanuka dobik. Aning atonun, sik Israel yin talin nang nirya arye, ‘Pilistin nang olbinamap’ tenen, mikip dobikce, sik baju bol aik ara, Eben-Haeser mutuku noutamakuk binuka dobik.

1 Samuel 4:1 ပူးပေါင်းရင်းမြစ်များ

1 Raja-Raja 20:26

Dabinuka ulamika ani, keting tamun tonok ubukopura, ninye oldan talak kibuk ati, Raja Benhadad, elce, el yin talen nang dopdeibukba, ‘Israel tam ninye olbinamapʼ tenen, Israel ninye, Afek mutuku asik dobuka ulamikak, Warikil bana ati biyik.

1 Raja-Raja 20:30

Winibik bukni, ton batakik yin talen nang ara, adiparyuk bikbik abuka, ‘Apek mutuku asik domikak uamuk aik noutam, wekelbibirye dungnupnamapʼ tenen, otam bikbik abuka banmek. Bukni, amutuku noutam asik dobuka ulamikce, anyaik dana-dana nirya, weik cang keil poka dobuka, antanapdongamik ning ara, talye karin arye daksakukce, Raja Benhadad, el yin nang dua puluh tujuh ribu (27,000) nang ton, siknibukba dibik. Winibuk bukni, sik deiyoknye, Raja Benhadad bira, asukum arye batakukce, tonok aik pum noutam koprop, wekukce binuka dungnubuk.

Mazmur 83:7

Sik yu nang arye, ninye ona ati, yupu talinyak nang ara, ani. Ara, sik Edom tam unyak nang ap, tonda, Ishmael yala nang ap, daulamik. Tonda, sik Moab tam unyak nang ap, Hagar yala nang ap, tonda, sik Gebal yala nang ap, Amon yala nang ap, Amalek yala nang ap, ‘Neika unamabe,’ nyabuka, nyalin yupu deice arye nyalanmik. Tonda, sik Pilistea mutuku nang ap, weik asik el si ara, Tirus mutuku noutam ulamik nang ap, nyalin yupu deice arye nyalanmik.

Ulangan 29:10

Arup sum arye anggun nirya ara, Israel yala nang ati, yuk-yuk deiyok kiplum nang ap, amutuku talibuka unyak nang ap, tonda yin talina deiyok kibuka unyak nang ap, ninye yala nirya ap ara, anggun bulubuka, anggun si erelulum Allah, el si Yahweh dam yanuka wekmalumba, eipmasile.

Yosua 12:18

Afek mutuku noutam Raja nang ara, tonok-tonok nanguk, talibuka ulamik. Lazaron mutuku babye, ninye deiyoknye Raja ara, tonoknye biryuk taleamuk. Amutuku-amutuku taleamik nang babye, oltakana uk ulamik.

Yosua 13:4

Aning atouk bukni, outam (ara selatan) ulul mutuku ara, aning babye, tuba dopropmanto ulule. Aning babye, sik Kanaan yala ninye arye, taleamikce ulamik. Ton tam ara, Meara mutuku ton aulul bukni, amutuku tuku ara, sik Sidon yala ninye arye, talibuka ulamik. Anyapce dipdongobuka, binamuka ani, Afek mutuku ton aulule. Anyapce ubuka otam ara, sik Amori yala ninye arye, talibuka ulamik mutuku, amutuku wililongolamikak aulule.

Yosua 19:30

Tonda, Uma mutuku ap, Afek mutuku ap, Rehob mutuku ap, amutuku tam arye wiliprobukce, dukdongobuk. Yosua birye, Asyer yala nang ati, bokuka arebuk mutuku yupa ara, pia weik ani. Ara, weik asik ara, dua puluh dua (22) arebuk. Aweik asik dam ara, mitik-mitik asik awamuk ning babye, dobuka ulamik mutuku babye arebuk.

1 Samuel 10:19

Nyabukabukce, ayupu ton dukdongobuka nyabuk. “Allah arye, weik meliamsuk bukni, wini talak ara, anggun Israel nang arye, ‘Nun ninye deiyoknye, Raja ton wipdeipsutuba, nun talipsutue’ tenen, moroplume. Anggun ni Allah arye, anggun kanye imun ning ap, ikin ning ap ulalum noutamak arye, lyepropsuk bukni, ‘Deiyoknye Raja arepsutume,’ nyabuka moropmaluma deice arye, anggun ni Allah, si akunum yanipmalume. Aning moropmaluma ati, anggun ap, anggun mapu ap nirya, anggun yala si ap, anggun bona ap aumunye touk, yuk-yuk kibuka, Allah Yahweh el dam yayululume,” Samuel birye nyabuk.

1 Samuel 29:1

Pilistin ninye arye, dana-dana ulamik mutuku nirya arye, sik yin talen nang nirya, bulupdeibikce, yanuka Afek mutuku uk, bulubuka wekmek. Ara, Israel tam ninye ati, olbinamabe,’ tenepmeka ati, Afek mutuku wekmek. Bukni, sik Israel yala ninye ara, Yizrel mutuku mek pudobuka, balamuka luakuk, tenda aik dobuka wekmek.

1 Samuel 3:11

Nyabukopura, Allah arye nyabuk. “An dinamlyame. Na Yahweh arye, Israel ninye ati, weik mambul ning ton, sik dam winipnyeba, ton nang ara, dinamaniake. Ton nang ara, kekenamniake. Kekebicopura, ‘Se, aning ara, weik mambule’ tenen, ninye kanye lopnamle,” nyabuk.

1 Samuel 4:2

Sik Pilistin yin talin nang nirya arye, ‘Israel mutuku ninye olbinamap’ tenen, akunum mikip dobuka, kintinibikopura, Pilistin nang ap, Israel ninye ap, mal olanmeka ani, Pilistin nang arye, Israel ninye nirya obuka, sirya dakik. Obuka sirya dakikce, Israel sik yin talin nang, yupa pia weik 4.000 nang obik. Ara, amal olanmeka deice arye oplobik.

1 Samuel 5:1

Pilistin nang arye, Allah el nyalin yupu dongobuka deiamik marikna, el si ara Peti Perjanjian, Haezer mutuku arye alubuka doprobikce, sik mutuku koproba Asdod mutuku binuka deibik.

1 Samuel 7:12

Batakikba biyikopura, Samuel birye, keil tonok doprobukce, Misba mutuku ap, Yesana mutuku ap, amutuku wiliba noutamak binuka ikdeibukce, akeil deibuk ning ati, si dobuk. “Akeil si ara, Ebenhaser nyanamabe. Deiyok ara, amutuku asukum ara, Yahweh arye melipsuk atia,” nyabuk. Asisibuk ning ara, sik Ibrani yupu deice ara, ayupu deiyok ara, ‘Allah arye melipsuk ati, keil deibabe,’ nyanyake. Aning ati, asi sibuk.