1 Samuel 3:2 - Eipomek

² Atalak ara, Eli bira, akunum wisi danamuka anya arye, el asing malye ubukba, mitik tonunuk elilamuk. Tonok sum, lukunyan akunum ubukba, atalak-atalak nirya, tonokakuk malamuk touk, asum lukunyan babye, asukumuk mabuk.

1 Samuel 3:2 ပူးပေါင်းရင်းမြစ်များ

Kejadian 27:1

Isak bira, pia wisi akunum dayukba, el asing malye ubukba, teleb ubuka eipmanto kum ulamuk. El asing akunum kuamuka anya arye, ninye urasin kum elilamuk talak, elce min yubuka deibuk mi Esau biti, yukubukba, Esau yayukba, “Na mio,” nyabukba, Esau birye, “Naie, na unmane,” nyabuk.

Kejadian 48:10

Ura, atalak ara Israel el asing akunum malye upnin balamuka anya arye, teleb ubuka kum eipmanto ubuka ati, Yusup birye el mapu bitinye dobuka Israel el dam koprop deibukba, el li koprop arye amapu mutubukce iribuk.

Kejadian 48:19

Yusup birye nyabuka piripdeyuk. Bukni, el li koprop arye nyabuk. “Kume, na ni mio. Na kele. Na mangkau kanye bobuka kum winipne. Min yuma deiplum mi Manasye ara el ton weiknye uplirye, mapu dadeipliba, dadeipdanin balamikca ani, dotalak unamak ninye ara, weik upnin banamake. Winiplirye mitikto mambul unamle bukni, el weit koproba Epraim bira, mambul weiknye unamle. El du koproba, deice tam atonun uplirye, elce deipliba, dadeipdanin balamikca ani, doupnamak ninye ara, ayala-ayala weik upnin banamake.

1 Raja-Raja 14:4

Ayupu nirya akunum nyabukopura, Yerobeam birye nyabuk touk, el kil adiparyuk ayupu kekebukopura, Silo mutuku Ahia dam biyuk. Ura, Ahia bira, akunum wisi danamuk ati ara, ninye yuk nang ton, pia moubuka eipna arye, kum biklamuk.

Mazmur 90:10

Nun kam una ati, keting tamun lo arepsulum ning ara, tujuhpuluh tahunuk (70) kipdeipsulume. Mikip arye unyap nang ara, keting tamun delapan puluh tahun (80) unyabe. Bukni, aunyab talak nirya ara, teleb ton kum unyabe. Kanye imun ning ap, uk din dina deiceuk, upnin balamipya ani, sirya talak ara, ance isin arepsulum ning ara, tamubuka dopropsiminyeura, dibinauk unyabe. Nunce tenenyaba ara, ‘Pia kamuk unamaba,’ tenenyap bukni, minopce dibinyabe.

Penghotbah 12:3

An kam unalam talak ara, mikip weik unalam bukni, akunum wisi daminye talak ara, mikip kum upkilirye, yok birbir anamkile. Winipmanto ara, ninye kam ulamak talak ara, mikip weik arye aik kalikna nang unyak bukni, wisi akunum deibicopura, mikip kum ati apil kum doptinge. Winilamak touk upnamkile. Tonda mikip weiknye ulyam bukni, an wisi akunum danin baminye talak ara, nong mitang kanipnamkile. Tonda, minopa ara, an din weika arye dilamlum bukni, an si nirya lukuka sakilirye, kum upkilye talak ara, an din ning weika arye kum dinamlame. Tonda, wisi daminye talak ara, jendela pum bisik dipdenamlam bukni, asing kupnamkila ati, lakak kum eipdanamlame. Lelim-lelim anamkile.

1 Samuel 2:22

Eli akunum wisi dayuk talak ara, el mapu bitinye, pia malye ulamrik ning ara, Israel ninye arye, aning nirya nyalamikba, kekelamuk. Tonda, Allah el si eren aik, tonda ninye ap, Allah ap, ansinilina nyalamik aik bublan dam melina kilapu, el mapu bitinye arye, akilapu dobuka, sik ap neika malamikba, yuk nang arye eibuka, laka nyalamik. Nyalamikba, Eli kekelamukce, kel kiamuk.

1 Samuel 4:15

Eli bira, akunum wisi danamukce, ulamuk keting tamun yupa, pia weik 98 tahun ulamuka anya arye, el asing babye akunum kuna dakamuk. El asing winibuka kuamuk talak nirya ara, elce pia moubuka kum elilamuk.