1 Samuel 28:24 - Eipomek

²⁴ Winibukopura, akil arye, el sapi basam mi bol teleb ning tonok, el aik arye dobukabukce, adiparyuk obukce, sekuka kintinip deibuk. Tonda, roti dana deiyok ning, gandum teiklamak ning dobuka, roti nena deiyok ning, ragi dongona kumce, eldem memebuka, dabuk.

1 Samuel 28:24 ပူးပေါင်းရင်းမြစ်များ

Kejadian 18:6

Nyapmikba, Abraham arye bikbik abuka biyukce, el cang kain tenda aik dam tamubuka biyukce, Sarah ati nyabuk. “Akilo, roti dana deiyok ning, tepung pia teleb ning ara, 18 liter dobuka, minopce kentinipnulyame. Nun ninye asik nang ati, roti memebuka dapsilyame,” nyabuk.

Lukas 15:23

Winipmunyopura, ‘Weik sum yuna kwalibuka dipnamap’ tenen, weinyaka ak weik arye nebuk sapi basam ara, obuka kwalipnamlulume. Obuka kwalipmunyopura, nun nirya kanye deibibirye, pin-pin asa arye dipnamabe.

Lukas 15:27

Asipdeyukura, amelinanye birye tamubuka nyabuk. “Kume, an weit korop, tunim abuka ani, wini talak ara, akunum teleb arye tamubuka yanmala ati, an ni birye, ‘Sapi basam weik nebuka ara, obuka kwaliplulume,’ nyapmal ati, obuka kwalipmakce wininmake,” nyabuk.

1 Samuel 28:25

Dabukopura, abasam tup ap, aroti ap dobukabukce, Saul ap, el melin nang ap ati, arebukba, sik nirya dibik. Akunum dibukabikce, alukunyan ara, aniryuk tikuka, el aik batakuka bindobik.