1 Samuel 28:21 - Eipomek

²¹ Winibukba, akil arye, Saul dam yanuka dililamakak, Saul ikin weik upmok ning eibukopura, nyabuk. “Naio, an amu tam unye kil ara, ance, ‘Winiplyame,’ nyapmanilam touk, akunum winipmakune. Narye, ‘Malye ning winipniba, opnicak’ tenen, ilil upmanubuk, an moropmanilam touk, akunum melipmakune.

1 Samuel 28:21 ပူးပေါင်းရင်းမြစ်များ

2 Raja-Raja 6:11

Israel nang ara, bikna uk ulamikba, Aram nang sik deiyoknye yu weik ubukce el mapu, sik yin deiyok nang ati bulupdeibukce, “Anggun ton bikilulum do? Yatanye birye ton, Israel ninye sik melina ati, anggun tam akunum batakuka bindobukce, nun nyanmapye ning kekebuka Israel nang dam nyalbalul do?” nyabuka asibuk.

Ayub 13:14

‘Yata ikin ning do nirya ara, na dam yanilya babye, ‘Akunuma aninguk dolonamneʼ tenen, akunum kintinipse. Na nyapnamne yupu deice arye, Allah arye wenebuka opnutua babye, telebe uka. Na kanye ara, ‘Na dibina babye, dadipnamneʼ tenen, akunum kintinipse. Na dibina ara malye.

Hakim-Hakim 12:3

Ati ara, narye anggunti tenepsise ning ara, ‘Sikce yanuka kum melipnamaniyake,’ tenipsise. Ati, sik Amon yala nang arye, nati opnikcopura, ‘Teleb uka,’ tenepsirye, na nong nirya ara, arepse. Utenepsirye, sik Amon yala nang ati mal pibise. Winipsirye, Na tonok ara, dadipnune,’ tenepse. Utenepse bukni, Allah Yahweh arye, nati melipnukba, narye sik Amon yala nang obuka sirya dakse. Ati ara, wini talak anggunda, yata deiyok ati nati malye yupu nyapmanulumce, olyanmanulum do?” Yefta birye, sik Efraim yala nang ati nyabuk.

1 Samuel 19:5

Ara, urdem ati kum nyapne. Daud birye, Goliat opnuyuk talak ara, ‘Pilistinye birye, na onilyak,’ tenena kumce, malye kibuka, talye biyukce, Goliat obuk. Daud birye, anye obuka deice arye, Allah el si Yahweh arye, Israel ninye ati, weika arye meliamukba, sik Pilistin nang weika arye obuka, sirya dakik. Daud ap, Allah ap arye aning winipsirikba, na ni an babye, aning eiplumce, kanye deiamlume. Winyamlum bukni, wini talak ara, yata deiyok ati, ‘Daud opnun,’ tenepmalam do? Daud birye, an dam ton malye kum winikulula anya arye, yata wiripmala ati, opnaman tenepmalam do?” nyabuka asipdeyuk. Yonatan birye, el li Saul biti nyabuk.

1 Samuel 28:20

Nyabukura, Saul birye, ayupu akunum kekebukce, Samuel nyabuk yupu ati, pia ilil weik ubukce, yok sirim talibuk. Winibukopura, adiparyuk tuku deice sakuka, poulbiyuk. Tonda, el mikip nirya babye, mitang dem ubuk. Ara, asum noutamak nirya ap, alukunyan ap, din ton pia kum dipmoka anya arye, el mikip kum ubukce, tukwak sakuka poulbiyuk.

1 Samuel 28:22

Ati ara, na nyapnukin yupu ara, kekepnunilyame. Narye, din ning mitik tonun dem dabuka, arepkinyopura dipnamlyame. Dipmince, mikip upkilyopura, bisik dukdongobuka, binamalyame,” nyabuk.