Winibuk bukni, tonok sum tonap, aning atonun, ninye deiyoknye Raja Ahasia birye, yuk yin talena deiyoknye ap, el mapu lima puluh yin talen nang ap, wipdeibuk. Ayin talena deiyoknye bira, mutuku konak welebanmoka ani, Elia el bukmokak biyukopura, ayin talena deiyoknye, el kutam tuku dipdongobukce, ‘Nabi Elia birye, nati bico tenepnutueʼ tenen, binuka nimalyap arye morobuk. Ayin talena deiyoknye birye nyabuk, “Diba, na kanye arye tenipne. Ance nunti, namin kipsimince, kum opnusilame. Nun nirya ara, an amu tam pil dona melin nanguk unyabe. Nabi Elia, an Allah, el pil dominye nabi ulyame! Na ap, na mapu ap, nun nirya ati, bico tenepsimince, kum opnamasilame na nio.
1 Samuel 26:21 - Eipomek21 Daud birye, ayupu nirya, akunum nyabukopura, Saul birye tamubuka nyabuk, “Se, winira na bikmakine. Narye, akunum malye upse. Na ni mi Daudo, an adiparyuk tamubuka, na dam yanulyame. Ara, narye ton, tuba tamubuka, an dam malye kum kipdeipnamkine. Ara, arup lukunyan ara, ance akunum opmanutum bukni, ance nati ‘Bico,’ tenepmanumce, kum opmanilame. Narye anti, malye upse ning ara, walwal arye upse. Ara, dipkoprob na kanye walwal upmanua deice arye, malye upse,” Saul arye nyabuk. အခန်းကိုကြည့်ပါ။ |
1 Samuel 26:21
16 ပူးပေါင်းရင်းမြစ်များ
Na kele na nio, arup sum like bitinye, weik yin talena deiyok nang bitinye ap, sik mapu yin talen nang seratus (100) nang nirya ara, uku buk im deice arye, akunum dopkwetebuka, opmoa anya arye, na dipkoprob nabi Elia anti moropmakine. Nun ti pia bico tenepsilyame. Nun ona ara, kume na nio,” nyabuka, nimalyap arye, binuka morobuk.
Dipkoprob nyapsine, yata nang do nirya, sikce anggun kan-kan, tonoknye biti, el kam una deiyok ning ara, yo bok deice arye dobuka, kum dektinge. Bona babye, yo bok babye, bona talin ning babye, ninye arye aning nirya dobuka, Allah ati areptinga babye, sik kam una deiyok ning ara, yo bok arye kum dektinge. Aning ara, kum winipmanto.
Yuk nang arye, sik talye kankan ninye ati, ikin ning sik nong deice deibikirye, “Adiparyuk, pil talye dopsululume,” nyabuka, yu yupu deice arye, arukunyakbuk, imun kanye bobuka, unyak ninye nirya ara, el ninye deiyok kibuka, unamlenye birye, amutuku nirya talinamle talak ara, sik aninye nirya ati, lyeproplirye, kanam asa kilinamle. Winipliba, sik unamaka ara, telebuk unamake. Talye kankan ninye nirya ati, weik arye bico tenelula ati, nyapne.
Yahweh arye dopreipmok malaikat arye nyabukura, Bileam birye, tamubuka nyabuk. “Se, na pia malye upmane. Na nio, anda na ban bisik noutamak tikmomce, dana-dana nirya, sekdongobuka wininmanumu ara, ‘Awininmanila deiyok ara, na malye winipmana ati unmanile’ tenen, moubuka kum kel bikmanue. Na mangkau kanye uk, bobuka unmanurye, malye upmane. Bukni, wini talak ara ance, ‘El malye upmanile,’ tenepmanila ara, akunum kel kipmana anya arye, noutam ban bisikuk, na tamubuka binamane,” Bileam birye, nyabuk.
Sik anang dam biyukce ayupu nyabuk. “Se, na ni yapu, ‘Anye bira opnamlum’ tenen, yupu nyalyanmasinye bira, dipkoprop malye ning tonok babye kum winilule. Ati minina yupu nyapsirye, na dipkoprop malye winipse,” nyabuk. Nyabukura, sik anang arye tamubuka nyabik, “Anyapmasilam ning ara, nyana kume, dawaplye. Nun kum tenepnuyabe. Amalye winiplum ning ara, deiyok ara an uka,” nyabik.
Nyabukba, Samuel birye tamubuka, Saul biti nyabuk. “Kume, pia moupmince, unamlyame. Walwal arye, pia malye winipmalame. Nun ni koproba Allah, el si Yahweh arye, ‘Winipnamlulume,’ nyalisulul ning atonun, ance kum winipmalame. Ura, aning kum bukni, an kanye aniryuk tenepmalam ning ara, akunum winipmalame. Allah arye ‘Winipnamlulume,’ nyalisulul ning atonun, akunum winipmatum toura, Allah arye, Israel ninye unamak mutuku noutamak ati, melipkutuba, an ap, an mapu ap, an yala nang ap arye, Israel ninye, sik ninye deiyok nang pia unamtinge.
Nyabukura, Saul birye tamubuka nyabuk. “Kume, ance dipkoprob yupu nyapmanilame. Nara, malye upse. Allah arye, ‘Wininamlyame,’ nyapnuk yupu yanipse. Aning atonun, ance nyapnulum yupu babye yanipse. Winipse ning deiyok ara, na amu tam unyak ninye ati, ilil upnukce, sik nyapnik yupu kekepse. Adeice arye, malye upse.
Nyabukura, Saul birye, tamubuka nyabuk. “Diba, na malye winipmase ati, ance melipniminba, tamubuka binimirye, narye talipse ninye ap, sik deiyok talibuka unyak wisi nang ap, dinmasicak arye, si sipnamnilyame. Ara, an ap, na ap neika, Allah el si erepnaname. ‘Winipnimnyopura, na mutuku nang arye, teleb tenepnamniyak’ tenen, moropkine,” Saul birye, nyabuka morobuk.
Tonda, atalak-atalak nirya ara, Daud bira, Pilistin nang ap, mal olanmana ani, pia winilamikba, Daud elcuk, Pilistin yin telen nang weik tonun obuka, sirya daknin balamuk bukni, Saul el yin talen nang ara, aning atonun kum winilamik. Daud birye, aning winilamuka ati ara, amutuku noutam ulamik ninye nirya arye, Daud el si weik biklamikce, ‘Elda weik mambulnye,’ nyalamik.
Ati ara, na an amu tam unanye birye, anti, ‘Elda weik mambulnyeʼ tenen, kum opmakince, batakmakina atonun, Allah Yahweh arye nati, ‘Elda na tenenanye,’ tenepnuturye, melibuka talipnilirye, melibuka kalikinamnutueʼ tenen, moronune. Tonda, Allah arye nati, ‘Elda, kanye imun weik upliba, ikin weik uplyakʼ tenen, ‘Elce pia kalikuka melinamnilʼ tenen, moronune.
ကြော်ငြာတွေ