1 Samuel 26:12 - Eipomek

¹² Nyabukopura, Daud birye, Saul bolamuk ninye on tombak ap, kendi mek makau ap, Saul el kisok dam deipmok ninguk, dobuka bobirik. Adobuka bobirik ning ara, sik amapmek nang, tonoknye babye ton, aning eibuka kum bikik. Deiyok ara, Allah Yahweh arye, sik anang nirya ati, ‘Maptinge,’ tenebukba, maplukne ning arebukba, maplukmeka anya arye, tonoknye babye, ton kum bikmukce, aning ton eibuka kum bikik.

1 Samuel 26:12 ပူးပေါင်းရင်းမြစ်များ

Kejadian 15:12

Abram birye, aning nirya deipmokce, aunmoka ani, aminyan talak keting kumupnuyuk talak ara, Abram wi weik talibukba, mabuk. Mapmokba, kanye bona pia kum ubukba, weik kuna dakna atonun ap, weik ilil una ap ubuk.

Kejadian 2:21

El bidamnye ati, melipmanto ning kum ati, Allah el si Yahweh arye, el mikip deice arye, Adam ati mapdeibukba, pia kanye bona kumce mabuk. Mapmokbuk, Allah arye, anye el yace yok tonok doprobukce, yace yok dopropmokak ara, tamubuka ansinipdongobuk.

Ester 6:1

Asum lukunyan noutamak nirya ara, ninye deiyoknye Raja ara, manna pia kumce, bukna uk upmok. Bukna uk upmoka ati, elce tamubuka morobuk. “Minop talak dipdongobuka anoutam talak ninye arye ulamik ning nukna buku sekuka deiamik ning ara, dobuka na dam boyalulume. Boyamunyeba, ninye ton abuku yinipliba, nara ninye deiyoknye Raja kekenamane,” nyabuk. Nyabukura, abuku dobuka boyayikba, tonoknye birye yinipre banmokba, ninye deiyoknye Raja kekenmok.

Yesaya 29:10

Aning nirya winipnamlum bukni, deiyok ara ani. Ara, Allah Yahweh arye, anggunti, wimana deiyok ning arepsilyeba, mapluknamlume. Tonda, sik asing kun nang atonun unyak nang, sik nabi-nabi nang nirya ara, Allah arye anggun asing akunum lelipdongopsuk. Tonda, aminyan winipnamle ning eibuka, lak nyan deiyok nang babye, Allah arye anggun asok deice akunum sekdongopsuka ati, sik anang nirya arye, kum melibuka lak nyapnamsinge.

1 Samuel 24:4

Saul bira akeil deiya wekukba, Daud el yin talin nang eibikce, Daud biti nyabik. “Se na nio, nun ni Allah arye minop talak anti nyapdeipkuknye bira, wini talak akunum uple. Allah arye nyapkuke. ‘An mal olan nang dobukapnirye, an dam deipkiniba, opnalam do, bataknalam do, ance tenepminye touk, adiparyuk wininamlyame,’ nyapkuke. Ayupu nyapdeipkuk ning ara, akunuma. ‘Daud opnamne,’ tenekululnye, Raja Saul oupmala atia,” nyabik. Nyabikba, Daud bukukce, yupu nyana kum, tunim abukabukce, Saul unmokak binuka, Saul baju mouse tam kwilikuka doprobuk. Doprobuk buk, Saul kum bikuk anya arye, Daud bira el yin nang dam tamubuka biyuk.

1 Samuel 26:13

Daud bira, sik tenda aik tia dobuka unmek mutuku pata tam arye batakuka, yuk otam mitik tonun yukak mutuku deice, koulukuka biyuk. Ara, Saul el aik dobuka unmoka, pia yukak, ounmokak biyuk.

1 Samuel 26:7

Ati asum lukunyan ara, Daud ap, Abisai ap, kanupdongobuka, tenda domik aik noutam, wekelbirikce eiprik. Ara, Saul bira, el yin telen nang arye domik aik ara, antanap dongobuka aunmek ning, pia anoutamuk mapmokce, ninye olalbana ati, el bolamuk cang tatce kama ara, el kisok deipmoka damuk, tuku ikdeipmok. El mapmokak dana-dana ara, el yin deiyoknye Abnar ap, el amutuku tam yin nang ap, mapmek.