1 Samuel 25:43 - Eipomek

⁴³ Daud bira, min yuma talak arye, Abigail kum domuk talak ara, min yuma Yezreel mutuku kil, yuk kil, el si Ahinoam, akunum domuk. Ati ara, Ahinoam ap, Abigail ap, domuka ati, sik akilapu bitinye ara, Daud el kilapu ulamdik.

1 Samuel 25:43 ပူးပေါင်းရင်းမြစ်များ

Kejadian 2:24

Ati ara, yatanye do nirya, el li koprop ap, el lin koprop ap, sik aik batakuka, el doplye kil ati, kanye deibuka, sik tonok neika unamdake. Sik nong tonok atonun unamdake.

2 Samuel 2:2

Nyabukopura, Daud el kilapu bitinye, Yisrel yala kil, el si Abinoam ap, tonda Karmel mutuku kil, el si Abigail ap, bobiyuk. Abigail bira, Nabal el kil ulamuk bukni, Nabal dibukopura, Daud birye dobuk kil ani.

2 Samuel 3:2

Daud, Hebron mutuku ulamuk talak arye deiamuk mapu ara, adeiamuk atouk, nukuka bikina ati ara, ani. Daud birye domuk kil, el si Ahinoam, elda Yisrel mutuku kil ulamukce, akil arye, Daud el mi Amnon deibuk.

Matius 19:5

Sal ap, kil ap kwepdeiamuk talak ara, Allah arye ayupu nyabuk. ‘Aning ati ara, tonoknye birye el li ap, el lin ap batakuka, el kil doplye talak arye dipdongobuka, dotalak ara, el ap, el kil ap, sikuk neika unamrake. Sikuk ansinibuka neika urikirye, nong tonok atonun unamdake.’ (Kejadian 2:24)

Matius 19:8

Nyabikopura, Yesus arye ila tamubuka sik Farisi nang ati nyabuk. “Anggun apu yapu talima malye uamukba, Allah yupu kum kekelamikce, malyeuk winilamika ati, Musa arye, ayupu nyabuka sekeiamuk. Anggun apu yapu nang malye winilamik touk, anggun wini talak ululum ninye babye, atonun winilulume. Anggun dolulum kil batakalulum ning ara, Allah arye aning-aning nirya kwepdeiyamuk talak ara, sal ap, kil ap dopdanuka, daulamik talak ara, aning kum winilamik bukni, anggun wini talak ululum ninye aryuk winilulume.” Yesus arye, Farisi nang ati nyabuk.

1 Samuel 27:3

Atalak noutam ara, Daud ap, elce domuk kilapu bitinye, Yisreel mutuku kil Ahinoam ap, tonda Karmel mutuku kil Abigail ap, amutuku uk ulamik. Abigail bira, minop talak Nabal domuk bukni, dibuk ati youwak ulamukba, Daud birye domuk kil ani. Aning atonun, Daud el yin talen nang babye, sik ap, sik kilapu ap, sik mapu ap nirya ara, Raja Akhis taleamuk mutuku uk binuka, neika ulamik.

1 Samuel 29:11

Raja Akish birye nyabuka ati, Daud ap, el tam nang ap, mapmeka berekukopura, beren tam koprop arye, sik nirya ara, adiparyuk, Pilistin mutuku tamubuka biyik. Winibikopura, sik Pilistin yin talen nang ara, amutuku batakukabikce, otam Yisreel mutuku biyik.

1 Samuel 30:5

Atalak ara, Daud el kilapu bitinye, sik si ara, Ahinoam ap, Abigail ap ulamdik. Ahinoam bira, Yisreel mutuku kil, ton kil ara Abigail, Karmel mutukunye, el si Nabal domuka dibukba, youwak dakamuk kil ulamuk. Sik Amalek nang arye, Ziklak mutuku malye kibuka, nirya obik talak, abitinye kilapu tomopmekce, ‘Nun mutuku tamubuka bobinamap’ tenen, akunum bindobik.