1 Samuel 25:4 - Eipomek

⁴ Atalak ara, Daud Paran mutuku, mek kum ati, ninye kum ulamik mutuku, pata mutuku binuka, ulamuk talak ara, Nabal el domba basam potong konmok, yuk nang arye, aning eibikce, Daud el dam yanuka, laka nyabikba, Daud kekebuk.

1 Samuel 25:4 ပူးပေါင်းရင်းမြစ်များ

Kejadian 38:13

Sik bitinye bisik banmarik talak ara, yuk nang arye Tamar biti nyabik. “An yamal koproba Yehuda bira, ‘Na domba basam potong kopnamaniyak’ tenen, Timna mutuku bana ati, bisik banmale,” nyabik.

2 Samuel 13:23

Keting tamun bitinye akunum ubukopura, Absalom birye, Bahal-Hasor mutuku, ara Efraim tam noutam uamuk. Absalom el pil melin nang arye, el domba basam potong toun pil donmeka ani, sirya dakna talak ara, weik kwalina kwalibik. Winibukopura, Absalom birye, el kayapu nang nirya ati, Raja Daud elce deiamuk nang nirya ati, “Amutuku yalulume,” nyabuka, yukubuk.

1 Samuel 25:3

Nabal bira, Kalep yala nang arye, deiamikba, Kalep yalanye ulamuk. Nabal el kil ara, el si Abigail, weik kel kil ulamuk. Tonda, akil el urasin ara, pia teleb kil ulamuk. Bukni, el akanye Nabal bira, el kanye tenibuka una ara, pia malye tenen ninguk, tenibuka ulamuk. Tonda, yu weiknye ulamuk.

1 Samuel 25:5

Kekebukce, Daud el melilamik kam nang, Nabal dam Karmel mutuku bana ati, tagu barye nang (10) wipdeibukce, nyabuk. “Nabal dam binululume. Akunum bimunce, Nabal ap epdamunyopura, nyapnamalulume. ‘Anti nun ni koproba Daud birye, ‘Telebe,’ nyapmakile.