1 Samuel 25:2 - Eipomek

² Ura, ninye tonok, el si Nabal, Moan mutuku ulamukce, el bona weik talinanye ulamuk. El tuku ap, bon-bona ap ara, weika arye talilamuk. El taleamuk tuku ara, mutuku si Karmel mutuku uamuk. Nabal el domba basam yupa weik, tiga ribu (3.000) domba weilamuk. Tonda, Nabal el kambing basam ara, yupa weik seribu (1.000) kambing weilamuk. Winilamuk ani, Nabal el domba basam potong kon talak kibukura, Karmel mutuku yanuka unmokba, Daud amutuku yayuk.

1 Samuel 25:2 ပူးပေါင်းရင်းမြစ်များ

Kejadian 13:2

Atalak noutamak ara, Abram el weilamuk ning ayala-ayala weik ap, dekna weik ning emas ap, perak ap, weik akunum dololamuka anya arye, bona weik talinanye ulamuk.

Kejadian 26:13

Winibukopura, Isak birye taleamuk ning, ayala-yala nirya weik upnin balamukba, bona weik talinanye ulamuk.

Kejadian 31:19

Bisik min kum binmek talak ara, Laban arye, ‘Na domba basam potong kolbinaman’ tenen, yuk mutuku biyukba, Rahel birye, el li koprop arye, el aik pum deiamuk isa si eren ning, ubula doprobuk.

Kejadian 32:14

Yakub birye wipdeibuk ning ara, ani. Kil kambing ara, yupa weik 200 kintinibuk. Yim kambing ara, 20 wibuka kintinibuk. Aning atonun domba ara, kil domba 200 ap, yim domba 20 ap, kintinibuk.

Kejadian 38:13

Sik bitinye bisik banmarik talak ara, yuk nang arye Tamar biti nyabik. “An yamal koproba Yehuda bira, ‘Na domba basam potong kopnamaniyak’ tenen, Timna mutuku bana ati, bisik banmale,” nyabik.

2 Samuel 19:32

Barsilai, el ulamuk talak ara, keting tamun yupa weik delapan puluh tahun (80) deice, akunum wisi danamuk. Wisi akunum danamuk, diparyuk yayuke. Minop talak ara, bona utotoa talinanye ulamuka anya arye, Raja Daud Mahanaim mutuku bai tam binuka, ulamuk talak ara, Barsilai birye, minop talak arye Raja Daud, el dina ati, kintinibuka bobinamukce, arelamuk.

Ayub 1:3

Tonda, el pil don nang babye pia weik ulamik. Ulamikce, domba basam yupa tujuh ribu (7.000) ap, unta basam yupa tiga ribu (3.000) ap, tonda keledai basam yupa ara, pamubarye ratus (500) ap, sapi basam yupa ara seribu (1.000) ap, aning nirya talibuka weilamik. Winilamikbuk, sik keting yangan tam ulamik ninye noutamak bona weik nang ton aulamik bukni, el Ayub bira pia weik sisinanye ap, pia telebnye bira, el tonok ulamuk. El atonunye ton kum ulamuk.

Ayub 42:12

Tonda, Ayub minop talak Allah ap neika dukdongobuka, ulamuk anya arye, weik arye meliamukba, mitik bona weik talinanye Ulamuk bukni, atalak arye dipdongobuka, dotalak nirya ara, pia weik arye melilamukba, bona utotoa pia weik talinanye ulamuk. Allah arye tamubuka, aning-aning nirya pununa ati arelamuk. Ara, domba basam yupa weik, odikin barye empat belas ribu (14.000) ap, unta basam yupa weik, enam ribu ap, (6.000), tonda sapi basam dua ribu ap (2.000), tonda keledai basam kil ning, seribu ap (1.000) yupa winibuka arelamuk.

Mazmur 17:14

Na ni Allah Yahweh, an mikip taruk arye, melibuka lyepnilyame. Ara, tukwak mutuku unyak yu nang arye, talye tukwak ninguk pataplyeba, aninguk tenenyak nang arye, malye kipdeipnikcak ati, na nio, ‘Ance lyepropnamnilam’ tenen, moropkine. Na nio, narye moropkine. ‘Ance yu una ap, malye winina ap, talibuka wininyak nang ara, kanye imun weik ning arepnirye wenepnamne,’ teneplumce, sikti, akunum kintiniplum touk, ‘Ayu nang ati, weik tonun wenepnalam’ tenen, moropkine. Tonda, ayu nang, sikce deiamik mapu babye, ‘Ance ikin ning dobuka, sik dam deipminba, imun kanye bobuka unamak’ tenen, moropkine. Tonda, ayu nang arye deiamik mapu, sikce dadeipdanin bakirye, delinamak mapu babye, ‘Imun kanye weik bobuka, unamak’ tenen, moropkine na nio.

Amsal 30:22

Tonok ning ara, ninye amu tam ulirye talye pil melinanye bira, yuk nang arye erepdeiptingba, ninye deiyoknye Raja kiptuura, ninye nirya arye, ‘Se, aning ara yata ati do?’ tenebuka malye kanye bonyake. Bitinye ning ara, ani. Ara, pia walwalnye birye, malye weik upnin balamlirye, ‘Na tenepnye ninguk nirya talye lukparabuka winiptinye,’ tenelirye, el teneplye touk upnin balirye, doproplyopura, yuk ninye nirya arye, ‘Se, aning ara yata ati do?’ tenebuka malye kanye bonyake.

Yosua 15:55

Atonun, weik asik dobuka ulamik ning ap, tonda mitik asik dobuka ulamik ning ap nirya ara, takubarye (10) asik dolamik mutuku si ara, ani. Maon mutuku ap, Karmel mutuku ap, Zif mutuku ap, Yuta mutuku ap, Yisreel mutuku ap, Yokdeam mutuku ap, Zanoa mutuku ap, Kain mutuku ap, Gibea mutuku ap, tonda Timna mutuku ap, winibuka mutuku asikbuk, sik mutuku dem kipdobik.

1 Samuel 15:12

Moronmokce, mapmoka ani, berekukopura, Samuel birye, ‘Beren tam talak Saul ap, epdanamaname’ tenen, el dam binmok bukni, Saul asukum kum unmok. Yuk nang arye nyabik. “Kume, Saul bira, Karmel mutuku akunum bindopmoe. Elce, ‘Na si Saul tuba pia tenenamniyak’ tenen, weik keil dobuka, Karmel mutuku ikdeipnamale. Winiplyopura, anirye, Gilgal mutuku binmale,” nyabik. Nyabikba, Samuel kekebukce, adiparyuk Gilgal mutuku biyuk.

1 Samuel 23:24

Saul nyabukopura, ayanmek ninye ara, Saul el dam arye, batakuka, adiparyuk Zif mutuku tuba tamubuka biyik. Atalak ara, Daud ap, el melibuka balamik yin nang ap, sik nirya ara, Yehuda yala ninye, sik mutuku noutam bukni, dabu tam atonun, arah selatan tam, ninye babye kum mutuku pata mutuku, el si ara, Maon mutuku tuba, unmek.

1 Samuel 30:5

Atalak ara, Daud el kilapu bitinye, sik si ara, Ahinoam ap, Abigail ap ulamdik. Ahinoam bira, Yisreel mutuku kil, ton kil ara Abigail, Karmel mutukunye, el si Nabal domuka dibukba, youwak dakamuk kil ulamuk. Sik Amalek nang arye, Ziklak mutuku malye kibuka, nirya obik talak, abitinye kilapu tomopmekce, ‘Nun mutuku tamubuka bobinamap’ tenen, akunum bindobik.