1 Samuel 25:14 - Eipomek

¹⁴ Sik kintinibuka, bisik tuba banmek talak ara, Nabal el pil melin nang noutamak, tonoknye birye, Nabal el kil Abigail dam binuka laka nyabuk. Abigail dam binuka nyabuk yupu ara, ani. “Nongo, Daud ara, Paran mutuku, mek kumak ati, ninye kum unyakak, pata mutuku ulirye, el pil don nang dopreibukba, nun ni koproba Nabal biti, ‘Teleb yupu nyalbilulume,’ nyapdeibukba, nyalyayik bukni, Nabal birye, sikti, ‘Telebe,’ kum nyabukce, ayupu yanuka, nyapmasik nang ati, nun deiyoknye birye, derebuka wabukba, bindobike,” nyabuk.

1 Samuel 25:14 ပူးပေါင်းရင်းမြစ်များ

Markus 15:29

Yesus wanwanun yo deice deipmekak banmek nang arye, Yesus ati malye yupu nyanmekce, ‘Merekuka onmake’ tenen, taruk duk duklabuka kaisunmek. Kai sunmekce ayupu nyanmek.

1 Samuel 13:10

Bukni, aning nirya Allah ati arebukce, aunmek talak aniryuk, Samuel yayukba, Saul birye Samuel biti binuka, elti, “Telebe,” nyabuka, taruk talibuk.

1 Samuel 15:13

Biyukba, Gilgal mutuku akunum yayukopura, sik bitinye epdarikce, Saul birye, Samuel biti nyabuk. “Ura, Allah arye, ‘Winiplyame,’ nyapnuk touk, akunum pil dopmane. Tonda, ‘Allah arye anti, teleb kibuka melinamkil’ tenen, Allah moropnukine,” nyabuk.

1 Samuel 25:3

Nabal bira, Kalep yala nang arye, deiamikba, Kalep yalanye ulamuk. Nabal el kil ara, el si Abigail, weik kel kil ulamuk. Tonda, akil el urasin ara, pia teleb kil ulamuk. Bukni, el akanye Nabal bira, el kanye tenibuka una ara, pia malye tenen ninguk, tenibuka ulamuk. Tonda, yu weiknye ulamuk.