1 Samuel 24:3 - Eipomek

³ Saul ap el mapu silip ap banmeka ani, abisik kup-kup ara, domba poka domikak biyik. Amutuku dam ara, keil deiya ton awamuk. Saul bira ‘Lin patabuk ati, lin lalbinun’ tenen, akeil deiya pum bisik wekelbiyuk. Saul kum bikmok bukni, Daud ap, el yin talin nang ap ara, akeil deiya amu koproba akunum duknupmek bukni, sikda pia pum kopropak unmek anya arye, Saul kum eibuk.

1 Samuel 24:3 ပူးပေါင်းရင်းမြစ်များ

Mazmur 141:6

Yupu lipsisikuka bokolina deiyok nang arye, amalye winin ninguk talibuka wininyak nang tomobikirye, ‘Anang wenebuka opnamap,’ tenebuka, kintininyak talak ara, sik malye wininyak nang arye, biknamake. Ara, ninye yupu lipsisikuka bokolin talak ara, sikce, ‘Se, dipkoprob, Allah Yahweh arye nyasulul yupu ara, pia diksukumuk ulule. Elce nyalul yupu nirya ara, dipkoprob teleb uka,’ tenen, moubuka biknamake!

Hakim-Hakim 3:24

Akunum bublan tirikdongobuka biyukopura, aminyan talak Eglon el melibuka pil don nang ara, anyaik yayik. Yayikce dinmikba, ninye deiyoknye Raja el alip aik ara, bublan pia tiriklopmok touk upmok. Winipmokba, el pil don nang sikce tenepmeka ara, ‘Raja, elda alip aik pum tam deibar aik tia ati, binmalce unmale,’ tenepmek.

1 Samuel 13:2

Atalak noutamak ara, Saul birye, ‘Anang ara, na yin talin nang unamak’ tenen, Israel ninye yupa weik, tiga ribu (3.000) nang wipdeibuk. Winibukba, dua ribu (2.000) nang ara, Saul el ap Mikmas mutuku biyik. Mikmas mutuku ara, Betel tam noutamak bukni, mutuku kon bukamukak anyuk unmek. Ton seribu (1.000) nang ara, Saul el mi Yonatan ap, Benyamin yala nang ulamik tam bukni, Gibea mutuku biyik. Biyikura, ton yuk nang ara, sik Israel ninye, ayala-yala nirya ati, Saul birye, “Tamubuka, anggun aik koproba uk, yuk-yuk binululume,” nyabukba, sik aik tamubuka biyik.

1 Samuel 26:2

Nyabikura, adiparyuk Saul ap, Israel mutuku yin telen nang, pia teleb-teleb nang, sik melibik nang ara, yupa weik tiga ribu (3.000) yin nang melibikba, ninye kum ulamik pata mutuku, Zif mutuku binuka, ‘Daud opnuyapʼ tenen, Daud biti elbiyik.

1 Samuel 26:3

Saul el tenda aik ara, Hakila mutuku dam deice dobuk. Ara, otam ninye pia kum ulamik pata mutuku uamukak domokce, amutuku balamik bisikak ara, dinauk unmok. Atam ara, yuk nang arye, “Saul bira, anti enmakilce, amutuku bisikak, pia dinmale. Aminyan dobolyanganmakile. Amutuku pata anyuk yanuka unmale,” nyabikba, Daud kekebukce, bikuka anya arye, amutuku pata noutamuk unmok. Amutuku bisik balamik sukum, kum yanganmok.