1 Samuel 24:19 - Eipomek

¹⁹ Yata nang do nirya, sik mal olan nang ati, pia elamica ani, eibicopura, batakikirye, ‘Dabilyame,’ talye nyanyak do? Kume, sik mal olan nang eibicopura, adiparyuk onyake. Wininyak bukni, ance nati, kum opmanuma ati, Allah moropnamkine. Ara, ‘Allah el si Yahweh arye, dengna eripnamkil’ tenen, Allah moronamkine. Deiyok ara, arup ara, ance telebuk kipdeipmanila ati nyapkine.

1 Samuel 24:19 ပူးပေါင်းရင်းမြစ်များ

Mazmur 18:20

Allah arye nati melibuka lyepnukce, tamubuka teleb sukum ninye arye, opmanto kumak yanuka deipnuke. Allah arye nati, kanye deipnuka ati, na mal olan nang dam arye lyepnuke.

Hakim-Hakim 17:2

Tonok sum ara, Mikha birye el lin bak nyabuk. “Nongo, an keil uang dekna weik ning, perak seribu seratus (1.100) wangamtuma anyak, na kekenak arye, ubula dopmatunye biti, an nin birye supmakua ara, na ton kekepse. Bukni, nongo atia. Nongo, an keil uang dekna weik ning, perak ara, narye an keil uang dekna weik ning perak, ubula dopropmakunu ning ara, tamubuka arepkine,” nyabuk. Nyabukopura, Mikha el lin birye tamubuka nyabuk. “Kume, ubula dopropnulum bukni, ila tamubuka arepmanilama ati ara, na mi anda ‘Nun ni koproba Allah Yahweh arye, pia teleb updeipkiliba, pia telebuk unamlameʼ tenen, Allah moronamkine,” nyabuk.

Rut 2:12

Ati ara, an kanye lon pil dopnin yangalyam ning nirya ati ara, Allah el si Yahweh aryuk dekna weik ning arepnamkile. Ayam mapu ara ilil upliba, ‘Nun nin irinamsil’ tenen, el dam yakiba, kil ayam arye el mapu el pol amu tam irilamle touk, anda, ‘Allah arye kalikuka melinamnil’ tenen, amutuku yanmalame. Ara, ‘Israel ninye sik ni koprop Allah, el si Yahweh arye, melibuka kalikinamnile’ tenen, amutuku yanmalama anya arye, ‘Allah arye, dekna weik arye arenamkil’ tenen, nyapkine,” Boas birye nyabuk.

1 Samuel 23:17

Yonatan birye Daud biti, binuka nyabuk, “An ilil una kume, na ni Saul bira, anti eipkilirye, tomobuka kum opnamkile. Ara, dipkoprop, elce anti, akunum bikuke, Israel ninye, sik deiyoknye bira, ancuk kipmince, sik talipnamlame. Winipminba, an amu tam melinanye bira, na unamne. Tonda, na ni Saul, aning akunum bikamuk bukni, ‘Lik,’ tenelule,” nyabuka, Yonatan birye, Daud el talima melin yupu ati, nyabuk.

1 Samuel 23:21

Nyabikbuk, Saul birye tamubuka, sik anang ati nyabuk. “Anggunce nati, weik tonun melipmanuluma ati ara, ‘Allah Yahweh arye, sikti, weik tonun melipnamleʼ tenen, moronamsine,” nyabuk.

1 Samuel 26:23

Tonda, moubuka tenipnulyame. Allah Yahweh arye, yatanye do nirya ara, elda, diksukum telebuk ukirye, batakna kumce, el yupu moubuka talibikirye, elti, dobolbanyak nang, sik dengna ati ara, melilirye, teleb kililule. Aning ara, arup lukunyan ara, na deiyoknye, anda Allah Yahweh arye dobuka, na taruk deice deipmanuba, narye, ‘Kume, Allah Yahweh arye, ‘Anye Raja unamleʼ tenen, akunum wipdeiamuknye biti, narye malye kum uptinyeʼ tenen, an kum opmakunue.

1 Samuel 26:25

Nyabukura, Saul birye Daud biti, tamubuka nyabuk, “Allah Yahweh arye, na mi atonunye anti, ‘Teleb kipdeipnamkilʼ tenen, moronmakine. Winipkiliba, an pil donamlama nirya ara, nonguk upkilirye, pia telebuk unamkile,” nyabuk. Ayupu nirya akunum sisikdikopura, Daud adiparyuk, el bisikuk dukdongobuka biyuk. Atalakuk, Saul bira tamubuka, el asik Israel mutuku noutamuk biyuk.