1 Samuel 24:17 - Eipomek

¹⁷ “Anda dipkoprob diksukum ulyam bukni, na uk ara malyeuk unune. Ance nati teleb kibuka ulilamnulum bukni, narye anda, malye kililamkise.

1 Samuel 24:17 ပူးပေါင်းရင်းမြစ်များ

Kejadian 38:26

Dopdeipbukba, Yehuda dobuka, dipdeyukce, mambul kanye bobuka, ‘Se, aning ara, na ninguk ulule’ tenen, bikuk. Bikukce nyabuk. “Se, nun bitinye malye winipnumu bukni, narye akil ati, na mi Shela kum arepsa ati, nara weik malye winipse bukni, el tonok ara, mitik malyeuk winibuke,” nyabuk. Nyabukce, tuba tamubuka tonap, akil pia neika kum malamrik. Sik neika kum malamrik.

Mazmur 37:6

Yuk nang arye anggunti, deiyok kum upmasilibuk, lululan yupu deice arye, ‘Sik malye unyake,’ nyabuka, ikin ning anggun nong deice delinamsiak bukni, anggunce Allah ati, diba tenepmunyopura, aminyan talak anggunce diksukumuk winilulum ning nirya ara, Allah arye lakak kipdeipnamsile. Winipsilyopura, yuk ninye nirya arye, ‘Se, sikda dipkoprob teleb nanguk unyake’ tenen, biknamake. Winipmanto ara, keting duk-duk talak, keting mil pia weika arye ulamle touk, aminyan talak Allah arye, anggun teleb umunye ning lakak kipsiliba, ninye nirya arye eibikirye, kel biknamake. Anggunce telebuk winilamlumba, yuk nang arye, diba kum tenelamsiki bukni, aminyan talak Allah arye, anggun teleb winilamunye ning nirya ati, lakak kipdeipnamle talak ara, ninye nirya arye, kel biknamake.

Keluaran 9:27

Winibukba, Firaun birye Musa ap, Harun ap ati, yukubuk. Sik yarikura, Firaun birye nyabuk. “Wini talak ara, narye malye upmane. Allah arye ikin ning, na deice deipmanil ning ara, dipkoprob telebuk upmanile. Bukni na ap, na amu tam unyak ninye ap arye, malye wininyabe.

Matius 27:4

Sik anang dam biyukce ayupu nyabuk. “Se, na ni yapu, ‘Anye bira opnamlum’ tenen, yupu nyalyanmasinye bira, dipkoprop malye ning tonok babye kum winilule. Ati minina yupu nyapsirye, na dipkoprop malye winipse,” nyabuk. Nyabukura, sik anang arye tamubuka nyabik, “Anyapmasilam ning ara, nyana kume, dawaplye. Nun kum tenepnuyabe. Amalye winiplum ning ara, deiyok ara an uka,” nyabik.

Matius 5:44

Bukni, na wini talak nyapsin yupu ara, ani. Anggun oldalamlum nang ati, bico tenebuka melinamlulume. Anggun nong deice ikin ning deililamsiyak nang ati, ‘Allah arye aninye lyepnamle’ tenen, moronamlulume.

1 Samuel 26:17

Daud birye, nyabuka asipdeyukura, Saul bira, Daud yupu nyanmoka kekebukce, ‘E, ayupu nyanmalanye bira, Daud aunmalce nyapmasileʼ tenen, bikuk. Bikukce, tamubuka nyabuk. “Anda na mi Daud birye, ayupu nyanmasilam do?” nyabuka asipdeyuk. Asibukba, Daud birye, “Yo na deiyoknye, narye nyanmana,” nyabuk.

1 Samuel 26:21

Daud birye, ayupu nirya, akunum nyabukopura, Saul birye tamubuka nyabuk, “Se, winira na bikmakine. Narye, akunum malye upse. Na ni mi Daudo, an adiparyuk tamubuka, na dam yanulyame. Ara, narye ton, tuba tamubuka, an dam malye kum kipdeipnamkine. Ara, arup lukunyan ara, ance akunum opmanutum bukni, ance nati ‘Bico,’ tenepmanumce, kum opmanilame. Narye anti, malye upse ning ara, walwal arye upse. Ara, dipkoprob na kanye walwal upmanua deice arye, malye upse,” Saul arye nyabuk.