1 Samuel 23:19 - Eipomek

¹⁹ Daud bira, amutuku uk ulamuka ani, Zif mutuku nang arye, Saul ap, Gibea mutuku arye epdayikce nyabik. “Na nio, Daud bira, nun tam Hores mutuku noutam bukni, Akhila mutuku kon deice, mutuku dam keil deia duknubukce, binuka ulule. El ululak ara, Yehuda yala ninye, sik mutuku kon tam, amutuku ara, dabu tam (arah selatan) mutuku ulule,” nyabuka, lak nyabik.

1 Samuel 23:19 ပူးပေါင်းရင်းမြစ်များ

Amsal 29:12

Tonda, ninye deiyok talibuka, pemerintah deiyok nang arye, minina yupu ap, tilila yupu ap talye lukparabuka nyanyak nang arye nyanyak yupu kekebikirye, “E, na kayapu nang ati telebe,” nyabikirye, atilila yupu nyanyak nang ati, kinamakura, sik amu tam pil don nang pegawai nang nirya babye, atonun tilila yupu nyalakirye, malyeuk ubuka unamake.

1 Samuel 24:1

Ura yuk talak ara, Saul ap, el yin bon nang ap arye, Pilistin ninye olana ati, warikil balamik ani, aminyan talak tamubuka yayik. Yayikopura, yuk nang arye, Saul biti, “Daud bira mek ap, ninye ap kum mutuku, mutuku si En-Gedi mutuku ulule,” nyabuka laka nyabikba, Saul kekebuk.

1 Samuel 26:1

Tonok sum ton, Zif mutuku ninye arye, Saul Gibea mutuku ulamukak, yayikce nyabik. “Daud bira, Yehuda yala ninye, Hakila mutuku dam eitam bukni, utam ara, Yesimon mutuku bukukak, duknubuka unmale,” nyabik.

1 Samuel 26:3

Saul el tenda aik ara, Hakila mutuku dam deice dobuk. Ara, otam ninye pia kum ulamik pata mutuku uamukak domokce, amutuku balamik bisikak ara, dinauk unmok. Atam ara, yuk nang arye, “Saul bira, anti enmakilce, amutuku bisikak, pia dinmale. Aminyan dobolyanganmakile. Amutuku pata anyuk yanuka unmale,” nyabikba, Daud kekebukce, bikuka anya arye, amutuku pata noutamuk unmok. Amutuku bisik balamik sukum, kum yanganmok.