1 Samuel 21:2 - Eipomek

² Nyabukba, Daud birye tamubuka, Allah el aik pum tam pil donanye, Ahimelek biti nyabuk. “Nara, nun ninye deiyoknye, Raja Saul birye, nati ikin yupu arepnukce, nyapnuk. ‘Yuk nang kekenak ton, ayupu ap, narye nyapkiniba, pil donalam ning ap ati, laka nyana meme. Duknubuka binuka, pil donalyame,’ nyapnuke. Ati ara, talye diamuk dopdeipnuka ati, ‘An tonok ati, epdananam’ tenen, yanmane. Na melin nang ton, an dam neika kum yanmabe. Na melin nang ati, ‘Anggunda, omutuku binuka unmamunyebuk, aminyan talak na yanamne. Omutuku uk epdanamabe,’ nyapse,” Daud birye nyabuk.

1 Samuel 21:2 ပူးပေါင်းရင်းမြစ်များ

Kejadian 27:20

Yakub arye, nyabukba, Isak arye, nyabuk. “Na mio, aburu tam kam ulye ning ara, yata wiribuka arye, pola minopce kalikil binmaumce, aning eipmalam do?” nyabuk. Nyabukba Yakub arye, “Kume, na nio, ance pia si erelyam Allah, el si Yahweh arye, melipmanuba, minopce aning eibuka opmanurye, yubuka boyanmakine,” nyabuk.

Kejadian 27:24

Isak birye, nyabuk. “Anda dipkoprob na mi Esau ulyam do?” nyapdeyukura, Yakop birye, “Diba, na unmane,” nyabuka, tilila yupu nyabuk.

1 Raja-Raja 13:18

Nyabukopura, Betel mutuku ulamuk nabi, wisinye birye tamubuka, Yehuda mutuku ulamuk nabi ati, tilila yupu nyabuka ara, “Na babye nabi unune. An uminye touk, na babye unune. Allah el im deice pil donanye, Malaikat arye, na dam yanuka, nyapdeipmanilce, ‘Anye bira bobinuka, an aik boyanulyame,’ nyapmanile. Ati ara, anda na aik din neika dipnuname,” nyabuka, tenepce, tilila yupu deice nyabuk.

Nehemia 11:32

Anatot ap, Nob ap, Ananya ap,

Mazmur 119:29

Aning atonun, na diksukum bisik batakuka, malye bisik kirikuka banmanye talak ara, ancuk na dobuka, yuk pera kilinamnilyame. Winipniminya deice, ance pia teleb ubuka winin ninguk, peterepniminba, ance, “Aning ara, wininamlulume. Aning ara, pia kum wininamlulume,” nyapdeiamsulum yupu uk, talibuka wininamne. Ara, ancuk bico tenepnimince, ‘Teleb winin ninguk peterenamnilam’ tenen, morokunune.

Mazmur 141:3

Se na ni Yahweh, ‘Nara, mangkau arye, malye winipnyak’ tenen, ance moubuka kalikniminba, ‘Na si deice arye, malye yupu tonok babye, talye karin arye kum nyanamne’ tenen, moropkine. Diba na ni Allah, ‘Na si deice arye, malye yupu nyapnyak’ tenen, ance kalekuka melipnamnilame na nio.

Yesaya 10:32

Asum babye, Asyur mutuku yin nang ara, Nob mutuku yanuka unmake. Unmakce, sik taruk pinibuka, Yerusalem mutuku weik asik unyak nang ati, taruk kitibuka piplunamake. Ara, Sion mutuku deiceuk unmak nang ati, ‘Anggun moubuka dilulume! Anggun Yerusalem mutuku weik asik unmalum nang ati, nun minopce yanuka opnuyapʼ tenen, winipnamake.

Galatia 2:12

Peterus ara, Yahudi yalanye ulul bukni, nun dam yayukce, nun ap, yuk yala ninye, Yahudi yala kum ninye ap, neika ulamubu talak ara, Peterus bira, ‘Anang ap neika dina ara malye kume’ tenebukce, talye mangkau asa Yahudi yala kum ninye ap, neika ansinibuka din dilamik. Anang ap din neika dilamik bukni, aminyan ara yuk Yahudi yala nang, Yerusalem mutuku ululnye, el si Yakobus dam arye yayik talak ara, Peterus birye, ‘Se, anang arye nati, “Elda Yahudi yala kum ninye ap neika dinmaka ara, pia malye ulule,” nyabuka, malye tenepnicak’ tenen, Peterus birye Yahudi yala kum ninye dam batakuka yukak leibuka bindobuk. Peterus birye anang batakuka, yukak leibuka biyuka deiyok ara, sik Yahudi yala ninye arye den bola mouse sekenyak ninye anya arye, ‘Sik den bola mouse sekna kum ninye ara, malye nang,’ tenekirye, neika kum unyake. Tonda, neika kum dinyake. Ati Peterus birye utenebuk. Se, na ap, Yahudi kum ninye ap neika ansinibuka dibibyopura, sik Yahudi yala ninye, nun dam winiryuk yanmasiak nang arye nati, ‘Elda malye wininanye, tenepnicak’ tenen, ilil ubukba, Yahudi yala nang ara batakuka yukak leibuka bindobuk.

Kolose 3:9

Tonda, anggunce anggun kayapu ati, tilila yupu talye nyaplobuka kum nyalanamlulume. Amalye winin ning nirya kum wininamluma deiyok ara, nyapnusine. Tonok ning ara ani. Ninye arye sik minop baju pun deiplyopura, kwiriltaklamak touk, minop talak anggun kanye talima pia malye ulamsukba, malye-malye ulalum ning akunum bataklume.

1 Samuel 19:17

Eibikce, awinipmuk ning tamubuka, lak nyalyayikba, Saul bikukce, Mikhal biti nyabuk. “Diba ance, nati kwinisa dopmanilama ara, yata ati do? Na mal olan nang ara, ance melipmalamba, bindopmale. Yata deiyok ati, tilila yupu deice arye, duknupmanilam do?” nyabuk. Nyabukba, Mikhal birye tamubuka, Saul biti nyabuk, “Kume na nie, na kanye birye nyapmanue. ‘Ance kum melipniminba, kum moupniminyopura, dipkoprob anuk opnamakine,’ nyapmanuba, narye namin kipmanuba binmale,” nyabuk.

1 Samuel 21:3

Nyabukce, ayupu ton nyabuk. “Ati ara, yatato din ning aupmakil do? Aupmalyopura, din ning roti pamubarye arepnilyame. Aning kum uplyopura, yata ning do, aupmalye ninguk arepnilyame,” nyabuk.

1 Samuel 22:22

Nyabukopura, Daud birye, Abiyatar biti nyabuk. “Se, dipkoprob nyaplame. Minop talak ara, Ahimelek ap, na ap, yupu talipmanumu sum ara, Edom mutukunye, Doeg ton, dinmasukak eipmase. Anye eipse talak ara, akunum tenepse. ‘Anye bira, dipkoprob Raja Saul dam, laka nyalbinamlarya’ tenepse. Utenepse bukni, anye kum tomopsa anya arye, an ni koprop Ahimelek ap, el bona nirya ap, Saul birye nyapdeibukba opmaka ara, deiyok narye. Ati ara, sik aopmakba dipmak nang nirya ara, sik ining, na nong deice upmanile. Ati ara, narye sikti, yuk sum arye kwang daknamne,” nyabuk.

1 Samuel 22:9

Nyabuk talak ara, tonok Edom yalanye, el si Doeg, elda Saul el amu tam pil don nang kan-kan, abinuka tikmokce, nyabuk. “Naio, Isai birye deiamuk mi Daud bira, eipse. El Daud bira, Ahitub el mi Ahimelek, Nob mutuku ululak yayukba, eipse. Ahimelek bira, Allah el yupu lak nyananye ulule.