1 Samuel 20:6 - Eipomek

⁶ Bai daunmanye talak noutamak ara, an ni birye, ‘Daud dan do?’ nyabuka, asipdekilyopura, ance, ‘Kume, Daud bira, mikip asa arye moropnukba, narye, ‘Telebe dabilyame,’ nyapmase. Daud birye, nyapnuke. ‘Na mutuku koproba, Betlehem ara, na yala nang nirya arye, aketing tamun, aketing tamun nirya noutamak, Allah el si erena ati, kam tuba ulamle ning obuka, Allah ati arenamake. Aning ati, na minopce Betlehem mutuku tamubuka binamane,’ nyabuka moropnukba, ‘Dabilyame,’ nyapsiba biyuke,’ nyapnamalyame.” Daud birye, Yonatan biti nyabuk.

1 Samuel 20:6 ပူးပေါင်းရင်းမြစ်များ

Yohanes 7:42

Allah yupu sekamsika noutamak arye yata nyasulul do? ‘Ninye Lyena Deiyoknye, Kristus yanamle,’ nyanyaknye bira, ‘Daud el yala nang arye deipnamake.’ Tonda, ‘Nun apu Daud, el ulamuk mutuku koprop, Betlehem mutuku arye yanamsile,’ nyalula anya arye, anye Yesus ara, yata wiribuka Kristus uptu do? Aning ara kume,” nyabik.

Ulangan 12:5

Amutuku ninye winilamak touk kum bukni, anggun Israel ninye ara, Allah arye el si erenak ati, ‘Asukum binuka wekenamlulume,’ nyabuka, laka nyapnamsilak anyuk, amutuku uk binuka, el si erenamlulume. Allah arye, ‘Aunamnak anye’ tenyamukce, wibuka nyapnamsilak ara, amutuku unamle. Asukumuk anggunce binuka wekmunce, elti, kibuka, el si diamuk erenamlulume. Yuk ning ati si erena pia meme.

1 Samuel 17:58

Yayukopura, Saul birye tamubuka, Daud biti asipdeyuk, “Winiryuk nepmalamnye, anda yatanye birye deiamkuk do? Anda, yatanye mi ulyam do?” nyabuka asibuk. Nyabuka asibukba, Daud birye, tamubuka nyabuk. “Na ni bira, an amu tam ululnye, el si Isai, elda Betlehem mutukunye birye deipnuke,” nyabuk.

1 Samuel 20:28

Asipdeyukura, Yonatan birye, Saul biti kunusa dobuka nyabuk. “Kume na nio, Daud birye, ‘Se, ance telebe ur nyapniminba, na mutuku Betlehem tamubuka bitinye’ nyabuka, pia pi dobuka, moropnuke.

1 Samuel 9:12

Nyabuka asipderikba, akilapu arye tamubuka nyabik. “Yo, anye bira aunmale. Anggun yangarum talakuk, el menekuka banmala ati ara, minopce aminyan binamdurume. Arup ara, Allah el si erena ati, nun mutuku nang arye, kam ning obuka, omutuku deice arepnuyaka ati, el winiryuk banmale. Ati, anggun minopce birurume.