1 Samuel 20:41 - Eipomek

⁴¹ Ami akunum biyukba, Daud bira, el duknulbinmokak, weik keil deiyok arye tikuk. Daud tikukce, Yonatan dam yayukopura, Yonatan si erena ati, kisok kanupdongobuka gutam tuku dipdongobuk. Aning ara, like winilye deice arye, tuba tonap winibuk. Winibukba, Daud ap, Yonatan ap, asok melekuka mutupdarikce, engelanmarik ani, Daud bira, pia weik arye engenmok.

1 Samuel 20:41 ပူးပေါင်းရင်းမြစ်များ

Kejadian 29:11

Arebukce, Rahel biti taruk talibuka engenmok.

Kejadian 29:13

Rahel birye, el li Laban biti, “An mi Yakub yanmale,” nyabukura, kekebukce, ‘Epdanunam’ tenen, bikbik abuka, Yakub dam yayukce, “Telebe,” nyabuka iribukce, taruk talibuk. Taruk talipdarikura, Laban birye Yakub bobuka, el aik koproba bobiyukba, Yakub birye, el wininmok ning nirya laka nyabuk.

Kejadian 33:4

Yakub birye winipmok bukni, Esau birye, el weit koproba Yakub eibukce, bikbik abuka yayuk. Yayukce epdarikura, Esau birye, Yakub biti iribukce, mutubuk. Kipdarikce, sik bitinye nang engepdarik.

Kejadian 42:6

Ura, sik dekelbiyik talak noutamak ara, Yusup birye Mesir mutuku talina deiyoknye, Gubenur atonun ulamukce, amutuku noutamak ulamik ninye nirya ati, sik jagung duk do, gandum duk do, kedelai duk do, aning atonun ning nirya dekelamuk. Apil dolamuka anya arye, el du yapu talye mangkau kanye bobuka, el dam yayikopura, ‘Aweiknye biti kisal dopnuyap’ tenen, sik kisok tukwak tam kanupdongobikce, bulyayik.

Kejadian 43:28

Nyabuka asipdeyukura, sikce, “Nun ni koproba babye, an melinanye bitonun ulule. Elda tuba telebuk ulule,” nyabukabikce, el kina ati, sik nong kanupdongobikce kibik.

Kejadian 45:15

Tonda Yusup birye, el du yapu nirya ati, mutubukce, engenauk unmok. Anirya akunum winibukopura, el ap, el du yapu nirya ap, yupu sisikinmek.

2 Samuel 1:2

Like bitinye akunum mabukopura, like winilye sum ara, Saul el tamnye yin talinanye tonok, imun kanye bopmuka anya arye, el baju kwiliklobukce, el kisok deice, atu sice likdeipdayukce, Daud dam yayukopura, gutam tuku diprongobuka, Daud biti kibuk.

2 Samuel 1:26

Ati, na ni ka Yonatano, anti teninmakina arye, kanye imun upnile. Ance nati, weik arye, ‘Bico,’ tenelamnulum atonun, narye anti, weik arye, ‘Bico,’ tenelamkise. Ara, sik nang susuk kanye delilalamaka atonun, tenepkise. Sal arye, kilapu ati weik arye, kanye delilamak bukni, aning ara mitike, nara weik arye kanye deiamkise.

2 Samuel 14:4

Kekebukura, akil adiparyuk, ninye deiyoknye Raja Daud damak biyukce, kutam tuku dukdongobuka kibukce, akil arye nyabuk. “Na ni anda, na weik deiyoknye ulyame. Ati, ance na melipnamanilama ati, anyaka yanuka moropkine,” nyabuk.

2 Samuel 19:39

Nyabukba, aninye nirya, Yordan mek koubuka, otam mutuku banmek. Sik nirya banmekbuk, aminyan talak ara, Raja Daud el babye, sirya binuyuk talak ara, Barsilai ati, ‘Telebe, Allah arye melinamkile,’ nyabukce, el urasinak mutubuka, melekdobukura, el aik tamubuka biyuk.

2 Samuel 9:6

Nyabukba, boyayikopura, Saul mi Yonatan birye deiamuknye, el si Mefiboset, Daud dam yayukce, Daud el si erena ati, gutam tuku diprongobuka, kisok lungnupdongobuka kibuk. Kibukba, Daud tuba tamubuka, nyabuk. “Anda Mefiboset do?” nyabukba, anye birye, “Diba nara, an amu tamnye, aunun atia,” Mefiboset birye nyabuk.

1 Raja-Raja 1:16

Atalak ara, Batsyeba birye, Raja Daud el si erebuka kina ati, el dam binuka kutam tuku dipdongobuk. Winibukba, Raja Daud elce Batsyeba biti asipdeyuk, “Anda, ‘Se, na deiyoknye Daud birye, yata wiripnutueʼ tenen, patanmakil ati, na dam yanmalam do?” nyabuk.

1 Raja-Raja 1:23

Ayayuk ning ara, ninye yuk nang arye, Raja Daud el dam biyikce, “Nabi Natan bira, akunum yanmale,” nyabik. Nyabikura, Batsyeba minopce aik dam biyuk. Bai tam biyukura, nabi Natan punubuka, Raja Daud dam biyuk. Wekelbiyukopura, Daud el si erebuka kina ati, Natan el kutam tuku dipdongobuka, kisok kanupdongobukce, Raja dam bukuk.

1 Raja-Raja 1:31

Nyabukopura, Batsyeba birye Raja Daud si erena ati, kutam tuku diprongobuka, tukwak kanupdongobukce nyabuk. “Se, Raja Daud, anda na deiyoknye ulyame. Na patanilye ara nyapnukine. Ara, ‘Anda kam tuba pia unalam’ tenen, patanulule,” nyabuk.

Rasul 20:37

Allah morobukura, sik anang nirya arye Paulus elti, bico tenebikce, “Telebe dabilyame,” nyabuka iribikce engenmek.

1 Samuel 10:1

‘Ninye deiyoknye, Raja unamle’ tenen, Samuel birye Saul biti, wipdeibuk. Tonda, atalak sik Israel ninye ulamik touk, Samuel birye, zaitun yo duk, mek teleb cang makau arye, libuka deiamika dobukabukce, Saul kisok deice dikeibukce, Saul biti, taruk talibukce, ‘Telebe, akunum teleb kipdeipkine,’ nyabukce, amutuku nang ulamik touk, Saul mutubuk. Samuel winibukce nyabuk. “Allah el si Yahweh arye, Israel ninye, sik ninye deiyoknye kina ati, akunum wipdeiamkuke. Ance Israel ninye ati, sik ninye deiyoknye, Raja kipmince, talipnamlyame. Aning ati ara, aminyak mek an kisok deice dikeipmakina ara, Allah arye bikilina ati, narye an kisok deice dikeipmakine,” nyabuk.

1 Samuel 18:3

Yonatan ap, Daud ap, kanye deipdarik ning ara, Yonatan birye, Daud biti, nyabuk. “An nong ara, na nong atonun ulyame,’ tenekuna anya arye, na talima arenulule. Narye anti, pia bico tenekuna anya arye, anti pia kanye deipkine. Ati ara, nun neika pia melipdanimirye, teleb kibuka unamname,” nyabuka, nyalin yupu nyapdarik.

1 Samuel 20:40

Amitik mi, Yonatan dam tamubuka yayukba, Yonatan birye ami ati, el yin ap, mal ap arebukce, nyabuk. “Winira aning dobuka, ninye asik tamubuka bilyame,” nyabuk.

1 Samuel 24:9

“Raja Saul, yuk nang arye anti, ‘Daud birye anti malye kanye bokulule. Elce dipkoprob malye upnamkile,’ nyakinyak talak ara, yata ati anang yupu kekelyam do?

1 Samuel 25:23

Daud aninguk, tenebuka banmok talak ara, Abigail birye, Daud akunum eibuk. Eibukopura, el keledai basam balye deice bukmoka batakuka, tukwak koulukukce, ‘Daud si erepnun’ tenen, Daud tikmokak, binuka dipnin biyuk.