1 Samuel 20:33 - Eipomek

³³ Asipdeyukura, Saul birye, el cang yo taca keten, el si tombak dobukabukce, ‘Na mi Yonatan opnaman’ tenen, Yonatan dam dobuka, opmanto ubuk. Winibuka deice arye, Yonatan bikuk. ‘Kume, dipkoprop, na ni birye, ‘Daud opnamne,’ tenelule.’ Yonatan birye, aning moubuka, tenebukce bikuk.

1 Samuel 20:33 ပူးပေါင်းရင်းမြစ်များ

1 Raja-Raja 11:40

Nyabukopura, aminyan talak ara, Yerobeam birye, ‘Amutuku nirya na uk talipnamne,’ tenelamuk bukni, Salomo aning kel bikukce, yu ubukba, ‘Yerobeam piribuka opnun,’ tenebukce, Yerobeam oplobuk bukni, Yerobeam adiparyuk bikbik abuka, Mesir mutuku biyukba, Salomo birye anye kum obuk. Yerobeam bira, Mesir mutuku biyukce, ninye deiyoknye el si ara Sisak ulamukak biyukba, sik neika ulamdik ani, aminyan talak ara Salomo dibuk.

1 Samuel 18:11

Wininmokba, Saul birye, tenebuk, ‘Adiparyuk, cang tace kama donoknirye, Daud bukmalak, abilinga ap labuka marapnune,’ tenebukce, like bitinye mal dobukba, adiparyuk Daud bira, kisikdobukba, abilinga uk, bisik abuk.

1 Samuel 19:10

Nyanmokbuk, Saul birye, cang kama taice dobukabukce, ‘Daud opnaman’ tenen, donokuk bukni, Daud memepdobukba, abilinga ak bikilbiyuk. Winibukba, alukunyan noutamak Daud adiparyuk Saul aik batakuka, bai sakuka biyuk.

1 Samuel 20:34

Kel kibukce, yu weik ubukopura, anyaik batakukabukce, aning-aning nirya, dina kum diparyuk batakuka biyuk. Ati, winiryuk wala ati kwalya, like bitinye sum ara, sik ap neika kum dibik. Deiyok ara, el li birye Daud biti, pia malye weik nyapmoka anya arye, ikin kanye bobukce, alye ubukba, bindobuk. Ara, ‘Na ni Saul birye, Daud opnamle ning ara, yata ati do?’ tenen, bouku sukubukba, anyaik batakuka biyuk.

1 Samuel 20:7

Nyabuka ayupu ton nyabuk. “Nyapminba, an ni birye, ‘Telebe,’ ur nyapkilyopura, adeice arye na kel biknamne. Nara, ‘Telebuk unamne’ tenepnamne. Bukni, anyapmakin yupu nyapminba, an ni koproba, Saul birye yu uplyopura, adeice arye kel biknamne. ‘Dipkoprop elce opnamnil’ tenen, kel biknamne.