1 Samuel 20:3 - Eipomek

³ Nyabuk bukni, Daud birye, “Allah el si deice arye nyapkine. An ni birye, akunum kel bikuke. Ance nati bico tenenilyamce, kanye delinilyame. Ati ara, na kanye ara, elce akunum tenelule. ‘Kume, na mi Yonatan biti, Daud opnamne ning ara, kum laka nyapnamne. ‘Aning kekeplyopura, el ilil kanye boplyakʼ tenen ati, elti, lak kum nyapnamne, akunum,’ tenelule, tenepne. Ati ara, na dipkoprob nyapkine, an ap nun ni koproba Allah ap, kam tuba ururume. Aning dib ulul touk, teniltona kum unulule. Na dipkoprob kel bikse. Saul birye opnamnil anya arye, na dipna dam upnile,” Daud birye Yonatan biti nyabuk.

1 Samuel 20:3 ပူးပေါင်းရင်းမြစ်များ

2 Samuel 15:21

Daud arye nyabuk bukni, anye Itai birye, tamubuka nyabuk. “Kume na nio, dipkoprop, Allah el pia kamuk ululnye. Tonda, an babye na deiyoknye unimince, tuba kam ulyame. Ati na ni, an weiknye banuminye talak ara, na babye neika banamaname. Nara, an amu tam pil melibuka donanye ununa anya arye, banmanimiba, yuk nang arye opnicopura, dipna babye teleb uka. Na patapmanil ning ara, an ap banuka,” nyabuk.

2 Raja-Raja 2:2

Sik bitinye banmarik talak ara, Elia birye Elisa biti, “Anda aulyame. Nara Allah el si Yahweh arye, ‘Betel mutuku binulyame,’ nyapmanila atia,” nyabuk. Nyabuk bukni, Elisa birye tamubuka nyabuk. “Kume na nio, tuba melipnamakine. Kum bataknamakine. Aning ara, talye kum nyapkine. Allah el si Yahweh, pia kamnye, el si deice arye, nyapkine. Tonda, Allah ara pia dipkoprob tuba kam unamle. Tonda, an babye tuba kam unamlame. Ati, adeice arye, narye dib nyapkine. An ap, melibuka binaname,” nyabuk. Nyabukura, sik neika Betel mutuku koulukuka birik.

2 Raja-Raja 2:4

Elia birye, Elisa biti nyabuk, “Nara Allah el si Yahweh arye, ‘Yeriko mutuku bilyame,’ nyapmanila ati, binune. Bukni, anda aulyame,” nyabuk. Nyabuk bukni, Elisa birye tamubuka nyabuk, “Anda tuba kam unmalame. Aning ara dib ulye touk, dib yupu nyapkine. Tonda Allah ara, pia kam ulinye. Aning ara dib ulye touk, dib yupu nyapkine. Ati ara, Allah el si deice arye, nyapkine. An batakuka na yukak kum binune. Na melipkineba, neika Yeriko mutuku binamaname,” nyabukura, sik neika birik.

2 Raja-Raja 2:6

Nyabukura, atalak aryuk, Elia birye Elisa biti nyabuk. “Anda aulyame. Nara, Allah el si Yahweh arye, ‘Yordan mekin yanulyame,’ nyapmanila ati, binune,” nyabuk. Nyabukura, Elisa birye tamubuka nyabuk. “Anda tuba kam unmalame. Aning ara dib ulye touk, dib yupu nyapkine. Tonda Allah ara, pia kam ulinye. Aning ara dib ulye touk, dib yupu nyapkine. Ati ara, Allah el si deice arye, nyapkine. An batakuka na yukak kum binune. Na melipkineba, neika Yordan mekin binamaname,” nyabukura, sik neika birik.

Mazmur 116:3

Tapu koubikiba, kum lopmanto ulamle touk, upnukbuk, nara dipmanto wamse bukni, Allah arye lobuka lyepropnukba, kam unune. Dipmanto upse talak ara, ‘Dipnun do?’ tenen, ilil weik upnukce, na kanye talima weik arye uk dipnuke.

Yeremia 38:16

Ayupu nyabukopura, Raja Zedeikia kekebukce, mur-mur alamak yupu atonun arye, Yeremia biti nyabuk. “Kume, na dipkoprob nyapkine. Nun ni koproba Allah, Kam Una Deiyoknye birye, nun bitinye kam una deiyok ning ap, isin ap areamsukba, kam unyame. Elda, pia kam unamle ati, el si deice arye nyapkine. Allah arye, anti nyapdeipkuk yupu, laka nyapniminyopura, narye anti, kum opnamkine. Tonda, narye, ‘Yuk nang arye, anye bira wenebuka optinge’ tenen, kum nyapnamne. Narye anti, yuk nang kum arepnamkine,” nyabuk.

Yeremia 4:2

Winimunce, na Allah si deice arye, “Dipkoprob uk unamabe,” nyapmunce, Nun ni koproba Allah, pia kam ulye touk, elce nyapsilye yupu nirya babye, pia dipkoprob uk ulule. Ati nun babye teleb diksukum una ap, tonda tilila yupu nyana ap, kum nyanamabe,” nyabuka, antonun winipmunyopura, yuk mutuku nirya unyak nang arye, anggunti eibuka biksikceura, sikce nati, “Naio, nun ton melipsilyame,” nyabuka moropnamake. Winibuka morobikceura, na Allah arye sik ayuk mutuku nang ati, melibuka teleb kipdeipnamne. Winipnyeba, sikce nati, na si pia erenamniyake. Allah arye nyabuk.

Ulangan 28:66

Anggun aunamlum talak nirya ara, ikin ninguk yasiliba, pia imun kanye bobuka unamlume. Keting noutam babye, lukunyan babye, ‘Se, dipnamap do, opnamsiak do?’ tenen, ililuk usilyebuk, unamlume.

Ulangan 6:13

Amutuku unamlum talak nirya ara, anggunce anggun ni koproba Allah, el si Yahweh ati, ‘Se, elda pia mambule, el siuk erenamabe,’ tenenamlulume. Allah ati el si erebuka, el amu tamuk namin asa arye unamlulume. Tonda, anggunce, ‘Wininamne,’ nyabuka, nyalin yupu deice nyanamlum talak ara, Allah el siuk erebuka, ‘Dipkoprop wininamne,’ nyabuka, nyalin yupu nyanamlume. Yuknye si ton, kum nyanamlume.

Ibrani 6:16

Ura, Allah arye el si ap, tabakuka nyabuk ning ara, deiyok ani. Ara, anggun kele. Ninye arye, “Wininamabe,” nyabikce talak ara, yuk nang kekebikirye, ‘Dip do, tilila do?’ tenebikirye, ‘Yupu deice wapdacak’ tenen, yupu sekelongona ati, weik si ap tabakuka nyanyake. ‘Amambul si deice arye nyapsine,’ nyanyake. Weik si ap deice arye nyabikcopura, sik kekece ninye yupu walana kum diparyuk, weik si ap kekekca deice ara, ‘E, aning ara, pia dib nyapmasiyake,’ tenebikirye, diba tenenyake.

1 Samuel 1:26

Hana birye, Eli biti nyabuk. “Na nio, anda na deiyoknye atonun ulyame. An arye nati tuba tenepnulum do? Dipkoprop, na anyaik noutamak yan tikuka, Allah el si Yahweh ati morolamsiba, elilamnulum kil ara, natia.

1 Samuel 17:55

Atalak ara, Saul dinmokba, Daud bira, ‘Pilistin nang Goliat opnunʼ tenen, el dam biyukba, Saul eibuk. Daud biyukce, Goliat obukopura, Saul eibukce, Saul birye, yin nang sik deiyoknye Abnar biti, asibukce nyabuk, “Apnero, Pilistin nang Goliat opmonye bira, elda yatanye birye deiamuk mi ulul do?” nyabuka, asipdeyuk. Asibukba, Abnar birye tamubuka nyabuk. “Na deiyoknye Raja, anda mambul weiknye, kam ulyama anya arye, talye kum nyaptinye. Dipkoprop nyapne. Anye bira, na bikina kumnye binya arye, el li koproba si ara, na walwale,” nyabuk.

1 Samuel 20:2

Asipdeyukura, Yonatan birye tamubuka nyabuk. “Kume na kwito, anyapmanilam touk, nyana kume. Na dipkoprob nyapkine, an opkiliba kum dipnalame. Ati biknalyame. Na ni birye, winilye ning nirya ara, weik arye tenena babye, mitik tonun arye tenelye ning babye, na ton lak nyanulule. Nati, min kum nyapmanilye talak ara, tonok pil babye, kum dolule. Ati ara, anyabuk yupu ara, na dam min kum nyapmanila anya arye, yata deiyok ati ato ning duknupmanil do? Aning pia kum winipnamle. Na kum nyapmanila ati, na kanye ara, anda dipkoprob kum opnamkile,” nyabuk.

1 Samuel 20:4

Nyabukba, Yonatan birye tamubuka, Daud biti nyabuk. “Ati ara, ance talima pum tam arye, ‘Se,’ tenepmalamce, teniplam touk nyapniminba, an patapmakil ninguk dipkoprob melibuka arenamkine,” nyabuk.

1 Samuel 25:26

“Ati ara, na deiyoknye, an ni koproba Allah, el si Yahweh arye, ‘Namin asa arye, ninye oplyak’ tenen, kalikmakilba, minopce ninye kum oplopmalame. Ara, ance teleb yupu, na akanye biti nyapmomba, elce dib kum tenepmakirye, malye yupu uk, nyapmakua ati ara, an taruk koproba arye, anye kwang dakuka, kum oplopmalame. Nun ni Allah, el si Yahweh ara, dipkoprob Kam Una Deiyoknye ulule. An babye, tuba kam ulyame. Ayupu bitinye, dib nyapman atonun, anyapnukin yupu, ‘Dipkoprop winipnamle’ tenen, Allah moronune. Ara, yata nang do nirya, ‘Daud optibye,’ tenenyak nang nirya ati, ara, ‘Allah arye wenepnamle’ tenen, ‘Se,’ tenepne. Ara, na akanye Nabal biti, Allah arye, Nabal wenepnamle touk, anti yaniltakinyak nang babye, ‘Allah arye weneptu’ tenen, nyapkine.

1 Samuel 27:1

Daud el kanye pum tam, tenibuk noutam arye, atonun nyapdayuk. ‘Kume, dan talak do, na walwal bukni, na kanye ara, aminyan talak arye, Raja Saul birye, ‘Anye optenyeʼ tenen, pia dobonamnile. Ati ara, yata teleb winin ning uptinyeʼ do, kuma. Nara, sik Pilistin ninye unyak mutuku noutamuk, panabuka bindopnirye, duknubuka, sik mutuku noutamuk upnyopura, Raja Saul birye, tuba kum epnamnile. Elce, Israel ninye unyak mutuku noutam arye, ‘Anye Daud opnamneʼ tenen, tuba kum enamnila anya arye, ‘Yuk mutuku noutam arye, talye kanye bobuka, telebuk uptinye,’ tenebuk.