Raja Salomo birye, Abyatar el imam pil dolamuk ning ara, “Ila tonap apil pia kum donamlame,” nyabuka, apil dona ara, yupu sekuk. Ara, min talak Allah elce, ‘Imam Eli birye deibukba, dadeipdanin banamak nang, Silo mutuku unamak nang ara, sik imam pil dona ara, kum daneipnamne,’ nyapdeiamuk touk, Salomo birye, apil dobuk deice arye, Allah anyapdeiamuk ning ara, nong laka kibuk.
1 Samuel 2:36 - Eipomek36 Winibuka unamla anya arye, winiplyopura, Eli an yala nang arye, na wipdeipnye nang dam bikirye, el kina ati, gutam tuku dipdongobuka, moronamake. Sikce, ‘Se nun kwit, nun din patana weik anya arye, din ning dekuka diptibye’ tenen, dekna weik ning, perak ton arepsutumba, din ning dekuka diptibye. Akumopura, roti din ning, mitik kwal deipmatum ning babye, arepsutumba diptibye. Tonda, Allah el aik pil ton, bokuka arepsutumba, apil doptibya deice arye, dengna ning dobuka, nun din dekuka diptibye. Kumopura, ‘Urdemuk unmabe,’ nyabuka, moronamake. Ara, na wipnamnanye, el dam binuka moropnamna ati, nyapne. Allah arye Eli biti, nyabuka, laka nyabuk. အခန်းကိုကြည့်ပါ။ |
1 Samuel 2:36
9 ပူးပေါင်းရင်းမြစ်များ
Atalak ara, Allah el si eren aik bukni, talye-talye mutuku deice welebuka, kam ning bobuka uku dongolbalamik imam nang nirya ara, Yerusalem mutuku noutam domik aik, Allah Yahweh el si eren aik dipkoprob dam pala keil yangap deiamikak binuka kam ning obuka kum arelamik. Yerusalem mutuku noutam, teleb imam nang arye, Allah el si Yahweh, el si erena ati, kam un ning obuka arelyangalamikak dipkoprob ara, sik malye imam nang arye, yanuka kum arelamik. Anyaik pum tam kum weklamik bukni, amalye imam nang ap, dipkoprob teleb winin imam nang ap arye, roti kwaning, weik kina kum ning dobuka, neika dilamik.
Aminyan sirya talak ara, malye wininanye birye, teleb ubuka diksukum ululnye, el dam yalyopura, el kisok kanupdongoplirye, anye biti kinamle. Aning atonun, ninye yuk nang nirya ati, tuba-tuba derebuka, malye ulilulnye bira, teleb ubuka unyak ninye, sik aik bublan dam binuka buklirye, kisok kanupdongobuka bulbilirye, anang ati kinamake. Aning nirya ara, Allah el yupu noutamak arye nyalamsuk touk upnamle.
Anggunce nyamunye yupu ara ani. ‘Se, nunce aning nirya dobuka, arelyangalamububa, lik usulule. Allah Yahweh ati, el si erena ap, el amu tam una ap, el yupu moubuka kekena ap ara, ikin usulula ati ara, nun walwale,’ nyalulume. Tonda, narye anggunti, ‘Wininamlulume, aning ara kum wininamlulume. Malye ning ani, teleb ning ani,’ nyapdeiamsise yupu ati, anggunce, ‘Kume, aning ara, ikin asa aniryuk kekebuka dobolbanyaba anya arye, nun like,’ tenemunce, ayupu nirya batakalulume. Na Allah Yahweh, aning-aning nirya talibuka, im deice yin talin malaikat, sik deiyoknye birye nyapsine. Narye nyapsine, anggun ton teneipdelulume. Anggunce, na arena ati, nong bol malye kam un ning bobuka, arelyanganumunye ning ara, teleb do, malye do? Ara, kam ulul ning ubula dolomunye ning ap, yok kwalilamle ning ap, uk dilamle ning ap bobuka, nati arelyanganululume. Winimunye bukni, anggunce tenemunya ara, ‘Aning ara, Allah Yahweh arye dolosululce, kanye deipnamsile,’ tenelulum do? Na Allah Yahweh arye nyapsine. Anggun malye winilulum ning kilina ati, ato malye kam un ning doproptinirye, anggun malye winimunye ning namin kibuka, lyepropsitinye do? Kume, ara kum winipmanto.
Nyabukura, Mikha birye anye biti nyabuk, na ap, neika asukumuk unaname. Ulamnimirye, anda na ninye deiyok yupu lipsisikuka nyananye ap, imam pil dona ap ati unamnilame. Aning winipminyopura, narye anti keil uang, dekna weik ning, takubarye (10) perak, aketing tamun, aketing tamun nirya ara, pia arenamkine. Tonda, an ongopnalam baju ap, an patapnamkil din ning ap nirya ara, naryuk arenamkine,” nyabuka morobuk.
Winipyopura, na aik pil dona deiyoknye bira, yuknye ton wibuka erepdeipniba, nati moubuka pil donamnile. Na kanye talima noutamak tenenye touk, awinipnamnanye birye, aninguk moubuka wininamle. Tonok ning babye, kum bataknamle. Winiplyeopura, narye el yala nang ati, kalikuka melipnyopura, el deipkiridop nang nirya, telebuk unamake. Ereipnamnanye birye, na si eren aik pum tam, pil tuba donamlak ara, narye wipdeipniba, ninye deiyoknye dam unamle.
Samuel bira kamnye ulamuk talak arye, Allah el si Yahweh biti, el pil moubuka dolamuk. Atalak ara, Yahweh arye, el aik pil dona deiyoknye, Eli ulamuka anya arye, Samuel bira, Eli el amu tam ubuka pil dolamuk. Atalak noutam ara, Allah Yahweh arye, ninye ati, el yupu weika arye, kum nyalamukba, el yupu laka nyan nang arye, mitikto aryuk kekelamik. Aning atonun, Allah arepliba, lengdar mabica deice arye, elilamak ning ton, mitik anun aryuk arelamuba, mitik aryuk elilamik.
ကြော်ငြာတွေ