Nyabuka anya arye, atalak arye dipdongobuka, keting tamun tekbarye deice arye, Yakub birye, ‘Rahel dopnamne’ tenen, Laban el piluk talye dolamuk. Yakub arye Rahel biti, ‘Pia dopnamne,’ tenelamukce, weik kanye deiamuka anya arye, ‘Se, keting tamun yupa weik, pil donune,’ pia kum tenelamuk. El kanye ara, ‘Kume atekbarye keting tamun ara, na ikine kume. Ara, sumu winilyeto, dumbaryeto ulule,’ tenelamuk.
1 Samuel 18:23 - Eipomek23 Saul el amu tam pil don nang arye, Daud kekenak binuka, ayupu lak nyabikba, ayupu kekebukopura, Daud birye tamubuka nyabuk. “Anggunce nati ara, ‘Ninye deiyoknye Raja, el yamal una ara, kanam ning ulula ati, Raja Saul kilmu ara, pola talye mangkau dopnamle,’ tenepmalumce, nyapmanulum do? Bukni, nara, dipkoprob talye bona ton kumnye unune. Nara, deiyok ton una kumnye ununa ati, ayupu nyapmanulum ning ara, ‘Kanam aryuk winiptinye,’ pia kum tenenune,” Daud birye nyabuk. အခန်းကိုကြည့်ပါ။ |
1 Samuel 18:23
12 ပူးပေါင်းရင်းမြစ်များ
Kil tappua ap, anggun si erena ati, urdem arena ning ap ara, anggun tenepmunye touk, weik arye moropnutuma babye, teleb uka. Anggunce nyapnutum touk, aning ara arenamsine. Bukni, tonok ninguk ara, moropsine. ‘Akil arepnutumba doptinye’ tenen, moropsine.” Sikem birye, Yakub ap, el mapu ap ati, nyabuka morobuk.
Nara, pia mitik mambulnye unune. Tonda, yuk ninye arye nati, ‘Elda talinye ulule. Elda mambulnye kume, talinye koproba ulule,’ teneninyake. Nara, mambulnye kuma bukni, ance, “Aninguk wininamlulume. Aning ara, kum wininamlulume. Teleb winina ara, ani,” nyalisilyam yupu ara, pia kum luba kinune. An yupu ara, pia teninauk unune.
Bona utotoa talina kum unyak ninye nirya ati ara, sik kayapu neika mining damak unyak ninye nirya arye, ‘Aninye ara na kayapu koprop’ tenen, “Nun aik weklulume. Neika dina dibibirye, yupu talinamabe,” nyabuka kum yukulonyake. Aning kum bukni, bona utotoa talina kum ninye, sik mining damak unyak ninye arye, “Sikda nun like ati, nun damak arye bindoplulume. Nun damak una kume,” nyabuka batakanyake. Bukni, bona weik talin nang ati ara, aning-aning nirya weik weinyaka anya arye, yuk nang nirya arye, ‘Se, anang ap eipdabirye, neika yupu sisikinmabiba, nun kayapu nang kekepsitinge’ tenen, kanye deibuka sik aik damak yanganyake.
Yatanye do, el kayapu nang, sik neika unamak ninye ati malye ubiceura, wenena kumce, ‘Yo dauplye’ tenen, teleb yupu uk nyalulnye bira, dipkoprob el kayapu nang, sik nong youna ati, elce tapu wena atonun webuka kintinililule. Elce wenena yupu ap, lipsisikuka nyana yupu ap, kum nyaplyopura, el kayapu nang arye, tuba malyeuk upnin balamica ani, aminyan talak ara, ikin weik upnamle.
Na kayapu, na mambul yupu nyapnuna ara, kekepnululume. Nun ni Allah arye bico pia weike tenesulule deice arye, el mapu kilisulule. Winisilye ara, talye kume. Dipkoprop Allah arye el mapu kilisulula ati, dipkoprop el mapu unyabe. Talya unyak ninye ara, Yesus diba kum tenebika ati, sikce nunti ning ara, ‘Sikda Allah el mapu unyake’ tenen, diba kum tenesinyake. Sik babye Allah mapu dipkoprop diba tenebuka kum unyake.
Nyabukopura, Daud birye tamubuka, nyabuk. “Se na ni Rajao, nara, yata tonye ununa ati, ayupu nyapnilam do? Nara, weiknye kume. Tonda, na ni ap, nun mapu silip nirya ap, na ni el yala nang ara, talye bona ton kum ninye unyabe. Nun nirya ara, mambul ninye kume. Tonda, nara, talye melinanye ununa ati, nara, weiknye kum ununa ati, an kilmu kum doptinye. An yamal kum kiptinye, tenepne,” Daud birye nyabuk.
Nyabukopura, atalak aryuk, Saul bira, el aik pum pil don nang nirya ati, tenepce, yupu ton nyabuk. “Anggunce, mangkau kanye bobuka bimunce, Daud el kekenak binuka, nyapnamalum yupu ara, ani. ‘Ninye deiyoknye Raja Saul ap, el amu tam pil don nang ap, sik nirya ara, anti kanye deilikinyake. Atalak ara, Raja Saul el kilmu uk dopnamle,’ tenepmakiyaka ati, “Anda el yamal unalame,” nyabuka, “El kekenak binuka nyapnamlume,” nyapdeibuk.
Nyabukura, Saul birye tamubuka nyabuk, “Se na nie, nara, Benyamin yalanye bitia. Ura, an kele, Israel mutuku noutam ara, ninye yala weik ton aunyak bukni, nun Benyamin yala ara, ninye mitik tonunuk unyabe. Nunda, weik mambul kume. Tonda, nun mapu silip ara, Benyamin yala ninye arye, tenesinyaka ara, ‘Sikda talye bona ton kum ninye mambul kume,’ tenesinyake. Ati na nie, aning ara, yata deiyok ati nyapnilam do?” Saul birye nyabuk.
ကြော်ငြာတွေ