1 Samuel 17:39 - Eipomek

³⁹ Winibukopura, Daud birye, aolana ati cang parang ya dobuka, akat baju deice kikipdongobuk. Winibukopura, sik ongolamak baju kat ning ap, kat topi ap, cang parang ap, nirya ongobuka, ‘Bisik bitinye do?’ tenen, bikbik abuka, bindeyuk bukni, Daud sakdebuka, binmanto kum ubuk. Ikin weik ubuk ati, Daud birye Saul biti, nyabuk. “Olana ati, ongolamak ning ara, kat baju ap, topi ap ara, min talak ton kum ongonune arye, binmanto kum upnile,” nyabukce, aolan talak ongolamak ning ara, anirya kwiriplobuk.

1 Samuel 17:39 ပူးပေါင်းရင်းမြစ်များ

Hosea 1:7

“Na Allah arye, Israel yala ninye ati, bico tenebuka kum melinamne bukni, sik Yehuda mutuku unyak ninye ara, bico tenebuka lyelonamne. Nara, anggun ni koproba, Allah Yahweh arye nyapne. Sik Yehuda tam unyak ninye arye, sik mal oldan ninye ati, malye kipnamake. Ara, kuda basam deice bukuka binarye mal oldana ap, parang ya arye ona ap, yuk mutuku yin talin nang arye melibuka, on deice arye kume. Na Allah mikip arye sikti, melipnamna deice aryuk, anggun oldan ninye nirya, malye kipnamne.” Allah arye nyabuk.

Zakaria 4:6

Amalaikat arye, na Zakaria biti, nyapnuke. “Anda, ninye si Zerubabel dam binuka, elti, Allah Yahweh arye, nyapdeibuk yupu ara laka nyapnulyame,” nyapnuke. Ara, ance elti, nyapnalam yupu ara, ani. “Zerubabel an teleb winipnamlam ning ara, an mutuku yin talen nang, sik mikip weik deice arye, mambul pil kum dopnamlame. Aning atonun, ancuk mikip deice arye, kum winipnamlame. Aning kum bukni, na Allah Yahweh arye, na mikip weik ulul Pia Teleb, Lek Dip Kanye, el mikip weik, an deice deipkiniba, aning aryuk, narye, ‘Anye apil dopnamnile,’ tenepkise mambul ning ara, winipnamlame. Nara, Allah Yahweh, im deice unyak yin talen malaikat nirya, sik deiyoknye ununa ati, anyapmakin yupu ara, dipkoprob nong upnamlarya!

1 Samuel 17:38

Nyabukce, Saul birye mal olalbana ati, ongon baju kat ning ara, el ning koproba, Daud biti arebukce, ongopdeibuk. Tonda, Saul birye, kat topi, kat ning el si tembaga arye, wiamik ning, Daud el kisok kalupdeibuk.

1 Samuel 17:40

Aikin kat ning ongolamak ning, kwiriplobuk talak ara, adiparyuk el basam weilamukce, bolamuk kama dobuka, bobukopura, mek pum tam keil duk pinilamle ning, pamubarye dobukabukce, el domba basam weilamukce, bolamuk aling pum bisik libuka bobuk. Tonda, akeil deibuka, dopnamuk ning, benemna atonun ning, el si ara umban, el taruk deice bobukopura, Pilistin weiknye, Goliat dam biyuk.