1 Samuel 17:18 - Eipomek

¹⁸ Aning atonun, kambing basam moum yung arye, memebik din, el si keju, takubarye ara, (10) bobinuka, yin talen nang, sik yupa weik seribu (1.000), sik yupu nyana deiyoknye, el dam bobinuka arepnulyame. Winipminyopura, an du yapu ati, ‘Sikda yata wiribuka unyak do?’ tenen, sik deiyoknye asipdenulyame. Asipdeminyeba, tonda, sik ap epdamunyopura, sik wininyak ning nirya bikminyopura, na dam tamubuka, lak nyalyanunilyame. Nyapniminyopura, narye, ‘Wini talak ara, akunuma, el du yapu dam binuka, eipmal ning ara, teleb aryuk unyakba, eipmalce, yanuka lak nyapnile,’ tenepnamne.

1 Samuel 17:18 ပူးပေါင်းရင်းမြစ်များ

Kejadian 37:13

Daulamik bukni, aminyan talak Yakub birye, Yusup biti nyabuk. “An kele, an du yapu arye, na domba nirya bobuka, Sikem mutuku dam bobiyikba, omutuku uk maning dinmake. Ati, ‘Teleb unmak do?’ tenen, dopdeipkiniba, dilbilyame,” nyabukura, Yusup kekebukce, “Telebe,” nyabuk.

Kejadian 37:14

Nyabukura, el li birye, “An du yapu ap, sikce weinyak domba ap, ‘Nirya teleb unmak do?’ tenen, dipdemince, na kekena ati, tamubuka nyalyanamnilyame,” nyabuk. Nyabukce dopdeibukura, Yusup birye, amutuku Hebron lyu mutuku bisibukce, batakuka biyuk.

Ester 2:11

Tonda Mordekai birye, el kilmu Ester biti, ‘El urasin yata wiripnamle do? Anyaik nang ap, kilapu ap arye, Ester biti, teleb kibuka melinyak do?’ tenen, amutuku ninye deiyoknye, el aik dam tuba-tuba asilbalamukce, ‘Ester ap, sik wel kilapu nirya ara, yata ning wiripnamak do?’ tenen, asilelamuk.

Ayub 10:10

Ance na ni akunum kel bikamlumce, meliamlumba, el pil domuka deice arye, na nin mun pum tam arye na nong kintinyamnulume. Tonda, ance na nin mun pum arye, na nong wamnuk ning nirya kintinyamnulumce, mikip kipdeiamnulume.

Keluaran 18:7

Ayupu Musa dam laka nyabikba, kekebukopura, tia ati baju arye dolamik aik, bai tam biyukce, ‘Na yamal binyab epdananamʼ tenen, Yitro yanganmok bisik dam biyukce, sik nirya epdayik. Akunum epdayikopura, Musa birye, el yamal koproba Yitro el dam yayukce, ‘Kipnun tenen, ngang kanupdongobukce, Yitro iribuka mutubuk. Tonda, Musa ap, Yitro ap, sik mamum asipdarikce, “Teleb ulyam do, uk ton dikulul do?” nyabuka, asipdarikopura, sik anirya Musa el baju bola arye dolamik aik pum tam wekik.

Rasul 15:36

Aminyan talak, Paulus arye Barnabas ati nyabuk. “Nun bitinye binuname. Nun bitinye nang arye Yesus yupu peterelanumu mutuku nirya, tamubuka binimirye, ‘Sikda yata wiribuka unmak do? Teleb ubuka diba tuba tenenyak do? kum do?’ tenen, dipdenaname. Uruna kipdanuka peterelbinaname,” Paulus arye Barnabas ati nyabuk.

Hakim-Hakim 18:15

Nyabika ati, sik Dan yala nang arye, atalak aryuk Mikha aik dam biyik. Anyaik noutam babye, Lewi yala welnye ton aulamuk. Ulamukba, sik apamubarye nang arye elti, “Telebe,” nyabikce yanuka, yupu talipmek.

1 Samuel 16:20

Ayupu binuka nyabikba, Isai kekebukce, el keledai basam tonok dobukabukce, akeledai deice, roti kwaning ap, anggur du mek ning tonok ap, tonda, kambing basam kam kipman tapu koupmok ning ap, akeledai deice deibuk. Aning nirya kintinibuka dopreibukba, el mi Daud birye, aning bobuka, Saul dam bobiyuk.

1 Samuel 17:19

Ura, Isai birye, ayupu nyabuk talak ara, Daud el du yapu ap, sik Israel ninye deiyoknye, Raja Saul ap, el yin talen nang ap ara, mutuku si, Ela mutuku noutam bukni, tonok lyu noutam unmek. Unmekce, sik Israel yin talen nang nirya arye, sik mal olan nang, Pilistin nang dam binuka, ‘Olbinape,’ tenepmekce, kintininmek. Ton sum ton olanmeka ani, ton sum ton talye unmek.

1 Samuel 25:5

Kekebukce, Daud el melilamik kam nang, Nabal dam Karmel mutuku bana ati, tagu barye nang (10) wipdeibukce, nyabuk. “Nabal dam binululume. Akunum bimunce, Nabal ap epdamunyopura, nyapnamalulume. ‘Anti nun ni koproba Daud birye, ‘Telebe,’ nyapmakile.

1 Samuel 30:21

Nyapra banmekce, Daud nong tamubukce, sik kwit capu mitang ubuk nang, Besor mekin kup-kup wilibuka, bataka binmekak, unmik nang yupa, dua ratus (200) nang ulamikakuk, tamubuka yayik. Ara, Besor mekin dam ulamik nang arye, Daud deiyok kibuka, tamubuka yanganmikce, eibikura, “Telebe anggun tamubuka yalume,” nyabuka, winilinmek. Wininmikba, Daud el deiyok kinak arye, abatakuka binamik nang ati, “Telebe, nun tamubuka yanmabe,” nyabuk.