1 Samuel 15:20 - Eipomek

²⁰ Nyabuk bukni, Saul birye, tamubuka Samuel biti nyabuk. “Diba. Nara, nimalyap asa arye, Allah nyamnuk touk bisirye, Amalek ninye nirya, obuka sirya dakse. Winipse bukni, Amalek ninye, sik ninye deiyoknye, Agag bira, bataksirye, dobuka boyase.

1 Samuel 15:20 ပူးပေါင်းရင်းမြစ်များ

Ayub 33:9

Ance ayupu nyapmome. “Kume, nara Allah elce nyapdeipsuk yupu kum yaninune. Nara, diksukum telebuk unune,” nyabuka, laka nyanmalumak akunum kekenmase. “Anggunce dipdetuma babye, nara lekuka malye uwinin ning ton kum wininuna ati, malye winin ning ara, ton kum eipnalume. Nara telebuk unune,” nyabuka, laka nyapmaluma, akunum kekenmase.

Ayub 34:5

Arup ara, nun ka Ayub birye nyapsue. Elce, “Nara malye winin ning ton, pia kum wininune. Bukni, Allah arye nati, diksukum kibuka, yupu kum bokolinulule. Na deice ara, diksukum teleb un ning ton kum arenulule,” nyapmoe.

Ayub 40:8

Narye ninye nirya ati, yupu bokolinun yupu ara, ance deiyok ton aupmala ati, yanipniminyak do? Adeice anti, ‘Yuk nang arye nati, elda dipkopropnye, tenepniting,’ tenepmalamce, na nyanye yupu ara, yanipmalam do? Tonda ance, ‘Allah arye malye kipdeipmanil,’ nyapmanum do?

Matius 19:20

Nyabukura, abona weik talinanye birye tamubuka nyabuk. “Naie, an nyapmanilam yupu ara, na mitikop arye kekelamsirye winilamsa anya arye, yata ning ton winipnamne do? Musa arye sekeipsuk yupu ton bataklamse ning ara, aupmal do?” nyabuk.

Lukas 10:29

Yesus arye nyabuk bukni, anye bira, ‘Yesus arye nati, el malye ulule,’ tenepmanila ati, ‘Na malye wininye ning kum biknilirye, telebnye uk, tenepnunile’ tenen, ayupu tamubuka nyabuk. “Yo, deiyok ara, Allah yupu deice arye, ‘Anggun bidamang unyak nang,’ nyalulul ara, dipkoprop ara yatato nang ati nyalul do? Yata nang ati bico tenebuka kanye deipnamne do? Yata nang ati, melinamne do?” nyabuka asipdeyuk.

Lukas 18:11

Birikce, Farisinye tikukce, Allah moronmok noutam arye, elce winilamuk ning atibuk ayupu nyabuk. “Na ni Allah, yuk ninye nirya malye ulamak touk kum wininune ati, teleb nyapkine. Anang ara, wininyake. Ton ning ara, ‘Weika arye dopropnamap’ tenen, yuk nang tia aryamice, ato kum bukni, weik tonap tabakuka tamudolonyak nang unyake. Ton ning ara, pia malye-malye wininyak nang ap, sik domik kilapu kum bukni, talye kilapu yona nang ap unyake. Sik wininyak atonun kum wininune. Tonda, otikmalnye yo bok boyangace buk, ubula dololamle atonun, nara kum wininune.

Roma 10:3

Allah arye ninye lyena ati, “Sikda teleb ninye unyake,” nyabuka, diksukum kilisilya deiyok ning ara, moubuka kum kel kiyamika anya arye, sikce, ‘Nun diksukum kilina ati, nun bidamang aryuk piripdebirye, pil weik donamape’ tenen, talye pil weik dolamik. Winibuka pirilamika deice arye, diksukum una deiyok ning, Allah arye akunum kintinipsuk ning ara, yaniltalamikce talyauk ulamik. Adeice arye, Allah el amu tam kum ulamika ati, el kanye aniryuk diksukum una deiyok ning arisilye ning ara, kum dololamik.

1 Samuel 15:13

Biyukba, Gilgal mutuku akunum yayukopura, sik bitinye epdarikce, Saul birye, Samuel biti nyabuk. “Ura, Allah arye, ‘Winiplyame,’ nyapnuk touk, akunum pil dopmane. Tonda, ‘Allah arye anti, teleb kibuka melinamkil’ tenen, Allah moropnukine,” nyabuk.

1 Samuel 15:3

Ati wini talak ara, anggun nirya bimunce, ‘Bico,’ tenena kum diparyuk, Amalek ninye nirya opnamlulume. Tonda, sik talibik ning nirya ara, tonok ning babye, ton kum bataknamlulume. Aning nirya obuka, sirya daknamlulume. Sal ap, kilapu ap mapu ap, kilmapu ap, moum din mapu, aling pum lin mapu ap opnamlulume. Tonda, Amalek nang, sik sapi ap, domba ap, unta basam ap, keledai basam ap, nirya obuka, sirya daknamalulume,’ Allah arye nyapmakile,” Samuel birye nyabuk.

1 Samuel 15:8

Atalak ara, Saul birye, Amalek nang, sik weik deiyoknye, Raja Agag ara, kum obikce, talye urdemuk dobuka deibik. Bukni, sik Amalek ninye, el amu tam ninye nirya ara, Saul el yin talin nang arye, sik parang ya dobukabikce, anang nirya obuka, sirya dakik.

1 Samuel 28:18

‘Deiyok ara, yata deiyok ati winipnamnil do?’ tenena meme. Deiyok ara ani. Allah yu weik ulamukba, anti, ‘Amalek yala ninye obuka, sirya daknalame,’ nyapdeipkuk. Nyapdeipkuk bukni, aning atonun, kum winiplumce, el yupu yanipluma ati, Allah el si Yahweh arye, arup anti wenepkile.